رح الله يسامحك !!!!

رح الله يسامحك مابي عذر منك ولا تبرير=انا بنساك من قلبي وابيك اليوم تنساني
تراه احسن لنا نذكر بعضنا دايما ً بالخير=ابلقى مين يقدرني وتلقى واحد(ن) ثاني
ابد ماكان في بالي ترى ماصار يوم يصير=ولا ظنيتك تكون الطريق لهمي واحزاني
حسبتك غير لكني ندمت اني حسبتك غير=رسمتك صورت(ن) حلوة بكل احساس وجداني
قسيت وكانت القسوة تفوق الوصف والتصوير=اعاني منك واعاني واعاني منك واعاني
مصيرك يوم تتندم على الإخلاص والتقدير=وتذكرني بعد مدة تعيش بدور حرماني
انا عايش بلا دمعة بلا لوعة بلا تاثير=ولا يطريلي عتابك ولا تطري على لساني
رح الله يسامحك ماعاد باقي وقت للتفكير=يجيلك يوم تعرف فية من يندم على الثاني

الشاعر / عبدالله حمير القحطاني

رح الله يسامحـك مابـي عـذر مـنـك ولا تبـريـر
انـا بنـسـاك مــن قلـبـي وابـيـك الـيـوم تنسـانـي
..
..
قصيدة رائعة اخوي
صح لسانك ولسان شاعرها
دمت بخير

صح لسانك اخوي الدبلوناسي ولسان الشاعر/ عبدالله بن حمير القحطاني


اشكرك على اختيارك الجميل الله يعطيك العافيه

أهنيك اخوي الدبلوماسي

على هذه الاختيارات ..

وصح لسان الشاعر عبدالله القحطاني ..

وعساك على القوه ...

رح الله يسامحـك مـاعـاد بـاقـي وقــت للتفكـيـر
يجيلـك يـوم تعـرف فيـة مـن ينـدم علـى الثـانـي



صح لسان
الشاعر / عبدالله حمير القحطاني

واطال الله بقاءك اخوي الدبلو ماسي

وشاكر لك النقل الجميل

تسلم يديك اخوى قصيده جميله بحق

تقبل مروري

الله يعطيك العافيه أخوي (الدبلوماسي ) على هذا الإبداع في النقل المتميز والمحفز للقرائه ،،

صح لسان الشاعر

أخي الغالي

الـدبــــلــوماسي

وفقك الله لما يحب ويرضى ولما فيه الخير والصلاح على هذا الجهد والعطاء المتواصل

كما أسأل الله أن يجزاك عنا خير الجزاااااء
......