ألفية أبن عمار >>> مائة وعشرون بيتاً من الحكم والغرام

27 / 04 / 2004, 20 : 01 AM

ألف أولف من كلامٍ نظيف=ودموع عيني فوق خدي ذريفي
من لامني في حب ذاك الوليفي=أدقاق رمش العين سيد الخوندات
خوندات ياللي مابعد عاشرّنه=قل له تراهن بالهوى يذبحنه
قلبي وقلبك يالموّلع خذنه=عزي لمن مثلي تعرض للآفات
الباء. بليت بحب خلي على ماش=ولا حصل لي منه مايبرد الجاش
غديت أنا وياه طاسه ومنقاش=بالوصف كني يالمعزي سلامات
معزي سلامات الذي يذكرونه=نبي السلامه منه وإهي المعونه
يقول طيّب مير غارت عيونه=سبب ولدكم واحدٍ صايبه مات
التاء. تبعت الزين والزين مقفي=أمشي وحتفي شايله فوق كتفي
لاشفت مجدولٍ وكتفٍ وردفِ=ما أقوى ألتفت لوّ طوحولي بالأصوات
أصوات لوّ قالوا سفيه ٍ وسايح=طرد المقفي للمشقا فضايح
قلت أيه مير أعلومكم والنصايح=مثل المطر فوق الصحون المكفات
الثاء ثمانه حب رمّان طايف=أوّ قحويانٍٍ في رياضٍ عطايف
متنفلٍ بالزين سيد العفايف=عمهوجٍةٍ فيها من الحور شارات
شارات فيها من ظبيّ الحمادي=هيّ لذة الدنيا وغاية مرادي
من يوم شد صويحبي من بلادي=عليه جاوبت الحمامه بالأصوات
الجيم جاني من عشيري كلامي=ولا لقينا من يرد السلامي
عليه زرع القلب هايف وضامي=مالي جدا كود البكا والتنهات
أنهت على مافاتني من زماني=يوم الحبيّب زارني في مكاني
وراي ماخذت القضا يوم جاني=وانا ادري ان البيض فيهّن غرات
الحا حليه في الوطن ما لقيته=عذلت قلبي عنه ولا قويته
لو يذكـر يم مكه نصيته=انصـاه لو بيني وبينه مسافـات
مسافات في وسط البحور الظلامي=في وسط بتيلٍ حداه الـولامي
والى حصل لي بلوغ المـرامي=اصبر ولو دشيت بحر الظلمات
الخاء خليلي صار مني قريبي=جعلي نصيب ٍ له وهو من نصيبي
ودي أواجه نور عيني حبيبي=مير الوحيد أزهيد مافيه نوهات
نوهات نوهاتٍ غدت من غثاالبال=طول النهار مسيم عمّال بطّال
وأنا ترجا كل حولٍ إليا حال=دنياك هذي ياريّش العين نشبات
الدال دامي مامسكت الذوايب=لوّ قيل طيّب قلت ماني بطايب
هاتوا ستاد القبر. دنوا نصايب=دنوا دوات الحبر نكتب سجلات
سجلات أريد أكتب بها ليّ وصيّه=عمري غدا ياويل أهلي عليّه
قولوا لصاف الزين ياقف عليّه=ياكود يعطف ويتحسف لما فات
الذال ذالي عنه مدة ليالي=أن قيل سالي قلت ماني بسالي
والله مايطري على شف بالي=ألا أنت ياراع الثمان الرهيفات
رهيفات فيهن للموّلع طرابه=مجمول مدلول ولابه طنابه
ياليت من يدخل معه في ثيابه=وسج أنا وياه بالعمر سجات
الرا ردوف صويحبي ثقلنه=ونهود للثوب الحمر شلعنه
فوق احمر محلا بياضه وفنه=من فوق جسم فيه من عرق الارطاة
ونهود للثوب الحمر شلعنه=والساق فيها مثل عرق الارطاة
ارطاة غرمولٍ ٍ ذرته الذواري=والله لولاني على الترف اداري
لأضوي عليها مثل ذيب الغداري=جايع وبا لغيبه عياله مجيعات
الزاء زماني شفت منه الهوايل=لاصار حظي بالغنادير مايل
الزين لوّلا الزين قاصر وطايل=لاشك وين العقل هيهات هيهات
هيهات لوّ بالعقل يادب لبه=ماكان يتبع واحدٍ مايحبه
لاصارقولي له خريطٍ بدبه=وش لك بشوفه يالعيون المشقات
السين سلمت الدراهم وعيّا=واللي نبي من صاحبي ماتهيّا
يقول والله لوّ تحب الثريا=خذني على السنه تشوف الطرابات
طرابات ينسّنك جميع الدروبي=أغديك في تالي حياتك تتوبي
واجعل مقرك بين جلدي وثوبي=حتى تشوف البيض فيهّن طربات
الشين شاب الراس ياعذب الأنياب=واللي برجوى توبة كان قد تاب
إليا بدالي حاجةٍٍ فافتح الباب=يرحمني اللي عالمٍ بالخفيات
يرحمني أني فيك يازين مفتون=من حبك أسهر والخلايق ينامون
ألهيتني عن مذهب اللي يصلون=ما عاد أميّز لو قران التحيات
الصاد صيدي يوم ألايم غريمي=شفقٍ على الحبه ولمس البريمي
ماهوب صيدي قلّة بالحريمي=لاشك كلٍ له مع الناس مشهات
مشهات مشهاتي ظبيٍٍّ فريدي=حب العرب ينقص وحبه يزيدي
لاشفت ذاك الزين هو يوم عيدي=تصبح بساتين الضماير مريفات
الضاد ضد ٍ حال بيني وبينه=يقول هذا صانع ٍ لا تبينه
عسى العمى يبلاه بصبيّ عينه=يسهر ولا يمرح من الليل ساعات
ساعات جعله مايشوف الجدارا=ولا يعرف الليل هوّ والنهارا
عساه يوم البعث يبعث حمارا=ويحملونه حمل الأسراف سيّات
الطاء طويت الياس والسد باحي=ماعاد ليّ شفٍ بظبي البراحي
لعلها هفّت خفوق الجناحي=اللي سبوقه فوق رجله مطوّات
مطوات طار وراح في يوم هبّه=راعيه لوّ رز اللوا ماينبه
يتلا فروخٍٍ ٍ للحباري غدت به=يبغا العشا مابين فخذٍ وثندات
الظاء ظما ني من توّلع بالأثنين=لابد تترك عشرته يامسيكين
ماينجمّع وسط المرابط حصانين=يجي لهن هز ٍ ولز ٍ وصقلات
صقلات يصقل يوم دنوّا طعامه=شفقٍ على العيشه ولاهي بحامه
أسمع جوابي ياهبيل الفدامه=إليا جمعت الحصن فالحصن خطرات
العين عن من ينقل الهرج حذراك=تراك كنّك ناقلٍ داك برداك
إليا سمع له هرجةٍ من حكاياك=يحطها كبر القصور المبنات
مبنّات يبني مثل خشم الغرابه=ويكرد المشروب عقب الطرابه
وهو يشابه بومةٍ في خرابه=لاناقلٍ هرجه ولا كفو هرجات
الغين غاب العقل بأول شبابي=وأدميت من تلعات الأرقاب نابي
واليوم شاب الراس والكيف طابي=ماني على الفيات كثير الحسوفات
حسوفات لاتندم على اللي غدا منك=أيضا ولا تفرح على اللي يجي منك
مادراك لوّ موجب سبب صدته عنك= ناهيك وال العرش رب السماوات
الفاء فوادك لاتوليه حساد=واحذر يجي لك مع هل السو ّ مقعاد
اضحك وخلك عن جميع العرب صاد=ثم اعتبر بالذيب يضوي بغرات
غرات يضويها وهم مادروبه=واللي يوقف بالحراوي هقوبه
كم واحد وقف و ولا فكروا=يكسر إليا شاف اللحم كنه أحدات
القاف قل للي يريد النواميس=اللي يبي طرد الهوى يرخي الكيس
إليا بذلت النفس والكيس وبليس=يطيح ناسٍ يدعون الديانات
ديانات صارت للخلايق علاجه=يلقى بها راع الهوى قضي حاجه
إليا نثرت الحب جتك الدجاجه=حاضت وباضت لوّ تبي عشر بيضات
الكاف كن السد في كل الأحوال=واحفظ لسانك لايقولون ذا قال
حتّى تجي عند العرب خوش رجال=لاجيت بالمجلس نواظرك صقلات
صقلات لاتامن من اللي يحاكيك=وهو عدوّك تحسب انه يحاكيك
ياذيب كان الله على الرش هاديك=أكتب كلامي بالضلوع المحنات
واللام ليت العمر ينكس لحلّه=قيمة ثلاثين السنه في محله
الرجل قبل الشيب واحلو دله=وأن لاح فيه الشيب مافيه لذات
مافيه لذاتٍ ولا يقبلونه=لوّ حط له ردنٍٍ وكحل عيونه
أهل الهوى عقب الغلا يكرهونه=لو كان صافاهم على فايتٍ فات
والميم مامثلي من الناس جرب=ولا مثلي أحدٍ في زمانه تطرب
لاويت صاف اللون فوق المضرب=كن العدو عني عيونه مداوات
مداوات ماودي يجي له عباره=واللي يجنب عنك وش لك بكاره
الحذر ماياطا بوسط الخباره=لازم يجي فيها عقارب وحيّات
والنون نام الحظ مافيه حيله=عيّا يباريني أنا ازريت أشيله
من يوم فارقني عريض الجديله=قامت تكسر في حشى الصدر عبرات
عبرات ضاقت بي حنايا ضلوعي=عليك ياخلي حسين الطبوعي
والله دين القطع جفن دموعي=دايم عيوني في مراعاك سهرات
الواو ويل أهل الهوى من هواهم=أن كان مافيني بحالي وطاهم
كم ليلةٍ يصبح غبيبٍ عشاهم=إلاّ لقيماتٍ على الكبد مرات
مرّات لين ابرد من الترف شفي=ووسده عضدي وزندي وكفي
وأشهر بحبه باينٍٍ ومتخفي=ثمٍ يجي للزاد والشرب لذات
والهاء هواى العاشره يالفطيني=والسابعه ياللي تعرف الرطيني
كاميه ماودي لضدي يبيني=والخامسه ماتنحصا عداد الأميات
أميات مات القلب كم كثر همي=أشكي عليك الحال ياولد عمي
أنته عظيدي وأنت لحمي ودمي=ترضاه يجفاني ولاني بمجفات
الياء يولّع في ضميري حريقه=أذكر شرابي من قراطيع ريقه
واهز نبنوبٍ الغصون الوريق= في عرض بستانٍٍ روايا ولدنات
لدنات نسناس الهبايب يديره= واللي تولّع به حباله قصيره
ماضن يبرد واهجٍ في ضميره=ألا على سلسال ذيك الشفيّات