السيف له هيبه

ليت العمر طوله على طول يمناك
يوم الردي يمناه دايم قصيره

لانافعٍ هذا ولانافعٍ ذاك
مثل الحزام اللي بليا ذخيره

لاأمتس حبل السالفه عوْد هناك
وتبيّنه سود الليالي لغيره

وصكات بقعا لاتبيّح خفاياك
عندك خبر بان الرحا مستديره

ولاتصير لأ أعراض المخاليق فتاك
ولاتبدي لمن جاك خاف السريره

ولاكل منهو قال أنا أفداك يفداك
قلوبنا ماهي كفيفه بصيره

زلت رفيقك لاتجيبك من أقصاك
حاول تجاوز لك أمورن كثيره

ولاهو بعيب انك تعذر من اخطاك
السالفه لاتطول واهيّه قصيره

شاور لبيب العقل فالشور يقداك
وأما قليل العرف لاتستشيره

ولاتدْخلك شكه ولاتصير شكاك
عامل بطيب وكل شخص وضميره

وزلات ربعك لاتعلم بها اعداك
السيف له هيبه وهو في جفيره

وإن زاد مالك لاتصره بمخباك
لاتذخر الماجوب دون العشيره

والليا جفيت أقرابك الناس تشناك
ربعك حزامك بالامور العسيره

وخل التواضع ميزتن من مزياك
لاتحمْل إمن الكبر كبر الشعيره

وحذراك تعصا والدينك ومولاك
رجلٍ بليا دين مافيه غيره

وان كان ماحشت المراجل من إصباك
إفعول جدك ماتوديك ديره

ليت العمر طوله على طول يمناك
يوم الردي يمناه دايم قصيره

لانافعٍ هذا ولانافعٍ ذاك
مثل الحزام اللي بليا ذخيره

ابيات قويه وجميله
اختيار جدا جمييل تسسلم ع الاختيار والذووق العالي ..

كلمات جميلة.. واختيار موفق تسلم اخي النادر .

الله على الأبيات الجزلة .. من جمآل أحترت وش اقتبس ،
لاهنت لاهنت ي النآدر ،

اقتباس: المشاركة الأصلية كتبت بواسطة الراقيه    ليت العمر طوله على طول يمناك يوم الردي يمناه دايم قصيره لانافعٍ هذا ولانافعٍ ذاك مثل الحزام اللي بليا ذخيره ابيات قويه وجميله اختيار جدا جمييل تسسلم ع الاختيار والذووق العالي ..

هلا بالراقيه الذوق تواجدك وتشريفك لاعدمنا هالتواجد
والله محييك

اقتباس: المشاركة الأصلية كتبت بواسطة هذا انا    كلمات جميلة.. واختيار موفق تسلم اخي النادر .

مرحبا اخوي الله يجمل ايامك هلا وغلا

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    الله على الأبيات الجزلة .. من جمآل أحترت وش اقتبس ، لاهنت لاهنت ي النآدر ،

هلا بالوفاء حياك الله وسعيد بتواجدك لاعدمناك

اختيار جميل ورائع

تسسلم يالنادر وماقصرت

زلت رفيقك لاتجيبك من أقصاك
حاول تجاوز لك أمورن كثيره

ولاهو بعيب انك تعذر من اخطاك
السالفه لاتطول واهيّه قصيره

هالبيتين تعطي رسالة في معنى التسامح ؛ و التقدير

الله يعطيك العافية اخوي النادر

تحياتي