قصيدة مؤثرة وجميلة لاتفوتكم.

زوجة توصي زوجها وهي تحتضر

--------------------------------------------------------------------------------



تـرى الذبايـح وأهلهـا ماتسّلينـي

أنا أدري إن المرض لا يمكن علاجه

أدري تبي راحتـي لا يابعـد عينـي

حرام ما قصّرت يديـك فـي حاجـه

أخـذ وصاتـي وأمانـه لاتبّكيـنـي

لو كان لك خاطرٍ مـا ودي أزعاجـه

أبيك في يديك تشهدنـي وتسقينـي

أمانتـك لا يجـي جسمـي بثلاجـه

لف الكفن في يديك وضف رجلينـي

ما غيرك أحدٍ كشف حسناه واحراجه

أبيـك بالخيـر تذكرنـي وتطرينـي

يجيرني خالقـي مـن نـار وهاجـه

سامح على اللي جرى ما بينك وبيني

أيام نمشـي عـدل وأيـام منعاجـه

همي عيالي وأنا اللـي فـيْ كافينـي

علمهم الدين تفسيره ومنهاجه[/size]

	كذا والا بلاش / صح لسانك وماقصرت على هذا النقل الجميل وهذي هي القصايد اللي نتمناها ونتمنى نسمعها دايم وقصيده رائعه وتستحق الاشاده والاطراء وانت بدورك ماقصرت واشكرك على هذا المجهود الطيب وحقيقه القصيده مؤثره وجميله وياليت المشرف على ساحة الشعر يرفع مستوى الساحه ويحسن اوضاعها ومواضيعها لان الشعر الفكاهي ليس كل شئ ويوجد في الساحه قصائد كما يزعم اصحابها ماتسوى من يدخل عليها لانها مكسره وركيكه وغير موزونه ومع ذلك يوجد ناس يخادعون اصحابها على حساب الساحه وهذا والله يؤثر في المنتدى عموما وفي هذه الساحه خصوصا .

	الله يرحمها ويسكنها فسيح جناته ومشكوووووووور اخي على هذه القصيده الراااااااااااااااائعة ويعطيك العافيه

[size=7]ـ اشكر اخواني صدوق المخايل ولد عنبر
على هذا الرد الجميل واوعدهم بالمزيد انشالله
اخوكم : الفتى الموهوب [/size]

	الفتى الموهوب لك كل الشكر واختيار ممتاز ولك أخي صدوق المخايل ارفق علينا ونستقبل اقتراحاتك ونتمنى مشاركاتك