بـيــن الـســطــور .. أشـــياء ..؟!؟!

بين السطور أشياء .. و بقلبي أشياء
و اللي بقلبي ما تشيله .. رساله!!

من (الالف) نبكي على حالة (الياء)
يا ضفعنااا .. نبكي على شان (حاله)!؟

ياأنساتي سادتي .. يا اعزاء
حفل الدموع .. اليوم تم اكتماله

دمعي يضر أخوان .. و يفرح أعداء
و الهم يكتب في ضلوعي ..مقاله

يا ما فقدت احباب .. و قلوب .. وأسماء
الين قلبي صار ينبض لحاله

لك .. يا بعد كل القصايد و الاضواء
يفداك .. شاعر فكرته من خياله

امنتك الله .. بالسوالف و الأنباء
اسج مع طاريك لا جاء مجاله

ياللي شربت (النور) .. و أسقيتني (ماء)
كلامك اطول شيء .. مافيه أطاله

تضاربت فيني المشاعر و الاهواء
و حفظت لك في وسط قلبي .. جماله

أختار لك بيتين .. و أكتب لك أهداء
و انت الفريد اللي قصيدي .. حلاله

جوارحي لك .. و الاحاسيس قراء
يالشاعر اللي ما اتبدل بداله

ماهو بحب .. و لا مصالح .. و لا داء
شعور .. كبحه فالضلوع أستحاله

لا شفت في دنياك .. زحمه و ضوضاء
بافرد جناحي .. و استرح في ظلاله

تعال .. علمني حروفي (ألف باء)
علمني القوه .. و معنى الجزاله

عطني شعر .. و اعطيك تركيز و أصغاء
يوم الزمن وقف على راس فاله

شعرك .. يرجعني لحالات ..(الاحياء)
احس .. و اشعر ..و اتنفس خلاله

تملك .. قلم ساحر و طاقية أخفاء
كلي خطأ .. و الا انت .. كلك أصاله

يعني اذا عمر البنادم .. بالأخطاء
في عيد ميلادي ..بأطفي (رساله)

/


اتمنى ان القصيدة ارتقت الى اذواقكم الرائعه

دمتم بخير

مايحتاج كل الي يجي منك زين

يعطيك العافيه سحايب قصيده رائعه الله يسلمك

ابو حمد

الله يسلمك اخوي على هالمرور العطر

ولاهنت عليه

أختار لك بيتين .. و أكتب لك أهداء
و انت الفريد اللي قصيدي .. حلاله

جوارحي لك .. و الاحاسيس قراء
يالشاعر اللي ما اتبدل بداله

*

/

يال جمـــال هــذهـ الأبيــات المرموقه الجميـــله

أختــي سحــايب صيـف القصيــدهـ كيف لا تــرتتقي الى أذواقنا

وهــي من المتميـــزين والغالين

لا هنــــتي عــزيزتي ولا هانت أنــاملــكــ

*

/

دمـــتي بخيـــر وســلام

/

الذيب

الله يعز مقدارك على هالمرور الرائع والجميل


وموغريب عليك قوة هــ الحضور وشموخه


لاعدمناك يالنشمي

/

يا ما فقدت احباب .. و قلوب .. وأسماء
الين قلبي صار ينبض لحاله

لك .. يا بعد كل القصايد و الاضواء
يفداك .. شاعر فكرته من خياله

امنتك الله .. بالسوالف و الأنباء
اسج مع طاريك لا جاء مجاله

قصيدة جميله ومميزه يا سحايب خير

الف شكر علي الذوق الرفيع

تحياتي

القناص


هلابك اخوي ونورت متصفحي بحضـــورك الشامخ والمحمل بالعذوبه


لك مني كل الشكر على هــذا التواجد العطر


احترامي وتقديري لك

قصيد في غاية الروعة اختي سحايب صيف


كلك ذوق


والله لايحرمنى من جديدك

الشمالي


الله يعطيك العافيه على مرورورك وتواصلك العطر


والروعه اكتملت بمرورك الشامخ


احترامي لك وتقديري

سحايب صيف

رائع ما خطه قلمكـ

وجميل ما عزفته مشارعك

أبيات رائعة يعلوها الجمال

سلمت يمينكـ ِ أختي الغاليه

على النقل الأكثر من رائع

روعه وذوق في الاختيار

صح لسـان شاعرها وتسلم إيدين ناقلتها

لاعدمناكـِ يارب

تقبلي وجودي في صفحتكـ

تحيتي لك


دائماً رئعهً