اهالي شارع الثلاثين ( يطلبون كنقر ) او حبله لاجل نقلهم الى بيوتهم

السلام عليكم ورحمة الله وبركاته


مرحبا باهل تمير كلهم اهلى وناسي

لا يحتاج بالتعريف بشارع الثلاثين لان حنا كفينا ووفينا بالصور والمتحد ما قصر ما بقى الى يشوف معناة وشولن تشلخة جدار بيوتنا

قبل 5 ايام حفروا شارع الجنوبي مع الثلاثين ولم يفعل فيه اي شي غير الاتربه والربوا وحنا صايمين

شارع الثلاثين حفروه اليوم فقط لاغير يعين يبيله يمكن 9 ايام او شهر ما اعلم كل شي جايز عندنا

فالان دخلت البيوت صعبه شوي تخبرون حصا والله يخلي لنا عجزنا الله يعينهن ما فيه مسيار 10 ايام ما غير الان وسيلة الاتصال والله يعين على الفواتير

فنحن نطالب المسئولين سرعة الحفر والدفن والزفلته لاجل نرجع الى الامر الطبيعي حتى النوم ما نعرفه الصبح ماغير بوم بوووم وبس

فارجو لمن لديه الامر ان يجيب علينا

واذا صار الامر بيطول نطالب بكنقر لتوصيلنا الى الشارع الثاني يمكن الامر هذا ما يكلف شي

او ان الكنقر ما يتحمل لانه حيوان ويحس

نجيب (حبله) لاجل توصلينا للبيوتنا لو تستجرون حقة ابها مافيها مشكله

اخواني انا اتكلم صاادق ما امزح الامر ذبحنا وارحمونا يا ناس

والله ناس عندهم (ربو) ما يتحملون

يا اخوان ما نروح ونجي الا متروشين غير غسل الثياب قبل ما ندخل البيوت

لن اتي بالصور الان المتحد كفى ووفا

نتمى من المسئولين سرعة الاجابة

تقبلوا تحياتي

هلا أخوي الجنوبي
وش تبي نقول مالكم الا الصبر
الله يعينكم ويعظم أجركم

ما لكم الا الصبر والاجر عند الله.........

طلع الكنقر حيوان الكنغر

اعقدته رافعه أو ما شابهها

على العموم الله يعنكم على الوضع وما فيها شي لو يجي العيد يرشون

القار قبله بيوم عشان يخرب ثيابكم

كلها كم شهر ويخلصونه ليش الضجر












الله يعين كل من سكن على شارع الثلاثين أو الثلاثين الجنوبي

مشكورين اخواني وصحيح نحن نعاني ومن يستطيع ايصالها يفعل

اقتباس: طلع الكنقر حيوان الكنغر اعقدته رافعه أو ما شابهها

يعجبني التدقيق ايها المصحح الاملائي

بس الكلام في السطر الثاني ما فهمته يمكن تدقيق وترجمه

ومشكور على مواساتك لنا

ههههههههههههههههههههههههههههه
معليش اسلوبك ضحكني
الجنوبي عندي
حل
ياان تعرض مشكلتك علي طاش ويطلعونها مسلسل ويشوفها
من يهمة الامر
او ماقدامك الا انك علي قولتك
تستاجر حبلة ابها ههههههههههههههه
وايام العيد
شيل عفشك وسافر
لين تخلص الامور

اقتباس: ياان تعرض مشكلتك علي طاش ويطلعونها مسلسل ويشوفها من يهمة الامر

اخاف يقولون ما يصلح لان طاش حراااااام

المشكله وين نروح ايام العيد الله يعين بس

يمكن نستاجر بعارين للتنقل

اختي شموخ لا تردين بعدي اخاف يقولون قلبنها شات ومو ناقص الا قلب الاسد

هههه تراي امزح

اقتباس: اخاف يقولون ما يصلح لان طاش حراااااام

قضيتك مهمة ههههههههههههههه

اقتباس: المشكله وين نروح ايام العيد الله يعين بس يمكن نستاجر بعارين للتنقل

اسمع بنصيحة اختك شموخ
وطق خيامك بالثمامة هههههههههههههههه

اقتباس: اختي شموخ لا تردين بعدي اخاف يقولون قلبنها شات ومو ناقص الا قلب الاسد هههه تراي امزح

هههههههههههههه
افهم يافاهم

أخوي الجنوبي

نحن نعاني جميعاً من مشاكل الشوارع والله يعينكم لازم تصبرون عشان تحصلون خير ويصلحون الطريق يعني كل شيء يبي له ضريبة....

وأنا أنصحك أنك توصل لي من الماصور المكسورة اللي على الرصيف وترش اللي مقابلكم ...

رح خل المسئولين في البلدية يحفرون عند بيوتهم . لو لاقدر الله لزم الامر إلى حفريات لأخبرو المسئول ليأخذ إجازه هو وأولادة ليذهبو بعيداً عن الازعاج وعن الاتربة