أقســــــــــــــــى قصــــــــــــــــيدة حـــــــــــــــــــــــب.................

لاجيت ابنسى واتراجع واسامحك
صاحن جروحي واشتكن لي طعونك!!
كلك خيانه قول وشلون ابمنحك
وش موقفك من شخص دايم يخونك!!
اكبر خطا..لوجيت يمك لصالحك
اول تحول لاتغرك .. الحونك
للي تقوله صح لوكنت جارحك
((مير))انت غارق للاسف في ظنونك
وصفك نسيته بس..باقي ملامحك
بنهيك وانهي بالنهايه ..جنونك
ماتستحق امد كفي واصافحك
مثلك غلط عمري وابحيا ..بدونك
كنت اعتقد قلبي هو ابرز مطامحك
اللي يبيع الناس ..لجله يصونك
تعبت اسوق الشوق يمك واصارحك
اخلصت لك بالحب شوفت عيونك
لكن خسارة صرت غاية مصالحك
ياليتني ماجيت لحظه..بكونك
بلامس كنت بنشوة الحب ..امازحك
اخيل برقك واتحرى امزونك
واليوم من صفحة حياتي ابمسحك
هديت صرحك ثم طاحت ركونك
ولابي عيوني لوتصورت تلمحك
اعلنت موتك..وانسجن لي كفونك
وان جيت تطلب ترجيني ..اسامحك
بهديك طعنه ..من بقايا ..طعونك !!

ماشاء الله


تبارك الله



جهودك بدأت واضحة بالمنتدى



وصح لسان قايل القصيدة

مشكووووووور اخي كل الشكر على القصائد اللي كل واحدة احلى من الثانية

تحياتي لك وصح لسان قايلها

اخلصت لك بالحب شوفت عيونك
لكن خسارة صرت غاية مصالحك


ما اصعب هذا البيت

اختيار موفق

مع خالص شكري

لله درك أخي ونقلك الجميل محل إهتمامنا
جهدك مميز في الساحة أشكرك عليه
ومزيد من الإبداع يامبدع

دمت بحفظ الرب الكريم

لا فض فوك وصح لسانك وقصيدة تحكي معااة الشاعر مع الخائن كان الله في عونه

لله درك على هذه المشاركة ولأبيات الجميلة يا جــــــلاب المصـــــــــايــــــــب

مــــــــــــــــــــرعب الـنــفـــــــــــــــــوس