عتيبي يطلق زوجته بقصيدة

عتيبي يطلق زوجته بقصيدة
---------------------
------------------------


احد ابناء عتيبة و اسمه سعد بن سهل تزوج من إمرأة عنيدة و يقال انها من ازين حريم نجد ايام الأباء و الأجداد
هي معروفة انها قوية و تزوجت عدة مرات بس ولا احد قوى عليها

المهم جو ضيوف عند سعد ابن سهل و قالها زيني الذبيحة و عيت

قال لها معليه يصير خير و الرجال ذبح الذبيحة و صلخها و حطها بالقدر
يوم ضيف الضيفان راح للذبيحة يشيك عليها و لقى زوجتة عقب ما تمغطت قامت و رفعت الغطاء عن القدر
يوم يشوفها و يجيها من وراء و يقضبها من قرونها و يدخل راسها بالقدر
و يوم جت تبي تصيح و يسحب خنجره و يقولها ان طلع صوتك لذكيك ذك
و ما بينهم و بين الضيوف الا ستارة
يوم راحو الضيفان الرجال قال هذه القصيدة



شعر سعد بن سهل العتيبي عندما طلّق زوجته

تسمّعي هرجة الطويل الذراعي***عيد الركاب مقرقعات المشاعــيب

يا مهرة صفراء صهاة الرباعي***ركابها خطر بروس المشــاذيـــب

لا تتبع القواد واللي يـتاعـــــي***وان جيت بأدّب ما تعرف الأواديب

روحي ترى ماعاد لي لك براعي***تعيني لك جوف برقــا معازيـــب

والله لأحذر عنك حتى النفيعي***واني لأحذر عنك سموا الأجانيــب



.

لكم ارق واعذب تحية من اخيكم في الله...........مرعب النفوس

قصة جميلة وقصيدة أجمل
لكن سمني على الرجال والحرمة هذي مهيب قوية هذي حرمة عوجا ولا فيها نفع