حصرياً على منتديات تمير لقاء مع الشاعر المعروف/ فهد المفرج

لقاء مع الشاعر المعروف / فهد بن ابراهيم المفرج

أولا ً الله يحييك يابو مشهور في منتدى تمير .

الله يبقيك ويحيي نباك .

س1/ ودنا نسألك يابو مشهور عن بداياتك الشعريه ؟

ج1/ أنا مالي بدايه مع الشعر من عرفت العلم وانا أقصد .

س2/ من تأثرت به يابو مشهور في بدايتك ؟

ج2/ تأثرت بالوالد رحمة الله عليه , أهلي وجداني والاسره كلها شعار .

س3/ ما هو رأيك في الساحه الشعريه الان ؟

ج3/ الساحه الان في أوج طورها الذهبي ولكن فيها الغث والسمين

وفيها الشاعر والمستشعر وفيها المتسلق على أكتاف الاخرين .

س4/ هل دخلت مجال المحاوره يابو مشهور ؟ ومع

من لعبت ؟

ج4/ نعم دخلت مجال المحاوره ولعبت مع شعراء المنطقه أمثال

الشاعر / فواز الهفتاء والاستاذ / حمد المناع ( ابو عدي ) .

س5/ هل لك دواوين صوتيه أو مقرؤه ؟

ج5/ نعم لي ديوان صوتي في الاسواق الان اسمه ( وضح النقاء ) .

والمقروء ديوان ( صدوق المخايل ) تحت الطبع .

س6/ هل سوف نرى ابو مشهور في منتدى تمير ؟

ج6/ سؤال وجيه وماله عندي إجابه ولكن منتدى تمير عزيز على قلبي

وأنا من المؤسسين لمنتدى تمير وكنت مشرف في ساحة الاخبار وساحة

الشعر .

س7/ ماهو رايك في تفاعل الجمهور في المهرجان ؟

ج7/ تفاعل الجمهور جدا ً ممتاز وانا أشكرهم وأشكر لهم حسن أستماعهم .


س8/ كلمه أخيره يابو مشهور ؟

ج8/ أشكرك يابو عبدالله وأشكر القائمين على منتدى تمير والله يبيض وجيهكم

ويعطيكم العافيه .

وقد أهدانا الشاعر فهد هذه القصيده

سلام يااللي على بالي وتطـري لـي=سلام يافتنـة العشـاق ياالشيخـه
سلام سـلام ياالسـود المظاليلـي=ياشمعة الكـون ياقبلـة مطانيخـه
ياويل الاجواد منك ومنك ياويلـي=وياويح قلبي على جرحه وتوبيخـه
يابري حالـي ويامااكثـر غرابيلـي=والقلب يكفخ عليه وزاد تكفيخـه
اترك جملنا يدرهـم ياقمـر ليلـي=ماانتاب ملزوم في لطمـه وتنويخـه
احترت في وصفك وضاعت محاصيلي=ماادري زحل عالمي والا انت مريخـه
حيل الله اقوى تراني طحت من حيلي=والله لجازيه قبـل يفـوت تاريخـه
احمد نجـادي مايهـدا يارجاجيلـي=الين يطلق على امريكـا صواريخـه

ابوعبدالله
لاهنت على هذا اللقاء الرائع مع الشاعر المبدع
ابو مشهور
الشاعر اللذي اطرب لسماع ما يشدو به
ولا عليك زود يابو عبدالله
ولو ان شهادتي فيكم مجروحه
ولكن تستحقون الاشاده لما لديكم من ابداعات شعريه وخامات صوتيه نادره
لك ولشاااااااااااااااعرنا
كل التقدير
وتواجده بالمنتدى ضروري
لايتهرب
وصح لساااااااااااانه على هذه الشيخه
تحياتي وتقديري

يعطيك العااافية اخوووي السنافي
وماقصرت

اقتباس: حيل الله اقوى تراني طحـت مـن حيلـي والله لـجـازيـه قـبــل يـفــوت تـاريـخــه

وصح لسان الشاعر
ونتمني رويتة معنا في هذا المنتدي

مشكوووووووووور يالسنافي على هاللقاء ويعطيك الف عافية ...

ننتظر اخوي ياسنافي القاءمع الشاعر تركي العبيد الفيصل

ننتظر اخوي ياسنافي القاءمع الشاعر تركي العبيد الفيصل والشكر موصول لك يالسنافي

الف شكر اخوي السنافي على هذا اللقاء مع الشاعر الشاب / فهد ابراهيم المفرج وابو مشهور يستاهل كل خير لم يبخل على هذه المدينة فهو من الاوئل المشاركين في اي مهرجان او حفل يخص مدينتنا .
مشكورين على اللقاء
النادر

مشكور يالسنافي مشكووووور

يسلم لنا يا أبو مشهووووووور


ونحن بإنتظار المبدع تركي الفيصل أبو خالد

شكرا اخوي السنافي على هذا اللقاء السريع الجميل بالفعل ومميز ومع شاعر مميز

وغالي على قلبي انه الشاعرالمميز (ابو مشهور).


الله الله لا وصيك عندك فيه،،،،يهمنا وجوده في المنتدى

له ولك مني التحية(ابوعبدالله)


اخوكم / ليلان الرشيدي

الف الف شكر يا السنافي على هذا اللقاء الراااااائع مع الشاعر المتميز فهد المفرج