طريقة عمل سندوتشات دجاج

هنا ياطويلات العمر نقطع صدور الدجاج قطع متوسطه
ونتبلها ونخليها يوم كامل بالثلاجه وممكن تتبليها وتستخدميها بنفس الوقت لو مستعجله او في احد على راسك يقول بسرعه وكذا

التتبيله :
3 ملاعق خل
ملح .. كمون .. بهارات مشكله
كركم .. فلفل اسود وفلفل حار مجفف .. بهارات حمرا
وبهارات هالدب اللي بالصوره

ناخذ قدر و نحط بصله جوانح ونخليها تتحمر شووي

وعقب نضيف عليها قطع الدجاج المتبله
ونقلبها ونخليها على نار هاديه ونغطي القدر لين تقرب تنشف موية الدجاج

واذا قربت تنشف موية الدجاج نضيف فلفل رومي ( اخضر .. واصفر .. احمر ) تكون كلها مقطعه جوانح ونقلبها مع الدجاج ونغطي عليها ونخليها 5 دقائق تقريبا
اذا ذبلت الخضار ونشفت موية الدجاج تماما نطفي النار عنها

ونضيف خس مقطع مثل الصوره طوال ونقلبها مع بعض

وهذي الحشوة صارت جاهزه معانا
تحمست اكل الصوره لمى تذكرت طعمها

الحين نسوي الصوص اللي راح ندهن فيه الخبز او السندوتشات مثل ماتحبي
2 ملعقه لبنه تركيه + 3 ملاعق مايونيز


وش رايكم بالصحن بسس مزركش ومرتب بأوراق حركات تصوير يعني
المهم خلونا بالطبخه ندهن خبز التورتلا بالصوص وعقب نضيف الحشوه وممكن تضيفي عليها جبن شرائح
وتسكريها وتحطيها بالحماصه تبع الخبز لو حبيتي او ممكن تقدميها على طول


ويازينها مع كولا قزاز باااااااااارد

ماشاءالله رووعه وتشهي
يعطيك العافيه

الله يعافيك وياهلا فيك

يعطيك العافيه يالغلا ’’

يعطيك العافيه

حياكم منورررين يالغوووووووالي