شركة الاختلاسات السروقية .. والمهزلة

شركة الاتصالات السعودية أو كما يحب أن يسميها الكثير ( شركة الأختلاسات السروقية ) هذه الشركة اللي خدماتها من جرف لدحديرة ومن سيء لأسوأ ،،
وآخرتها المصيبة اللي لها شهرين في تمير ولا صلحوها وهي الاتصال التعبان ،، كلما أتصلت على واحد صار الاتصال يقطع وتسمع صوت كأنه في وسط تانكي ،، فبدل ما تجلس في المكالمة دقيقة واحدة صرت تجلس خمس دقايق أوأكثر علشان توصل معلومة بسيطة للشخص الأخر اللي يتكلم معك ،،، وخساير المكالمة كلها على رأس المواطن ،،،
ناس كثير أتصلوا عليهم علشان يشوفون لهم صرفة مع البرج ، لكن الرد معروف ( نبي نسوي لك طلب للصيانة ومايكون خاطر إلا طيب ) ،، ، وآخرها اليوم أتصلت عليهم وهزأتهم وشرحت له المشكلة ورد علي بنفس الرد السابق ،، وفي الأخير يوم قلت له إن فيه ناس يبون يشتركون في موبايلي ويتركون الاتصالات ، يرد علي ويقول هاذا شي راجع لك وبكيفك !!!! (بالله هاذي خدمة ولا وش تسمى )
ما أقول إلا حسبي الله عليهم والله لا يحللهم ولا يبيحهم على كل ريال ياخذونه بغير وجه حق وعلى هالخدمة الزفت اللي عندهم ،،،

موبيلي احسن مائة مرة افتكوا من شركة الاختلاس والخدمة الزفت

فعلا ..وش الى حادك ..
اتركهم بما ان البديل موجود ..
الى بث موبايلي عنده اقوى يروح لها ..
ولي بث الجوال اقوى يروح لها ..

وبكره بتجي الكويتيه ...والدنيا حتبقى ..آخر حلاوة

اهم شي ..اعصابك وانا اخوك..

مع الهاتف الخلوي لا مشكلة
اتجه فورا لموبايلي

بالامس القريب كنا نشتكي من موبايلي واليوم شركة ا لاختلاسات

واذا عرف السبب بطثل العجب ماوراهم والي ولا فيه احد تقدر تشتكيهم عليه

والدعوه فوضه والمواطن هو الي رايح فيها

فعلا ..وش الى حادك ..
اتركهم بما ان البديل موجود ..
الى بث موبايلي عنده اقوى يروح لها ..
ولي بث الجوال اقوى يروح لها ..

اي والله انكــ

صاجق

طيب وش اللي حادك عليها

رح لموبايلي احلى واحلى

تحياتي لك

الحمدلله موبايلي والله انها ازين منها لاكن وش نسوي من شركة الأتصالات

المشكلة ماهيب في إني أروح لموبايلي أو ماأروح ،،، المشكلة إن كل اللي اتصل عليهم معهم الجوال ،، يعني إذا رحت موبايلي واتصلت عليهم بتصير التكلفة أكثر

لو أهل تمير كلهم معهم موبايلي كان أحسن ،، على الأقل نقاطع الاتصالات اللي سرقتنا كل هالسنين ،،،

فعلا ..وش الى حادك ..
اتركهم بما ان البديل موجود ..
الى بث موبايلي عنده اقوى يروح لها ..
ولي بث الجوال اقوى يروح لها ..