مثل البساس اليا اروحت ريح بسا

يابنت يالي تلبسين الفرنسي"- " وتمسسينه فوق الجسم مسّا

حمستي قلوب المساكين حمسي"-" والي يشوفك طال ليله ولا امسا

الناس ترها يا البنيه تحسّي"-" لا تحسبين ان العرب ما تحسا

وانتي عرضتي والبضاعه تعسي"-" والي يطب السوق مثلك يعسا

ابديتي الي كان لازم يدسي"-" الي عن عيون الخلايق يدسا

واليوم قدمتيه في وسط تبسي"-" وقلتي لجمهور الجويعين كبسا

لين اجتمع وايل وهيثم وعبسي"-" مثل البساس اليا اروحت ريح بسا

وجيههم مثل المرايات ملسي"-" وعيون مرطٍ والمناخير فنسا

لا ما التفت كنه مجبّس بجبسي"-" خايف على الغتره تعطّف وتقسا

كنه مربط فوق علباه حلسي"-" ودك تسوقه بين الاسنان بقسا

بنت الرجال الي على الخيل ترسي"-" الي وراهم يشبع الذيب فرسا

صارت تغنّج بين كدلك وجمسي"-" واااحمس قلبي من فعايلك حمسا

شومي عن اهل الدندنه والمجسّي"-" الي ليا ذكروا هل الطيب يخسا

ذولاك ما يسوون يابنت فلسي"-" لو جتهم الهيئه يروحون دعسا

نسيتي ان الي خلق جن وانسي"-" يمهل ولا يهمل ولا هوب ينسا

قادر على انه يحبس الروح حبسي"-" في ساعةٍ كل المخاليق خرسا

اضفي العبايه خلّي العود مكسي"-" حتى يجي عندك عريس وعرسا

تبنين جيلٍ يغرس الطيب غرسي"-" جيلٍ خذا في سلم الاجواد درسا

نقل رائع أخي المتحد 2007 دوما مبدع في العطاء
صح لسانك والسان قائلتها

تحيتي للجميع

اضفي العبايه خلّي العود مكسي"-" حتى يجي عندك عريس وعرسا


تسلم يالمتحد ع القصيده

رائعه كروعه تواجدك

صح لسان الشاعر

تحياتي

صحت ابدانكم ومشكور على مرووووكم الكريم