|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
19 / 05 / 2006, 44 : 10 PM
|
#1 | |
|
مشرف سابق
|
قصيدة نصيحة لوالدي رحمه الله 00نفعنا الله واياكم بما فيها
ابـــدي بـذكــر الله بـعـالـي سـطـورهــا وأعــوذ بالـرحـمـن مـــن كـــل مـدحــور يالله يـــــا عــالـــم خـفــايــا صــدورهـــا مــا وسـوسـت نـفـس بـصـدق مــع زور تعلـم دبـيـب النـمـل بأقـصـى جحـورهـا محصي الخلايق ساعة البعث والنشـور نــفــس تـزكـيـهـاو تــرفـــي فـجــورهــا ونفـس تحاسبهـا علـى ذنـب و اقـصـور فـــي يــــوم لا يـنـفــع كــبــار بــزورهــا ولا والــد يشـفـع لــه الـمــال مـيـسـور إلا أنــت يــا كـافـي عـواقـب شـرورهــا بـكـاف و نـــون تـجـعـل الـخـيـر مـوفــور رافــــي لخـلـتـهـا وجــابـــر كـســورهــا أنـت الـمـلاذ الـكـل مــن جــاك مـأسـور تـأمـر و تـنـهـي مـاتـشـا مـــن أمـورهــا تعطـي و تمنـع مـا علـى بابـك جـسـور يـا مخـرج المـاء مــن كـوامـن صخـورهـا يـا منـجـي يـونـس وراء غـبـت بحـورهـا ارجـيـك تـغـفـر زلـتــي فـــي حـدورهــا تمحـي الذنـوب وتجعـل العيـب مستـور فكـرت فـي الدنيـا كـفـى الله شـرورهـا تضـحـك و تـبـكـي كـــل يـــوم لـهــا دور مــن كـــل حـلاويـهـا تلـتـقـى مـرورهــا قـالــه حـكـيـم جـربــه سـالــف عـصــور مــا تنـعـرف مأسـاتـهـا مـــن سـرورهــا يفـرح بـهـا مــن كــان جـاهـل و مـغـرور أحــد يجـيـه الــرزق بـأقـصـى بـحـورهـا و أحــد يتـعـثـر كـــل مـــا طـــاح ويـثــور أن أقـبـلـت ســهــل ويــســر عـبـورهــا تمسـي فقـيـر و تصـبـح الـمـال مـوفـور وان أدبــــرت بـاشــيــن والله د بــورهـــا ترميـك فـي غــدرا بـهـا شــوك وحـفـور دار الــغـــرور و كـــــل مــنـــا يــدورهـــا ومن شب شاب ولو بقي أعوام وشهور أوصـيــك لاتـفـتـن بـهــا فـــي غـرورهــا أوصـيـك فــان الـذكـر نـــور عـلــى نـــور عـلـيــك بالـتـوحـيـد بــــأول بـشــورهــا الــواحــد الـمـعـبـود و الــكــل مــأمـــور أحــذر مــن الإشــراك تسـلـم كفـورهـا أحــذر وحــاذر تـقـرب الـشــرك حـــاذور مـــع الـشـهـادة كـــل مـاشــع نـورهــا عـلــى نـبــي جـاهــد الـكـفـر و الـــزور انــزل علـيـه الـوحـي ســـورة دثـورهــا انــذر و كـبــر و أنـــت بـالـحـق مـنـصـور أرســي قواعـدهـا و قـــوى جـسـورهـا حتى استقام الديـن و الهـدى مشكـور صـــلاة ربـــي مــاتــوا لــــت دهــورهــا علـى النبـي المصطفـى خـيـر مـذكـور عــدد النـجـوم و عــد سـايــر طـيـورهـا وعـداد مــن طــاف الـحـرم حــج ويــزور وعـد الـرمـال ومــا نـبـت مــن زهـورهـا وعــداد وبــل الغـيـث ممـطـر وممـطـور صــلاة أزكــى مــن نفـايـس عـطـورهـا عـداد مــا خــط القـلـم فــوق مسـطـور فـرض الـصـلاة أحــذر تـهـاون حضـورهـا تـنـهــاك عــــن فــعــل ردي ومـحـضــور احــضــر بنـيـتـهـا و كــمـــل طـهــورهــا تــرى الـصـلاة القـايـم الـحــظ مـذخــور جاهـد عيـالـك فــي مسـاهـا وبكـورهـا احفـظ وصاتـي و اقبـل النصـح والـشـور كـبــارهــا و إنـاثــهــا مـــــع ذكـــورهـــا ترضـي الإلــه و يصـبـح البـيـت معـمـور واظــهــر زكــــاة الــمــال لادار دورهــــا أنصـاب الزكـاة بصفـحـة الفـقـه مـذكـور كنـز الـذهـب مــع فـضـة مــن ذخـورهـا يـــا كـانــز الـنـوعـيـن تــــراك مـخـطــور تكوى اجباه أهـل الذهـب مـع ظهورهـا آلا أن عـطـو حـقـه المـعـسـر ومـقـتـور زكــــي مـواشـيـهـا وزكــــي تـمـورهــا وحبوبهـا مــا كــان مسـقـي و ممـطـور صـوم رمـضـان ابــرك ليـالـي شهـورهـا عـشـر الأواخــر قـدرهـا فـيـه مـشـهـور فـرض تصـوم مـن السحـرلـي فطـورهـا وان شئت تفطر في السفرفآنت معذور كـمــل بـحــج الـبـيـت مــكــة تــزورهــا سعي وطواف وقل عسى الحج مبـرور طـــع و الـديــك و لا يـفـوتــك بــرورهــا اخفض جناحـك واطلـب الـرأي والشـور يـامـا حـبـوك و قـدمــوا لـــك حـجـورهـا يـوم أنـت بيـن أحضانهـم تقـل عصـفـور حـتـى كـبـرت و صــرت تمـلـك أمـورهـا خلـك لهـم فـي تـالـي العـمـر مـذخـور وعـلـيـك بالـتـقـوى تـمـسـك بـكـورهــا يهديك هـادي الرشـد مـن كـل محـذور ألـهـمــك تـقـواهــا وعــلـــم فـجــورهــا افـلــح مزكـيـهـا و مـــن خـــاب مـعـثـور وعـلـم عيـالـك مــا بـقـي مــن أمـورهـا واستعمـل الحكمـة بلـى عــزر وانـفـور واثـبـت آلــي جــارت وخـلــك صـبـورهـا الصـبـر مفـتـاح الـفـرج و أنـــت مـأجــور اصبـر علـى البـلـوى ولــو جــار جـورهـا الصـبـر والـغـفـران مـــن عـــزم الأمـــور لا ضـاقــت الـدنـيـا وبــانــت افـطـورهــا يحلـهـا آلــي يـجـبـر الـعـظـم مـكـسـور ثــم احـمـد النعـمـة وخـلـك شـكـورهـا وأحــــذر تـكـبــر و أنــــت بالله مـكـبــور وأحـذر مـن المحتـال و أحــذر فخـورهـا ورد المظالـم لأهلهـا و اسـمـع الـشـور نسـيـت خلـقـك فــي بـدايــة أمـورهــا سـواك مـن طيـن عـلـى الأرض منـثـور لا تـظـلــم الـمـسـلـم تــــزود ثـبـورهــا الله مـــــع الـمـظـلــوم لا راح مـقــهــور يـمـهـل و لا يـهـمـل حـلـيـم غـفـورهــا واليـا خـذا الظـالـم فــلا هــوب منـصـور وحـذراك قتـل النفـس حــرم شعـورهـا والــي قـتـل يقـتـل ولــو بـعـد بشـهـور يكسـب غـضـب ربــه ويحـمـل وزورهــا يصـبـح بسـيـن و جـيـم جــار و مـجـرور حـتــى الضـمـيـر يـأنـبـه كـبــر جـورهــا يـفـز مــن نـومـه مــن الـخـوف مـذعـور قـــام يـتــزول لــــه عـظـائــم أمــورهــا مــن طــاع الشيـطـان يـرمـيـه بـحـفـور ولا تـقـرب الفـحـشـاء تـلـطـخ بـعـورهـا اسمـع كـلام الـرب فــي ســورة الـنـور ولا تـقـرب المنـكـر وتـشـرب خـمـورهـا أم الخـبـائـث تـجـمـع الـقـبــح والــعــور وحـــذراك مـــن نـــار بـعـيــد قـعـورهــا لاجــا بـهـا الكـافـر مــن الغـيـض بتـفـور يـا ويـل مــن يـصـلاه صـالـي سعـورهـا ملفـى هـل الطغيـان و الكفـر و الـجـور وحــذراك لا تـقــرب شـهــادات زورهـــا ولنتـب علـى البهتـان و الكـذب مجـبـور اشهـد بمثـل الشمـس لا شـع نـورهـا اشهـد شهـادة حـق و حـذر مـن الـزور أحـــذر هـــواك وراقــــب الله بـطـورهــا حتـى أطرافـك فـي الشـهـادة لـهـا دور تشهـد عليـك بمـا جنـت فـي ظهورهـا يــوم القيـامـة يــوم حـاشـر ومـحـشـور حـمـل الأمـانـة مــن عـظـائـم أمـورهــا ولنتـب عـلـى حـمـل الثقـيـلات مجـبـور أبـت سمـاهـا و أرضـهـا مــع صخـورهـا و آلــي حملـهـا كــان جـاهـل ومـغــرور و أوصــيــك بـالأيـتــام يــســر أمــورهــا ولا تنهـر السائـل آلــي جــاك معـسـور بـــر اليـتـيـم ولا تـحـســب عـسـورهــا بـالـك يــروح و خـاطـره مـنـك مـكـسـور مـال اليتامـى أحـذر تـعـرض خسـورهـا الـمـال ينـفـد و أنــت بالـذنـب مـأســور المـوبـقـات الـسـبـع صــعــب أمــورهــا الله ينـجـيـنـا مــــن الـظـلــم و الــجـــور شـــوري عـلـيـك تـجـارتــك لا تـبـورهــا تآكـل حـرام ويصبـح الكسـب مخـشـور رجـــح مـوازيـنــك و حــــدب ظـهـورهــا وأحذر من التطفيـف فـي الكيـل حـاذور أربــي الـربـا مالـمـتـه فـــي حـجـورهـا بئـس الحـرام ولـو بقـي الـمـال مـوفـور ولا تـخــادع مـسـلـم فـــي عـسـورهــا الــغـــش مـنــبــوذ وراعــيـــه مـعــثــور واعمـل بقـول الصـدق واتــرك فجـورهـا الكـذب شيـن وراعـي الصـدق لـه نــور وأحــذر مــن النـمـام مـوغــر صـدورهــا اللـص ذي الوجهيـن بالـكـذب محـشـور يــقــوم الـفـتـنـه و يـنـبــش حـفــورهــا كنـه علـى النـمـات و الخـبـث مسـعـور مـالـه و مــال الـنـاس يفـسـد أمـورهــا حبـل النمـامـة بـيـن ألا جــواد مقـصـور والـيـا عطـيـت الـعـهـد وفـــي نـذورهــا تــرى الـوفـاء بالعـهـد طـيـب ومـيـسـور وحــذرا النـفـاق ولا تـسـاهـل بـدورهــا تـرى النـفـاق يخالـطـه شــرك و غــدور صــــل الـقــرايــب لا تــوانـــا تــزورهـــا ليـن لهـا الجـانـب عـلـى خـيـر وســرور كــــل الـقــرابــة لا تــهـــاون أمــورهـــا و لا تـكــون بـكـثــرة الــعــرض مــغــرور ون كــان فيـهـم عـاجـز فــي خـدورهــا واسـه و قـدم لـه مـن الـمـال ميـسـور والله مــــا يـنــفــع أمـــــوال اقـتــورهــا لا خير فـي مـال علـى النفـس مقصـور وأحــذر مــن الـسـارق لــدارك يـزورهــا ابـعـد مـريـض القـلـب مـهــوب مـعــذور اقطـع يـده مـن معصمـه مــن جـذورهـا يقـعـد بــلا يـمـنـى مـلــوم و مـحـسـور و لا تــبـــذر كـــــان كــثـــرة خـيــورهــا تــرى الـسـرف بالـمـال يغـديـه دعـثـور خلـك علـى مـا قـيـل بـأوسـط أمـورهـا والبخـل شيـن وراعــي البـخـل معـثـور واكـــرم ضـيـوفـك لا تـعــد مخـسـورهـا رحــب و قــدم لــه مــن الــزاد مـقــدور لـيــن لـــه الـجـانـب و بـيــن سـرورهــا تكسـب جميـل و يصبـح العلـم منشـور الضـيـف ضـيــف الله ويـوصــي بـرورهــا حسـن نبـاك و يصبـح الضـيـف مـسـرور أحـذر هــوا نفـسـك تغـشـك بشـورهـا تــرى النـفـس الطاغـيـة مالـهـا شـــور وانـصــح أخـــاك آلــيــا تــــولا دبــورهــا قلـه تعـال اسمـع هـل النصـح والشـور سـبـح الـربـك فــي مسـاهـا وبكـورهـا سبـح بحمـده ياعسـى الذنـب مغـفـور و احـذر مـن الرديـان مـا ســر شـورهـا آن كـان تسمـع نـاصـح يـهـدي الـشـور لا تصـحـب آلا آلـــي طـــوال شـبـورهـا قــرم شـجـاع صـايــب الـــرأي مـخـبـور لا جـاك مـن عـسـر الليـالـي خطـورهـا تلـقـاه فــي وقــت ألمـواجـيـب مـنـعـور ون زلــت الأقــدام بــك فــي فـجـورهـا ارجـــع آلـــي ربـــك ذلـيــل و مـقـهــور بــادر آلــي الـتـوبـة تـمـسـك بـكـورهـا تـبـر مــن ذنـبـك و بــادر عـلــى الـفــور يـــا بــاعــث أمـواتـهــا مــــن قـبـورهــا المالـك آلـي فــي يــده نفـخـة الـصـور محصـي محاسنهـا ومحصـي شـرورهـا يلـقـى كتـابـه يــوم الأشـهـاد منـشـور أحــد يقـلـب صفحـتـه فــي خـسـورهـا واحــد كتـابـه فــي يمـيـنـه و مـســرور لـه حكمـة فـي قسمتـه مـن جـذورهـا غـيـب و عـلـمـه واســـع الـبــر وبـحــور يـا سعـد مـن يحظـى بعالـي قصـورهـا فـي جـنـة الـفـردوس نــور عـلـى نــور فـــي جـنــة خـضــراء تــــلألأ نـهـورهــا نبـاتـهـا مـــا طـــاب مــــن ورد وزهــــور مــن سـاعـده ربـــي تـلاقـيـه حـورهــا روح وريــحـــان و مـــســـك و كـــافـــور نـعـيـمـهـا دائـــــم تــجـــدد زهـــورهـــا مــن سـنـدس وإستـبـرق عــز وحـبــور مخـتـلـطـة لـذاتــهــا مـــــع خـمــورهــا جـنـات خـلـد وسطـهـا تـرقــص الـحــور |
|
|
|
|
20 / 05 / 2006, 39 : 12 AM
|
#2 | |
|
المدير العام
|
صح لسانك ابا عبدالله
ورحم الله والدك تسلم لنا يااستاذنا الغالي والقدير |
|
 ــــــــــــــــ ــــــــــــــــ
|
|
20 / 05 / 2006, 00 : 02 AM
|
#3 | |
|
تميراوي فعال
|
رحمة الله على والدك واسكنه فسيح جناته
وجزاه الله خير الجزاء نصائح من القلب وفي محلها والله يعيينا على تطبيق النصائح كل الشكر لك على النقل وعساك على القوه |
|
|
|
20 / 05 / 2006, 48 : 02 AM
|
#4 | |
|
مشرف سابق
|
رحمة الله على والدك واسكنه فسيح جناته
وجزاه الله خير الجزاء نصائح من القلب وفي محلها والله يعيينا على تطبيق النصائح كل الشكر لك على النقل وعساك على القوه |
|
|
|
|
20 / 05 / 2006, 58 : 10 AM
|
#5 | |
|
مشرف سابق
|
طـــع و الـديــك و لا يـفـوتــك بــرورهــا
اخفض جناحـك واطلـب الـرأي والشـور يـامـا حـبـوك و قـدمــوا لـــك حـجـورهـا يـوم أنـت بيـن أحضانهـم تقـل عصـفـور حـتـى كـبـرت و صــرت تمـلـك أمـورهـا خلـك لهـم فـي تـالـي العـمـر مـذخـور الف شكر أخوي مخاوي والف شكر اخوي نقا هشال والف شكر اخوي الجنوبي سعدت بتواجدكم نفعنا الله بما فيها |
|
 وبطولة وراء بطولة والهلال من يطوله الف مبروك البطولة ال 54
|
|
21 / 05 / 2006, 04 : 08 PM
|
#6 | |
|
مشرف سابق
|
الصلاة على النبي عليه الصلاة والسلام صـــلاة ربـــي مــاتــوا لــــت دهــورهــا علـى النبـي المصطفـى خـيـر مـذكـور عــدد النـجـوم و عــد سـايــر طـيـورهـا وعـداد مــن طــاف الـحـرم حــج ويــزور وعـد الـرمـال ومــا نـبـت مــن زهـورهـا وعــداد وبــل الغـيـث ممـطـر وممـطـور صــلاة أزكــى مــن نفـايـس عـطـورهـا عـداد مــا خــط القـلـم فــوق مسـطـور الصـــــــــــــــــــــــــــــــــلاة فـرض الـصـلاة أحــذر تـهـاون حضـورهـا تـنـهــاك عــــن فــعــل ردي ومـحـضــور احــضــر بنـيـتـهـا و كــمـــل طـهــورهــا تــرى الـصـلاة القـايـم الـحــظ مـذخــور جاهـد عيـالـك فــي مسـاهـا وبكـورهـا احفـظ وصاتـي و اقبـل النصـح والـشـور كـبــارهــا و إنـاثــهــا مـــــع ذكـــورهـــا ترضـي الإلــه و يصـبـح البـيـت معـمـور |
|
|
وبطولة وراء بطولة والهلال من يطوله الف مبروك البطولة ال 54
|
|
21 / 05 / 2006, 30 : 09 PM
|
#7 | |
|
تميراوي ذهبي
|
رحمة الله على والدك واسكنه فسيح جناته
وجزاه الله خير الجزاء |
|
|
|
|
22 / 05 / 2006, 52 : 01 PM
|
#8 | |
|
تميراوي سوبر
|
رحم الله والدك وغفر له ،،، قصائد رائعه وكلمات جميلة
لاحرم الله والدك من اجرها |
|
|
مالي وللنجم يرعاني وارعاه
|
|
23 / 05 / 2006, 34 : 02 PM
|
#9 | |
|
مشرف سابق
|
دار الغرور فكـرت فـي الدنيـا كـفـى الله شـرورهـا تضـحـك و تـبـكـي كـــل يـــوم لـهــا دور مــن كـــل حـلاويـهـا تلـتـقـى مـرورهــا قـالــه حـكـيـم جـربــه سـالــف عـصــور مــا تنـعـرف مأسـاتـهـا مـــن سـرورهــا يفـرح بـهـا مــن كــان جـاهـل و مـغـرور أحــد يجـيـه الــرزق بـأقـصـى بـحـورهـا و أحــد يتـعـثـر كـــل مـــا طـــاح ويـثــور أن أقـبـلـت ســهــل ويــســر عـبـورهــا تمسـي فقـيـر و تصـبـح الـمـال مـوفـور وان أدبــــرت بـاشــيــن والله د بــورهـــا ترميـك فـي غــدرا بـهـا شــوك وحـفـور دار الــغـــرور و كـــــل مــنـــا يــدورهـــا ومن شب شاب ولو بقي أعوام وشهور أوصـيــك لاتـفـتـن بـهــا فـــي غـرورهــا أوصـيـك فــان الـذكـر نـــور عـلــى نـــور مشكور أخي تميراوي الرياض على مرورك ومشاركتك رحم الله والدينا وجميع موتى المسلمين |
|
|
وبطولة وراء بطولة والهلال من يطوله الف مبروك البطولة ال 54
|
|
23 / 05 / 2006, 39 : 02 PM
|
#10 | |
|
مشرف سابق
|
الأيتام و أوصــيــك بـالأيـتــام يــســر أمــورهــا ولا تنهـر السائـل آلــي جــاك معـسـور بـــر اليـتـيـم ولا تـحـســب عـسـورهــا بـالـك يــروح و خـاطـره مـنـك مـكـسـور مـال اليتامـى أحـذر تـعـرض خسـورهـا الـمـال ينـفـد و أنــت بالـذنـب مـأســور أخوي ابو اسامه السلوم 00 شكرا لإطلالتك في صفحتنا زدتنا شرفا وسعدنا بك00 روعة القصائد من روعة تواجدك شكرا لك 0
|
|
|
وبطولة وراء بطولة والهلال من يطوله الف مبروك البطولة ال 54
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
 |
 |
 |
