" أبــــي أعــــــرس "

أكيد مستغربين من العنوان مافيه بنت على وجه الارض ماتبي تعرس او انها تتمنى انها تعيش في مملكتها الخاصه وتكون أسرتها المتواضعه لكن مرات تواجها بعض الظروف التي تمنعها و تقف في وجها واكيد هالظروف معروفها للكل يأما يكون النصيب او وضع شروط تعجزيه عاالشاب او رفض من الوالدين وغيرهــا من موانع لزواج ..

وانا اليوم طرحت هالموضوع ابي اناقش معاكم نقطه وهي رفض الوالدين للعريس ..

معروف بمجتمعنا ان الراي الاول والاخير للوالدين بزواج وبعد ذلك تأتي موافقة البنت لدرجة ان بعض الفتيات لا يعلمن بأنه قد تقدم لخطبتهن أحد الشباب الا من صديقه او قريبه او من اي مصدر غير الاهل لاأدري مهو الغرض من وراء الشي هذا لماذا يخبئ الوالدين موضوع الخطبه عن الفتاه اذا كان الشاب لم يأتي على هوى بالهم وتستر على الموضوع حتى يأتي الرجل الذي يقتنع به الوالدين فذلك الوقت يتم طرح الموضوع على الفتاه واحتمال يكون مع الاجبار والزواج اكراهن ...

.
.

اللي ابي اعرفه الأن ...!

.
.

ليش مايكون الرأي الاول والاخير للبنت وان الوالدين ليس عليهم سوى مجرد التوجيه وتوضيح محاسن الزوج ومساوئه مهما كانت نظرتهم لهذا لشـــاب

وهي عليها ان تقرر اما بالموافقه او رفض ...؟


.

.

.

أبي رايكـــم ؟

لاتبخلون علي بمداخلتكم ورأيكم السديد ....!


أختـــــــــــكــــــــم سحــــــــــــايــــــــــبـــــــــــ


دمـــــتـــــــــم بـــــخــــيـــر

تسلمين اختي سحايب صيف على هذا الموضوع

بس العنوان شدني شوي وقلت انا لها خخخخخ تراه مزحة وانا اخوك

المهم

صحيح شباب كثيرون يريدون الزواج بس لا احد يقدر لااسباب كثيره

منها ارتفاع وغلا المهور من اهل الزوجة

وبعضها يقولون كمل دراسته وبعضهم يقولون لازم راتب 5000

واشياء كثيره

والله اعلم بالحال

والحرمه الله يهديها ابي , جب , هات , ود , تعال , ما شاء الله طلبات على كيفك توصيل سريع عندها ويمكن تقول خذ مرة وحده ولا خذ التلفزيون صلحه هههه


صحيح البنات يريدون الزواج ومصاريفهم لا يتحملها احد كيف يتزوجون وهم كذا

سحايب انا لا ارغب ان اتزوج ابدا ويا زين العزوبية والعزوبية غير هه

تقبل تحياتي اختي الرائعة سحايب تقبل تحياتي

هههههههههههههههههههههههههههههههههه
الجنوبي

سحايب موضوع رائع والله يعين

اقتباس: ليش مايكون الرأي الاول والاخير للبنت وان الوالدين ليس عليهم سوى مجرد التوجيه وتوضيح محاسن الزوج ومساوئه مهما كانت نظرتهم لهذا لشـــاب وهي عليها ان تقرر اما بالموافقه او رفض ...؟

الحمد الله الراي الاول والاخير لنا
لك شكري يالغلا
دمتي بخير

شكرا اختي سحايب صيف على الموضوع
ولنكون صريحين
في الوقت الحاضر وللاسف الامر في هذه المواضيع للامهات سواء للشاب او الفتاه واما الاب فهو اب فخري في المنزل !!!!
والام تختار فيما يصلح لها وليس ما يصلح للشاب وتقبل ما يصلح لها وليس للبنت وانا رايي ان يكون الامر بيد الاب والاخوة والاخوات الكبار والتشاور في هذه المواضيع بعد السؤال عن الطرفين

اقتباس: الحمد الله الراي الاول والاخير لنا لك شكري يالغلا دمتي بخير

شموخ ابكون صريح البنت تحمد ربها ان جاء رجال يستر عليها
يعني ليش ما توافق بعض الاحيان
انا ابي بيت انا ابي قصر انا ابي شهر العسل في جنيف وحدها منول الشرقية
لا هذا اشياء تدل على تربية العوائل الان
صحيح البنت لها شور بس ما تعرف مصلحتها
صحيح ردي جامد شوي بس هذا حقيقة عند اكثر البنات
تقبلي تحياتي مرة اخرى يا سحايب بس هذا خاص لشموخ

الجنوبي

\

ههههههههههههههههههههههه لهدرجه انت راعي فزعـــــــــــــات ...

/

اقدر لك فزعتك وشاكره لك هذا التواجد الخفيف

.
.

والله يرزقك بنت الحلال اللي تسعدك


.

.

دمت بخير ودام تواصلك بهذا الجمال

ههههههههههههههههههههههههه
الجنوبي
انا شرطي الاول والاخير قصر وجنيف هههههههههههههههههه
امزح معك
اهم شئ الرجل الصالح اللي يخاف ربة والله كريم
مشكور علي النصيحة اخوي

شـــموخ


.
.

.


فيه بعض البنات الاهل مايرجعون الراي لهم يتفاجئون بالموضوع

.

.

بس انا اتمنى ان الاهل يكونو قربين من بناتهم ومشاورتهم في جميع الامور اللي تخصهنـــ في حياتهن ...

.
.

اشكر لك مرورك من هنـــــــــــــا

.

.

واحترم وجهة نظرك

.

.


والله يرزقك بولد الحلال اللي يسعدك

.

.
.

دمتي بخير

من الأمراء


مرورك من هنـــــــــــــا اسعدني

واتمنى بان لايكون الاول ولا الخير

احترم وجهة نظرك لكن اختلف معك

في نقطة ان يكون الامر بيد الاب والاخوة والاخوات الكبار والتشاور في هذه المواضيع بعد السؤال عن الطرفين انا اعتقد ان الامر يكون بيد صاحب الشأن بنت كانت ولا ولد وهذا طبعاً بعد السؤال عنه لانهم هم اللي راح يرتبطون في بعض مو لأهل اذا الولد عاجب البنت تاخذه والعكس ....

شاكره لك مرورك اخوووووووووووي


تقبل تحياتي المعطره بأجمل العطور الفرنسيه


دمت بخير ودام تواصلك يالطيب

شموخ + الجنوبي


شاكره لكم عودتكم العطره

دمت بخير ودامت روحكم بهذه الطهاااااااااااااره

لكم ودي