ظيقوا صدر العباة ووسعوا طرف الكموم !!!

العبا يـه عولموهـا وانفثـو فيهـا السمـوم

من ملاهي الرقص جابوا فكر تخصير العبـاة

ظيقوا صدر العباة ووسعـوا طـرف الكمـوم

ونزلوها لين وصلـت آخـر أكتـاف الفتـاة

بانت نحور الصبايا وانكشف شكـل الهـدوم

والغبيـة تحسبنهـا زايـده زيـن وحــلاة

والبراقـع دلعوهـا ليـن عـام الخـد عـوم

لازم القرضه توسع والكحـل يلقـى الحيـاة

طوروا شكل النقاب وصارت الدعـوه علـوم

صار شفاف(ن)يوضـح خدهـا ويـا الشفـاة

وآخر الصرعه لثام(ن)يفتن الرجـل العـزوم

والفتـن قالـوا ضلالـه للقلـوب المؤمنـات

وش علامك بنت حـوى تستبيحيـن السلـوم

أو مع خيلك ياشقراء بعضكم جنـس البنـات

قاهرتهـم هالعبايـه مايبـون السـتـر دوم

جدهـم علمـان يعنـي لاصيـام ولاصـلاة

حطوا إن البنـت سلعـه وغلفوهـا بالهمـوم

وارفعوا شعار(ن) ينادي للحقوق الضايعـات

من ظلمها والبدو لاصاحـت الحرمـه تقـوم

قايمه تحت المعادي لجـل عيـن الشامخـات

من ظلمها يوم قام المعتصم مـن عـز نـوم

قال وين الكافـر اللـي يستبيـح المسلمـات

ثم ذبح لجل شعرتها من العدو كثـر النجـوم

قال هـذا حـق منهـو يستـذل الطاهـرات

نكسوا ذاك الشعار ولملمـوا باقـي السهـوم

يكسر الخاطر سهمكم لاضرب في مدرعـات

بيتكم لاصار مبنـي داخـل البيـت مهـدوم

وبيتنا صوم وصلاة وحـج وأشهـد والزكـاة

إتركيهـم يابدويـه وخلـي الـلايـم يـلـوم

وسعي خصر العبايـه واكرمـي بالمكرمـات

وإن رفعتيها لراسك أصبح الـراس محشـوم

العبايه فوق راسك حشمـه وطيـب وثبـات

وماعليك من اللئيمـه تحـاول تقلـدك يـوم

لبست البرقع ولكن حـن عـرق الماجـدات

بحنكها ألفين دقه مدري ألـف مـن الوشـوم

أو تراه ألفيـن هكـري يكتبـون الذكريـات

ولابغت تكتب قصيده قافها هـو قـاف يـوم

(يوم يابا)(يوم يابا)جـاك عـرق الراقصـات

جت تقول إني بدويه قلت أنتـي وجـه بـوم

إعقبي منتي بدويه أنتي جزء مـن الحصـاة

يابدويه لايغـرك بعـض غربـان(ن) تحـوم

أنتي فوق الكل أنتـي فـوق روس النايفـات

أنتي يوم الحرب دارت والمعارك (قوم)(قـوم)

عانقت عزوات أخوك صوت ضرب المرهفات

إن حدوا من بيننـا أو طولـوا حـد العقـوم

يابدويه طبعي أرقـى فـوق كـل الطايـلات

إحذري يابنت منهـم طبعهـم نفـث السمـوم

عولمتهم لو أعرفهـا طلـع معنـى الشتـات

ظيقوا صدر العباة ووسعـوا طـرف الكمـوم

وبيجي يوم(ن) نشوف شقوق في وسط العبـاة





هذه القصيدة اعجبتني وهي

للشاعر ناصر البراق

عسى ان تنال اعجابــــــــــكم

مشاركة متميزة جدا وقد نالت اعجابنا

كعادتك دائما

الله يسلمك

مشكوووووووووووووور



سلام

مشكور يازمن على القصيدة الجميلة وبعدين ليش ماتنال اعجابنا وهي جية منك