قصيدة مع الرد

هذي قصيدة مع الرد تحت

لاضاق صدري رحت أقلّب عربسات





لاضــاق صدري رحـت أقـلّب عـربسات ** قـمـت أتـفـكر في عجايب زماني

مـتـنـقـلٍ مــابـيـن ذيـك الـمـحـطـات ** بـإبـهــــامـي ألــفّ الأرض في ثـواني

ومـاشــدّ ني مـن بـيـن كــل الـقـنوات ** الـلـي بـهـــا نـاظـرت شـيٍ دهــــاني

قـم يانـديـمي فـوق زيـن الـموديـلات** VXR تـوّه صـــادرٍ بـالـمــواني

النوع TOYOTAمن أرقى الموديلات * JAPANصنع الأفـنس الكيفراني

يصـبر عـلى قـطـع الـوعـور الصعـيبات ** يـطـوي صحاصـيح الخلا مايعاني

عـلـيه مطـنـوخٍ يحـفــظ الــوصــــيات ** عـنـد اللــوازم ذيـب ماهـو هـداني

شــيـّك عـليـه وجـهّــزه لـلــمهــمات ** ثـم فـلــّله من (شـيـشة) المسلـماني

وخــذ الـنـفـود قـطوع صـوب الـقــريات ** وعَـدْ الحـدود لـدار صاف الـثـماني

مـتـنـحـرٍ دار الـطــــرب والـونـاســات ** عشايـرٍ من قـوم(طوني) و (هاني)

الـديـرة الـلي سَــلـم أهـلـها خـذ وهــات ** ماللحـيا بـطبـوع ربعه معاني

لاجـيـتـهـم تلـقـا الـهـنـا والـمســرّات ** والـضـيف له قـيـمة وقـدر ومكاني

يْـقلطـون (الـتـرتـه) ومعــه (كـيـكـات) ** ومشـروبهـم مشـروبهم شكل ثاني

حــيـاتـهــم هـــزٍ .. ووزٍ .. ود بـكــات ** ويـرددون الـهابـط من الأغاني

دارٍ بــهـا لـلــزيـن وســمٍ وبـصـمــات ** بـه ناعـسات الـطرف سـيـد الغـواني

لاشـفــت أنـا هــاك الغــنج والـحـركـات ** مسكت راسـي ثـم قــلـت آه ياني

وأخـص أنا بالـقــول باسـكــال بالـذات ** هي شيء والـلي غـيرها شيْ ثاني

عـلـيـه عـيـونٍ تـقـطـع القـلـب بسكـات ** همت ضعـت و(جـمدت) بمكـاني

تـبـلـغــه شـــوق وسـلام وتـحـــيـات ** وتحـب جـبهـت عـودهـا (مشعـلاني)

صـحيح قـالـوا قـبـل مـن يـخـتـشي مات ** والله يسـتـر من تـواااالي زماني



وهذا الردّ على القصيدة السابقة ،،،





لاضاق صدرك ياقليل المروات *** صل الصلاة ولا تجي للاغاني

استخدم ابهامك في طي الصفحات *** صفحة كتاب الله باب الاماني

اخير من شوفة وجية الخواجات *** اللي غضب ربي عليها يباني

لحمة مخمة فالبلا والملذات *** غرتك صبغة وجهها البهلواني

ترسل نديبك في ردي المهمات *** اهل الردى فالدرب دايم خواني

"والفكس" لاتطرية بالذات بالذات *** ماهو بمركوب النذل والهداني

الفكس مركوب الرجال الثقالات *** مقنى عربين النسب والمجاني

باسكال يامسكين راحت ولاجات *** مالك ومال الساقطة يافلاني

وجة عليه من التشاكيل صبغات *** ابيض مع احمر والشعر برتقاني

لاشافت الطرقي تبدية نظرات *** وتميل مثل الداب والعقرباني

بنت لها فالليل صولة وجولات *** تضحك على مثلك بطرف العياني

تضحك على لحيتك بنت لها اخوات *** ياكيف ترضى يافتى للهواني

تحب جبهة مشعلاني ياذا الشاة *** اثرك تدور ريحة الزعفراني

لاواللة الا راس مافية نعرات *** اتحب راس ابليس يامودماني

ياونتي ونيتها 10 ونات *** الادمي ياناس طلع جناني

خلك بدار اهل الكرم والجمالات *** دار حباها الله رفعة وشاني

دار بها ستر البنات العفيفات *** هذي بلادي ياطويل الاذاني

اشعب ركابك في جميع النحيات *** امن وامان ويش غير الاماني

اخير من دار تحب الريالات *** باعوا الكرامة ياللة المستعاني

مالهذا الجمال سوى التأمل

ليس لهذه القصيدتان سوى الوعي

والقراءه الواعيه

شكرا لهذا الحضور

و لك التحيه علي نشاطك في المنتدي

تحياتي

تسلم دكتور قلبي جهد رائع ألف شكر ألف عافيه لك ولا يهون الجميع
تحياتي لك ،،،،،

يسلمووو اخوى على هالطرح الذى فعلا فية داء ودواء

الف شكر لك