استفسار بخصوص حماية جهاز النوكيا ارجوا المساعدة

السلام عليك أيها الإخوة والأخوات لدي سؤال عن كيفية حماية جهاز النوكيا وذلك بإدخال رمز حماية للهاتف الجوال بحيث يقوم الجهاز بطلب إدخال رمز الحماية بعد إدخال رمز الشريحة فقد حاولت عدة مرات دون فائدة ، أرجوكم دلوني على الطريقة الصحيحة

وكذلك هناك طريقة منتشرة في المنتديات وهي معرفة الرقم التسلسلي للجوال وهذي سهلة ولكن هل تقوم شركة الاتصالات عندنا بإيقاف تشغيل جوالك المسروق إذا ذهبت إلى الشركة بالرقم التسلسلي.

وشكر لكم أعزائي

هلا بك اخووووووي

بالنسبه للموضوع الاول فسوف ابحث لك واجيب لك اللي يسرك

اما الموضوع الثاني فهو كلام منطقي

الرقم التسلسلي يتم ايقافه من قبل الشركه المصنعه للجوال نفسه

واعرف ناس سرقة جوالاتها وقامت ووقفت الجهااز ( علشان ما يتهنى السارق بسرقته )

سلام

هلا بك أخوي هادي ولكن قلي وين اروح اذا كان عندي الرقم التسلسلي وجوالي مسروق وابي أعطله على السارق وين أروح بالضبط لانك كتبت ( الرقم التسلسلي يتم ايقافه من قبل الشركه المصنعه للجوال نفسه )واحنا ما عندنا شركات مصنعه للجوالات في المملكة وين اروح اذا كان جوالي نوكيا

وشكرا لتواصلك أخوي

رح للوكيل المعتمد من قبل الشركه في السعوديه ولكن على ما اظن ان مشاعل الخليج هي الوكيل الرسمي

او ادخل على موقع نوكيا في الانترنت واكيد بتلقى حل لهذي الطريقه

وبالنسبه لرمز الحمايه موجود في الضبط بس ودي تحدد نوع جوالك وانا اشرح لك بالتفصيل الطريقه

سلام

هلا بك أخوي هادي جوالي هو 6610 ( الفيصلية )

انا رحت للضبط ثم ضبط الحماية ثم مستوى الحماية وادخلت رمز الحماية المعروف في الكتلوج وهو من 1-5 و اخترت الهاتف ثم ذهبت الى تغيير رمز الحماية ووضعت رمز من عندي ثم اغلقت الجهاز وشغلته مرة ثانية لكن ما طلب الجهاز ادخال رمز الحماية يوم شغلته .

شكرا لتواصلك

اها

فهمت

طيب قفل الجهاز وطلع الشريحه ثم ركب شريحه ثانيه وشف هو يطلبه او لا

وقل لي انتظر ردك


سلام

السلام عليكم اخوي هادي كلمت الاتصالات وقال لي الموظف أحنا نقدر نوقف الشريحة فقط أما الجهاز رح للوكيل و اليوم رحت لمشاعل الخليج وقال لي الموظف حنا ما نقدر نوقف الجهاز بأي حال من الأحوال واللي في الإنترنت عن توقيف الجهاز عن طريق الرقم التسلسلي كلام فاضي أحنا بس نأخذ الرقم التسلسلي لجهازك المسروق ونحفظه عندنا وإذا جاء للصيانة حجزناه وكلمناك بس . والله قهر .

أما رمز الحماية اللي اشغلني يقول الموظف : ما فيه مجال انه يشتغل إلا ببرنامج يتم تحميله في الجوال ومدي وش هالبرنامج

و بالنسبة لكلامك اني اطلع الشريحة وادخلها مرة الثانية فالنتيجة نفس الشي لا جديد .

شكرا لتواصلك اخوي هادي

المشكله انا في جوالي العجيب شغاله مضبووط ولا فيها مشاكل من اشغل الجهاز على طول يطلبها

وكذلك جوال النوكيا اللي يفتح مثل الباب اللي فيه كاميرا ( يسمونه المخمل ) شغاله فيه زي الفل

كلامك ذا اول مره اسمعه

لكن ابنشد واشووف بعد

وانا اللي قلت لك من ناحيه الانترنت اقصد موقع شركة نوكيا

سلام