وينك يا أبــــــو ريــــــان ويـنـك .......؟

هذه القصيدة كتبتها لأخي الشاعر ( أبو ريـــــان ) ولا يهون الجميع وبسراحه هلخميس والجمعة مريت بموقف يمكن القصيدة توضح أكثر من كلامي والدنيا هذا حالها وهذا حال أهلها والشكوى لله ، وإذا كان في الصقيدة نقص ارجو إبلاغي يعطيكم العافيه حبايبي .
والقصيدة سميتها النــــــــــــداء وأقول فيها .....


بديــــــــــت بسم الله عليمٍ بالأســــــرار ،،،، الواحد المعبود منشي سحــــــــــــــابه

وارسلتلك مرسول يعطيــك الأخبـــار ،،،، ودي تعرف الحــــــال واللي ســــطابه

ودي ترد الخط يا نسل الأحــــــــــرار ،،،، وتشفي غليل القلب واللي طـــــرابـــــه

يا صاحبي في هالزمن شفت الأمرار ،،،، ولا عاد الأقي واحدٍ ينغـــــــــــزى به

راحــــــــو لنا أصحابٍ لهم كل مقدار ،،،، ياشـــــين بعض الناس وهرج ٍ حكابه

بعض العرب يا صاحبي شوفه أمطار ،،،،والبعض ماودك بــــــدربٍ مشابــــه

أنا كتبت ومـــــصدي تعرف أشصار ،،،، في حال دنيا هــــالشــــــقاء والمهابه

لا لا تكــــلـم احتــــــرس دوم وأختار ،،،، شخــــص ٍ إلي جاء واجبٍ يــنــتــخابه

أنا نخــيــتــك يــا ولد مكــــرم الجار ،،،، تشـــــــــــــوف ما يشفي فؤادي وعذابه

شعر / راعي الرايـــــــــــــــــــــــه ;)

والله انكم اطربتونا

وهيضتوا مشاعرنا بالقصايد

ايه كذا الحماس وكذا المنطق الاساسي للمنتديات


الف شكر لكم جميعا


سلام

بعض العرب يا صاحبي شوفه أمطار ،،،،والبعض ماودك بــــــدربٍ مشابــــه

أنا كتبت ومـــــصدي تعرف أشصار ،،،، في حال دنيا هــــالشــــــقاء والمهابه

صح لسانك اخوي راعي الرايه ولاهنت

قصيدة ولااروع

سلمت وسلم بنانك

ولك تحياتي..

تسلمووووووو اخوي




بصراحه انت حركت الساحه بفنونك وحركاتك وقصائدك الجميله

الف شكر لك

وفالك طيب
هبوب الشمال

راعي الراية اشكرك على هذة الابيات وترقب الرد قريبا جدا فهو جاهز للنشر

يا ويلك ياراعي الرايه


ابو ريان جاهز لك


وين بتصير المحاوره حقتكم


وهل فيه مكان للنساء ؟؟؟؟


تحياتي لكم

ام توتو

تسلم أخوي أبوريان ويعطيك العافيه يابعد قلبي وأرجع وأقول .....


الحي يحييك ،،،،، والميت يزيدك غبن....

ومال الشدايد إلا أهلها يابوريــــــــان آلف شكر لكم .

ولكم تحياتي ،،،،،،

حي الجواب وحي من جا ومن زار &&& وحي الصحـيب اللي وصلــني كتابه

من شفـت مرسولك وانا فيه محتار &&& القــصد واضــح والـمعــانـي تـشابه

مكتوب مـن خطه بخـيص بألاشعار &&& شاعــر يصــيغ أبــيات فـــن وذرابه

مـن نـسل أحرار ومن شيمه اخيار &&& فــيه الــكـرم والجــود ما ينـحـكى به

وأرسل لي أبيات كما وبـل الامطار &&& و الا كــما مـــزن تـــعـــلـى ربــابــه

يا صاحـبي خـلك مع الوقـت صبار &&& واعرف ترى بعض العرب ينـتخى به

يدوم لك صاحب ويكـتـم لك أسرار &&& وكـان الــوســيعه ضايـقـه هـــج بابه

فــيه الــوفـاء واضـح ولا به إنـكار &&& قــلــبـه نــظـيــف مجـمـله فــي شـبابه

يحرص عليك ولايعرضك الأخطار &&& ولا من نـخــيـته شـفــت عــز ومهابه

وبعـض العرب ودك تدقه بمسمار &&& نــقـــال هـــرج وفــي هــروجه سبابه

كـريه بطــباعه وانجـس من الفار &&& فـــي صحـــبــته كــل الخــلايـــق تهابه

هذاالزمن ياصاحبي مثل الإعصار &&& وكانــك بغـــيت العـــلم هـــذا جـــوابه

وخــتـامهـا ربـي يحـرسك وتختار &&& مــن رفــقــته تسوى ويـشرى تــرابه


شعـــر ابــو ريــــان

صح لسانك ومن جد رد رائع ووفيت وكفيت وأطفيت شي كبير كان في داخلي الله يحفظك ويخليك لكل من حبك وأخص حبايبك رواد منتدي تمير وساحة الشعر والأدب .
ياشمعة المنتدى وإذا فيه أحد يستاهل وسام ساحة الشعر والأدب فهو أنت ياأبوريان ولايهون الجميع .
تحياتي لك يالغالي ،،،،،

راعي الرايه اجمل وسام لي ان ارى تواصلكم معي فهو يزيدني شرف الانضمام الى هذا المنتدى ومهما قدمت من قصائد ومشاركات فهي لاهلي واعزائي واخواني في منتديات تمير 0 تحياتي للجميع 0 اخوكم ابو ريان