أنا أهنيك من قلبي قدرت إنك تبكيني ....

أنا أهنيك من قلبي قدرت إنك تبكيني
.......... وحق الله يالغالي أنا من القلب هنيتك

كذا روحي تعللها ولا لي من يواسيني
......... وأنا اللي بكل معنى الحب والإحساس حبيتك

أهون عليك وحياتك كذا وحدي تخليني
......... تنسى عشرتي وتروح وعمري بلحظة ما نسيتك

حبيبي قول ما بقلبك إذا زعلان صافيني
.......... تدري كم أنا أحبك وتدري كم صافيتك

أنا مقدر على زعلك ولا إنك تجافيني
......... عساني ما تهنى لو أنا في يوم جافيتك

أريدك ما تصدقهم كل اللي حكو فيني
......... عذول وفيهم الغيرة عشان بعمري أنا فديتك

حبك ساكن بقلبي ويجري في شراييني
.......... عشقتك يوم ما شفتك وخليل الروح سميتك

تدلل بس على روحي ولو تطلب نظر عيني
.......... وحق الواحد المعبود معاه القلب أنا عطيتك

ولك عهد الوفا مني أقضي عندك سنيني
.......... مطيع بكل ما تأمر ولو حارس على بيتك

منى نفسي أنا شوفك ولو خلسة بيكفيني
.......... ملكت الكون ساعتها وتاج الراس خليتك

حبيبي لا تعذبني تراه البعد يظنيني
.......... ورجيتك لا تحسسني أنا غلطان غليتك

نار العشق يا عمري ترى بالله تكويني
.......... تشعل في وسط صدري بأول يوم أنا ريتك

حبيبي عودلي رجواك قبل موتي يوا فيني
.......... قبل لا تنطفي شمعة زمان كان مضويتك

مليك الروح لا تنسى إذا ما تقدر تجيني
......... تذكر يا بعد عمري كم أنا تمنيتك

وإذا جالك خبر موتي أنا ما أريد تبكيني
.......... أنا ما أريد أتعذب عشان بيوم بكيتك

ترى لي بس طلب واحد أنت اللي تواريني
.......... تلبسني الكفن بأيدك قبري تلحّده بغيتك

ولو تسمح بدل إسمي شهيد الحب سميني
.......... وعلى قبري زرع وردة دخيل الله ترجيتك

كفاية عروقها جنبي وسط قبري تسلِّيني
.......... وكل ما تشم زهرتها أنا بالعرق شميتك

ودوس القبر بأقدامك ولوما تطالعك عيني
.......... ترد الروح في جسمي وأنا بالطيف ناديتك

وتذكر قسوتك عندي وظلمك يوم نا سيني
......... ولما تلعب بقلبي شرى لعبة مسليتك

وسجل في كتاب الدهر كل اللي جرى فيني
......... عساه الدهر ينصفني وأنت بعد ياريتك

//
\\
*
ترى لي بس طلب واحد أنت اللي تواريني
.......... تلبسني الكفن بأيدك قبري تلحّده بغيتك

ولو تسمح بدل إسمي شهيد الحب سميني
.......... وعلى قبري زرع وردة دخيل الله ترجيتك

العضيد
تحضر ويحضر معكـ الابداع
قصيدهـ رائعهـ
لاهنت
..,

العضيد

حياك والقلب وياك

الف مليون شكر لك على هذه القصيده الرائعه والمتميزه

سلمت يداك

ابو العنود

صح السانــك الغالي الــــعـــضـيـد

احلى ما قرأت من قصايد الله يسلمك

فعلآ دايم مبدع الله يعافيك

دمتا بعبير الورد

ولك عهد الوفا مني أقضي عندك سنيني
.......... مطيع بكل ما تأمر ولو حارس على بيتك

ما تاصل لهذا الحد يالعضيد .. ألا كان سكيورتي

قصيده فيها من العشق والهيام الشي الكثير ..

ويبدوا ان شاعرها يرزح تحت وطأة الحب !!

لاهنت يالعضيد وحضور أشبه بالمطر ..

اقتباس: المشاركة الأصلية كتبت بواسطة شموخ انثى    // \\ * ترى لي بس طلب واحد أنت اللي تواريني .......... تلبسني الكفن بأيدك قبري تلحّده بغيتك ولو تسمح بدل إسمي شهيد الحب سميني .......... وعلى قبري زرع وردة دخيل الله ترجيتك العضيد تحضر ويحضر معكـ الابداع قصيدهـ رائعهـ لاهنت ..,

ما الأبدااااع الا تواجدك هنا


وحضورك يسعدني ويطربني


كل الشكررررررررررر لك

اقتباس: المشاركة الأصلية كتبت بواسطة ابو العنود    العضيد حياك والقلب وياك الف مليون شكر لك على هذه القصيده الرائعه والمتميزه سلمت يداك ابو العنود

تسلم يابو العنود على حضورك


ولا هنت على التواجد



كل الشكرررررررررررر لك

اقتباس: المشاركة الأصلية كتبت بواسطة الشمالي    صح السانــك الغالي الــــعـــضـيـد احلى ما قرأت من قصايد الله يسلمك فعلآ دايم مبدع الله يعافيك دمتا بعبير الورد

صح بدنك يالشمالي

والله يعاااااافيك يااارب


لك كل الشكرررررررررررر

اقتباس: المشاركة الأصلية كتبت بواسطة السنافي    ولك عهد الوفا مني أقضي عندك سنيني .......... مطيع بكل ما تأمر ولو حارس على بيتك ما تاصل لهذا الحد يالعضيد .. ألا كان سكيورتي قصيده فيها من العشق والهيام الشي الكثير .. ويبدوا ان شاعرها يرزح تحت وطأة الحب !! لاهنت يالعضيد وحضور أشبه بالمطر ..

لو يبي موأكون سكيورتي أكون تمثال له !!!!!!!!


تسلم يالسنافي على حضورك المميز


لا عدمناك طال عمرك


لك كل الشكررررررررررررر

قصيدة جزله ومعاني جميله
صح السانك والسان الشاعر
تقبلوا مروري