يا ناس راعي المحبة لا تعذلونه

يا ناس راعي المحبة لا تعذلونه=مهوب عن صاحبة دالة ولا سالي
لو يسهر الليل كلة لا تلومونه=الحب بلوى مانيب اول ولا تالي
لي صاحب ما قطعت الياس من دونه =لو غاب عني خياله دوم يبرالي
الصاحب اللي سحر هاروت بعيونه=ودي بشوفه ولكن ما تهيا لي
يا هايف الخصر عيني فيك مفتونه=والبعد ياصاحبي ما يرخص الغالي
الروح يا صاحبي بحماك مرهونه=عزي لحالي عقب فرقا هوى بالي
ياكود وصلك على مثلي ويا هونه=ان كان حالك طواها اللي طوى حالي
عن غيرك القلب غسلتة بصابونه=والعين ما تلتفت فى كل الازوالي
ما يجرح القلب كود فراق مضنونه=ابطيت ما ارسلت لي يازين مرسالي
أجر صوت جميع الناس يوحونه=غديت مثل المصيح بالخلا الخالي

أحمد الناصر الشايع

اخوي الشاعر السنافي ابدعت في اختيارك لابيات الرائعة لشاعر احمد الناصر وشكرا لك

الصاحب اللي سحر هـاروت بعيونـه
ودي بشـوفـه ولـكـن مــا تـهـيـا لـــي

يا هايف الخصـر عينـي فيـك مفتونـه
والبعد ياصاحبي مـا يرخـص الغالـي


السنافي الناقل و احمد الناصر المنقول له

اجل وش خليت


يعطيك العافيه يا السنافي وصح لسان الشاعر الكبير