~{الـدَمْع مَاهوْ عَـيـّبْ ../ رَحْ عَلـّـم اللَي يَقْولْ عمّره مَابكى، ..!

صباآآآحـ الخير

في كل مرة .. نقرأ فيها ان هناك لقاء عن فهد
نبقى مشدوهين . اعيننا تقفز فرحاً بين الكلمات
كل كلمة نشعر انها تعني شيئاً يشبه الضوء
دعونا نحلق مع شاعرنا الآن في سماء ا لابداع
_ ماهي أول أبيات كتبتها ؟ وكم كان عمرك ؟؟
صعب أذكر البدايات بالدقه المطلوبه في سؤالك ..لكن فيه ابيات كتبتها من ضمنها
راحت وانا اطلالها اليوم باقين
ترقب عيوني بابها والهبايـب
اليانفتح كل الخفايا بي اتبيـن
والياتسكّر جاوب الدمع غايب
يمكن كان عمري 15 تقريبا
::
::
-ما هي القصيدة التي عرفك الجمهور من خلالها ؟؟
قصيده المحارم وقصيدة المدينه والغريب
::
::
- ما هي أعز قصيده على قلبك من كتاباتك و أخرى من كتابات غيرك تمنيت ان تكون شاعرها ..؟؟
اعز قصيده عادة ماتكون الأخيره لكن انا احب قصيدتي في والدي رحمه الله احبها من محبته ,
وقصيده لغيري هو في الحقيقه بيت لسعود بن بندر يقول فيه
ياليتني بينك وبين المضره ... من غزة الشوكه الى سكرة الموت
وقد كتبه في والدته .
::
::
_ متى كانت أول أمسية لك ؟
يمكن سنة 2000
في جمعية الثقافه والفنون في مدينة الرياض
::
-من برأيك يتربع على الساحه الشعبيه الأن ..؟؟
أكيد بدر بن عبدالمحسن .. هذا من وجهة نظري وياليت أقدر اعمم وجهة هالنظر .
::
::
- هل لديك اهتمامات خارج نطاق الشعر .. وكيف يقضي فهد المساعد أوقات فراغه ؟
البلاي ستيشن ماخذ وقت لاباس فيه من اوقات الفراغ
ايضا هوليود لها نصيب الأسد من يومي .
::
::
-في عالم التكنولوجيا - هل للانترنت دور بارز في إظهار الشاعر ؟
بالتأكيد أي وسيلة أعلام تحترم مادتها المقدمه تكون بذلك تخدم ماتقدمه وتدخم نفسها
::
اللقاء من قروب ابو نواف
:
والانـــــــــــــــ ابقوآآآ مع قصائدهــــــــــــــــ
جف الكلام ومـدت يدينهـا فـوق :
.... أخترت هذي .. وأنت شف لك سحابه
قلت .. ويديني تحتضنها مثل طوق .. :
أختـرت هـذي هـذي أكثـر رحابـه
هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه
هذي هي اللي عرّفتنـي علـى الشـوق
هذي قدر .. ماكنـت حاسـب حسابـه
قطعة حزن في جيب بالـي ومشقـوق
ومضة فرح في عيـون نـاسٍ غلابـه
أن سولفت فـي ثغرهـا لمعـة بـروق
وإن سرّحت في عيونها صمـت غابـه
واليا اضحكت نورٍ من الفجر مسـروق
واليـا بكـت تحـزن عليهـا الكـآبـه
حبي لهـا لـوأدري ان فيـه مخلـوق ..
قدّ حـبّ مثلـه .. قلـت : "ياللغرابـه"
هالآدمي من وين له قلـب وعـروق؟!
والصبر هالمسكين مـن ويـن جابـه؟
وأنـا أتكلّـم .. ردّت عيونهـا فــوق
ثم تمتمت : من هي هالأكثـر رحابـه؟؟
قلت ويديني تحتضنها مثل طوق
فـي ذمتـي ماشفـت غيـرك سحابه
/
اليـــوم ثالـــــث يــوم مــوجـــعنـــــــي
وعيني لها اليوم ثالث تجمع طيوفـــكـ
والبــال كنــه علـى دربــك يوزعنــــي
ولساني كــنه ماخــــلق الا لحروفـــكـ
لاالنــوم نافــع ولا التفكيــر نافعـنـــــي
انام واصحى علىالباقي من وصوفكـ
بالــله قلي شعــوري هذا وش يعــني
طمنـــي الله يطمـــن همــك وخوفـكـ
بيني وبينك ترى اللي صدق ضيعني
الا انت في اخر لقى شارحلي ظروفكـ
مدري وش اقـــول بـس اسمعـــــني
خابرك وافي وابيك تتم موضوعكـ
ان كنت ناوي تسافر لاتوادعنــي
بس انت لاتسافر قبل لا اشوفـكـ

"
كــــان في وسط المدينه...
طفلٍ أكبر من سنــــينه..
والده مات بحنــــانه..
ولاقعد يندب زمانه...
صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...
يمسح أطراف القوايل عن جبينه ..
يبعد الشمس ويطاردها بيدينه..
طفل أحزانه معالم..
طيب وسمح ومسالم..
يمشي ويطوح بصوته ..
يبغى قـــوت أمه وقوته ..
المحارم....المحارم....المحارم ..
المحارم....المحارم....المحارم ..
ولا أقبل الليل ..ورحل وجه النهار ..
راح لامه مثل الأطفال الصغار ..
وأرتمى في ...حظنها ..
أرتمى في....جفنها ..
أرتمى في....حزنها..
وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..
تحسبين أني حزين؟ ..
لا..و(ربي) ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..
وفي صباح من صباحات الضياع ..
الحزن قدر يقول له الوداع ..
نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..
الصغير اللي ملى الدنيا صراع...
مـــــــات ....من كثر الوجع

"

تـدرين لامنـّـك زعـلـتي وش يـصــير ؟
تدرين لامـن صـار خـاطرك مـكـسور ..
تكـّـدس أغصان الشجر بالـعـصــافــير
وكل ماذرفتي دمعه .. يموت عصفور
الـدمــع ماهو عـيـب .. رح علـّـم اللي
يـقـــول عــمــره مابـكـى فــي حــياتــه
الـدمـــع مـايـقـطـع صــلاة المصـلـّـي
والضحك مثل أبليس .. يقطع صلاته

"

لامن خذلك الزمان وكثرت جروحه
لاتنشد أول جروحه وش هي آخرها!؟
تعال شف صاحبك قافل على روحه
بيبان الأيـام والدنيـا مسكّرهـا !
ينسى له عيون بنتٍ طارت بروحـه
والمشكله .. لاتناساها .. تذّكرهـا

"

صحيح صعبة ابني الحـب واهـدّ
لكن ترى لا ضقـت والله لا اهـدّه
مهوب انا اللي يرفع بوجهـك اليـدّ
وْلا عاش من يرفع على بنت يـدّه
لكن با اروح ولو غشى دمعك الخدّ
باقول : "وينه غايبٍ فيـه مـدّه"؟!
يوم الوصل من بيننـا حبـل ممّـدّ
ترخي وانا ارجي منك يـومٍ تشـدّه
بعد المذلّه جيتنـي اليـوم بتشـدّ؟!
خلاص انا فكّيـت حبـل المـودّه
ما دام به ناس عـن الديـن ترتـدّ
وش يضمن انه ما يجي منك ردّه؟

"
يافديت اللي اذاا جيته اقول
قل احبك
استحى ماقالها
وان زعلت يتمتم بهمس خجول:
تطلع احسن لو تجي من حالها

"

صعب لامنك فشلت وصعب لامنك لقيت
ان من يكره نجاحك يدري انك ما نجحت
امس ضقت ورحت اقلب ذكرياتي وانتهيت
عند صورة طفل صوته مثل صوتي لا انجرحت
وش مثل؟ لا والله الا هذا انا يوم ابتديت
انطق حروف (ن) تعلثم في لساني لا انمدحت
هذا انا يوم الحياة فنظرتي عشرين بيت
ومسجدين ومدرسه من طين كم فيها اصطبحت
هذا انا واصبحت اتمتم (هذا انا) حتى بغيت
اختنق بس القدر عيا على موتي و طحت
وصاح صوت الطفل فيني : انت من وين ارتميت
قلت انا المستقبل اللي فيه كم همت و طمحت
امس كنت ابيك تكبر بس والله لو دريت
اني اللي عشت لجله .. مت عندك واسترحت
لو دريت ان الزمان يجر رجلي ما عديت
ولو دريت ان البحور بلا مواني ماسبحت
كان دربك لي طويل وكل ما شفتك هويت
قلتلك كبوة جواد ماكبيت الا وجمحت
ليه تسمعني و تمشي آه ليتك مامشيت
وآه ليتك من كثر عثرات الأيام انتصحت
ضاعت احلامي و ظل الحزن فيني واهتديت
للطريق اللي يوديني على دمعي و رحت
يالحزن ليتك مثل دمعي وتنزل لا رقيت
بس اعرفك لو مسحت الدمع تبقى ما انمسحت
كان حلمي في وجود انسان يبكي لا بكيت
وصار حلمي في وجود انسان يفرح لا فرحت
كنت اشوف الناس مثلي كل ما جعت وظميت
مادريت ان الأوادم ناس فوق و ناس تحت
آه يا اول ذكرياتي خذني فحظنك نسيت
لا أسألك عن وجه ابوي اللي معه ياما سرحت
خذني فحضنك ابغفى .. يآآآه مبطي ماغفيت
وان لمحت دموع عيني سو نفسك مالمحت
خذني فحضنك وبعثر في جرحي وان قضيت
هزلي كتفي وقلي: عيب تبكي لو سمحت
اضحك وعلم زماني من انا ومن وين جيت
طق باب الحزن واصرخ في لا مني فتحت
وضمني يمك و كمل ضحكتك لا من بكيت
ودي اذكر كيف كانت ضحكتي لامن فرحت

"

اللي تركني وأنا في عز غربالي..
بعد الشدايد وش اللي ذكره فيني..
يبغى زمانه يعود ويرجع الغالي..
وشلون يرجع بعد ماطاح من عيني..
لا الوقت وقته ولا له شي في بالي..
انا نسيته مثل ما كان ناسيني..
يا ما تمنيت نظرة منه في حالي...
يا ما تمنيت صوته لو يناديني..
وأقول لااظلم علـي الليـل بلحالـي
الله يجيبه يشتـت غربـة سنينـي
من كثر ماكان طيفـه دايـم قبالـي
احيان احسه معي وتضمه ايديني
ولامن تنبهت ليـن وجيـه عذالـي
كلٍ على ماطـرى بالـه يسمينـي
ليته تركني بعد هـذا علـى فالـي
زي ماتركتـه بعد قتلـه بساتيـنـي
من بعد ماصار جاب بلسانه الحالي
يبغى يرجـع زمـان بينـه وبينـي
قولوا له اني مااحبه كثـر ترحالـي
او لا حرام يتضايـق والا يبكينـي
قولوا له اني احبه بس مـن تالـي
ان راح والا رجع ماعـاد يعنينـي

"

كيف اتحمل وداعك وانت خابرني
مااطيق حتى وداع الشمس لي غابت


شموخ
...!

شموخ انثى

حياك والقلب وياك

يعطيك الف عافيه ياشموخ على كل حرفاً وكلمه ذكرتيها

سلمت اياديك

دمتي لنا بالف خير وعافيه

ابو العنود

تسلمين ياشموخ على هذه المسات الجميله

الف شكر لك

شموخ موضوع اكثر من رائع تشكرين عليه

دامتي بخير

أسير المشاعر

دائما وأبداَ أنتي مبدعه ياشموخ انثى
دائما هكذا تبهرينآإ بأحآسيسكِ
ودائماً عند حضوري لصفحتكِ الخلآبه
أنسىىى كلمآتي وانسى بمآذا أجيبكِ
يعجز اللسآن عن التعبير
وتعجز العين عن النظر بكلمآتكِ
¸,.-~* شموخ انثى *·~-.¸
و الله روووووووعه
أسرتي أحلامي هنا
لم أرى غير خيال حرفكـِ فقط
أبدعتي يارااائعه
مبدعه كما عودتينا
ربي يزيدك ابداع
باقة معطره لقلبكـِ النقي
مشكوره مره ثانيه على الطرح الابداعي
دمتي كما تحبين

كيف اتحمل وداعك وانت خابرني
مااطيق حتى وداع الشمس لي غابت


ما قول فوق كلام أخوي سطام الشبرمي كلام

وفا وكفا



تقبلي مروري

اقتباس: المشاركة الأصلية كتبت بواسطة ابو العنود    شموخ انثى حياك والقلب وياك يعطيك الف عافيه ياشموخ على كل حرفاً وكلمه ذكرتيها سلمت اياديك دمتي لنا بالف خير وعافيه ابو العنود

//
\\
*

ابو العنود
الف ششششكر لكـ على التواصلـ

ماننحرمـ منكـ ياربـ

لاهنت

اقتباس: المشاركة الأصلية كتبت بواسطة صادق المشاعر    تسلمين ياشموخ على هذه المسات الجميله الف شكر لك

//
\\
*

صادق

هلا بكـ
من زمان عنك
نورت والله
والله يسلمك
لاتحرمنا حضورك
لاهنت


..,

اقتباس: المشاركة الأصلية كتبت بواسطة أسير المشاعر    شموخ موضوع اكثر من رائع تشكرين عليه دامتي بخير أسير المشاعر

//
\\
*
اسير المشاعر

هلا بكـ
والروعهــــــــــــــــــــ حضوركـ الراقيـ
لاهنت








شموخ


..,

اقتباس: المشاركة الأصلية كتبت بواسطة سطام الشبرمي    دائما وأبداَ أنتي مبدعه ياشموخ انثى دائما هكذا تبهرينآإ بأحآسيسكِ ودائماً عند حضوري لصفحتكِ الخلآبه أنسىىى كلمآتي وانسى بمآذا أجيبكِ يعجز اللسآن عن التعبير وتعجز العين عن النظر بكلمآتكِ ¸,.-~* شموخ انثى *·~-.¸ و الله روووووووعه أسرتي أحلامي هنا لم أرى غير خيال حرفكـِ فقط أبدعتي يارااائعه مبدعه كما عودتينا ربي يزيدك ابداع باقة معطره لقلبكـِ النقي مشكوره مره ثانيه على الطرح الابداعي دمتي كما تحبين

//
\\
*
سطام

ياهلا والله

وآكتمل الجمال بـ مرورك

يسعدني تواصلك المشرف

ماننحرم منك

كل الشكر
لاهنت





شموخ


..,