الامطار من حسناك هماله

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

ألا ياربنا نحمدك يارزاق ياوالي = رجينا الخير من عندك وغيرك ما التجيناله
واجبت الخلق ياالخلاق ياعلام الاحوالي = ثلاث أيام والامطار من حسناك هماله
الا يازين شوف الارض خضراء عقب الامحالي = تفرج هم من قلبه حزين وحالته حاله
الى منه طرى المكشات يرخص لاجله الغالي = يبي شوف الربيع وكل من مثله تعنى له
يشوف البل وهي ترعى ولا تجفل ولاتبالي = عطايا الله بشوفتهن من الله ينسمح باله
بكار وفيهن الخلفات يرعن دق وجلالي = وراعيهن الى مر المسير قام واوماله
والى شاف العذاري يوم يمشن بالخلا الخالي = يبيح كل مكنونه ولو ما شي تهياله
الى شاف العيون اللي بهن السحر قتالي = وشاف الضحكة اللي من هكا الغزلان قتالة
وختم القول ابا اصلي عدد ما هل همالي = على محمد رسول الله مع الاصحاب هم وآله

شعر / أحمد بن عثمان السكران


[/poet]

الله اكبر
كلمات في غاية الروعه اتحفت بها ساحة البراري


تسلم يا اتيكا على هذي القصيدة الجميلة

وصح لسان الشاعر اللي قالها


سلام

الف شكر اخوى التيكا