الــزين عـقـب المغـربـيات ينعــاف

الاخوة الاعزاء في منتديات تمير لقد وجدت هذة القصيدة وانا اتصفح احدى المنتديات فلم استطع انكار المنكر الا بهذة الابيات وهي اجتهاد مني ارجو ان تحوز على رضاكم




ياللي تنــشّد عن عــلـوم الذي طــاف &&& كــــل البحور وكل دولة وديره

خذ من علومي علم أوصافه أوصاف &&& جزلٍ سمين يشتعل له سـعيره

الــزين عــقــب المـغـربيات يــــنعاف &&& غيدٍ لهن بالزين ذكره وســـيره

فيهن حــلا طــاغي ولـين وتـــعطاف &&& وفيهن حنانٍ يشعل القلب غـيره

حلوات وصف وفاهماتٍ بالاعــراف &&& زينات منطق صافيات الســريره

بـنـات قــومٍ طيـبهم غصب يـــنشاف &&& اولاد مغـرب باللـيالي العـــسيره

ياللي تنشّد عن علومي بالانــصاف &&& هـرجي يكفي صامله عن كــثيره

الـزين في لميا وتغــريد والــــطاف &&& ماهــوب في حصة وكشرة مـنيره

///////////////////////////////////////////////////////////////////////////////////////////////

(ِشاعر) قام بالرد على هذى القصيدة وفيها يمدح بنات الجزيره:-

قال الذي في بـدع الأمثال صـرّاف &&& جـزلٍ يفـرق بين درهم ولــــيره

ياللي مدحــت المغـربيات بــجحاف &&& الله يجيرك من عماة البـــصيره

لـــو تعـجـبـك لميا وتغـريد والطاف &&& مايصلحن لهلالوجيه الســـفيره

مفــصـخات ولبسهم حـول الارداف &&& وبليس أغواهم بكشف الســتيره

مــتعــوداتٍ كـلهم زيــف وخــــفاف &&& عـلى التغــنج والتعطف وغــــيره

كل يوم مع صاحب ولافيهم أعـفاف &&& خــويّــهم اللي فــلوســه كــــثيره

ترى البضايع عدة أشكال واصـناف &&& وكــلٍ يـنوخ وسط سوقه بــــعيره

عز الله ان الطيب في بنت الاشراف &&& اللي على الحشمه تربّت صـغيره

ولا تــبــيّـن مــنّها كـــود الاطــــراف &&& مثل القماشه فالبـحور الغــــزيره

ياللي تـــدوّر بالجـواهر والاصــداف &&& الــــزين كله في بنات الجـــــزيره

//////////////////////////////////////////////////////////////////////////////////////////////////////////////////////////


وهذة الابيات المتواضعه ردا مني على الشاعر الذي وصف وصفا في غير محله وهي محاوله مني 0

يللي عرضــت بقـولـتـك زيـن ينـعاف &&& وش ترتجي بأهل الوجــيه ال***ره

تـوصـف بـنات لـبسـهـم شبه شـفـاف &&& هـم قــدوتـك يا مـال نــارا سعـيره

غــرتك في دنياك يا جــزل الاوصاف &&& ومن شوفـتـك للشـيـن في كـل ديره

هـاذي عـلـومـك كلها زيف واجحاف &&& ودامــك ذكــرت الطاف تنسى منيره

بنت الخليج تفــوق قـولك بالاعـراف &&& وكانك تـجـيـب العـلم علـمـك نـكيـره

اضـن عـقــلك طـاير وصـابه خـفاف &&& يـومـــك تـــشـــبـه فــاجـره بالـستيره

بنـت الخليج بلبسها ما شي ينـشاف &&& وش تــرتـــجــي لا شـفـت بنت فجيره

شـــــــعــــر ابــــــو ريــــــــان

ابو ريان (ابو القصيد ) صدقني انت اكبر من اللقب وتستاهل اكثر ويعطيك ربي الف عافيه تحياتي لك
HAMAD

هلا بك HAMAD وصدقني ان الواحد يصاب بالغثيان اذا راى مثل هذة القصائد والتي تسئ الى بناتنا وبنات الخليج كافة واتعجب كيف يسمح لهذا الشاعر بأن ينشر قصائدة في المنتديات مع انه نما الى علمي ان القصيدة سبق وان نشرت في مجلة فواصل والله اعلم اشكرك اخي على غيرتك واهتمامك 0

تسلم على هذي الرائعه يا ابو ريان والاروع منها الرد حقك
شامل ووافي

بس ماله داعي تحط فراغ في البيت الاول
يللي عرضــت بقـولـتـك زيـن ينـعاف &&& وش ترتجي بأهل الوجــيه ال***ره

عادي اكمل البيت كله

الف شكر لك

وتسلم

سلام

يسلموووووووووو ابوريان على القصيد الحلوه

وصح السانك

مع تحيات
المحبوب

ابو ريان
مع اشكر والتقدير
لقد احسنت فا ابدعت بالرد الجميل
وشكرا لك على هذه القصائد الرائعة
مع تحيات ابو عبدالعزيز
والسلام ختام

ولا تزعل يا هادي وابشر بسعدك واليك البيت كامل0

يللي عرضــت بقـولـتـك زيـن ينـعاف &&& وش ترتجي بأهـــل الوجــيه الغبــيـره

المحبوب صح بدنك
ابو عبد العزيز وين ناوي تقضي الصيفية لا يكون في المغرب

اسألني اعرفهم الشباب;)

مالهم مراح عن بعض الدول

مير الله يهاديهم هذا احسن ما نقول
والا البنات ماليات الديرة يدورن الستر وابن الحلال

---> الظاهر ابشتغل خطابه اخر عمري

تسلم اخوي ابو ريان لقد قلت ابيات حلوه وجميلة ومعبره

اختك ام توتو

ابو ريان
شكرا لك على
هذه الفكاهة الرائعة
واحب اقول حظ السعد اللي
انت خاويه بالسفر واقول وش رايك
بكشتة بالصمان والا الدهناء مهيب احسن من المغرب.
وانت يا ام توتو مشكورة والخطابة مهيب شينة على الاقل تجميع اقلوب

مع تحيات ابو عبد العزيز
والسلام ختام

ابو عبد العزيز يقول الشاعر

لا صرت بالصمان والقيض حاديك &&& اي حسين الدل واي المطية

وانا اقول

يا مرحــبا بــك كــل ما حــل طــاريك &&& وابـشر ولك مـني عـزوم قوية

وان كان قصدك رفقتي فـنا مخاويك &&& لتمـير والصـمان شــد المطية

وان كان تبغيني على الدرب اسليك &&& حي الرفـيق اللي يـسلي خوية

واكــتب لك ابيـات وبالشعر اجاريك &&& واهديك من قلبي سلام وتحية

وان كـان للمـكشات نفـسك تراويك &&& جهز زهابك وقت عيد الضحية

////////////////////////////////////////////////////////////////////////////////////////////////

اخوك ابو ريان ( عادل عبدالعزيز الحسين ):)