شيلة يابوي جعلك للبقاء والمكاسيب ||اداء عبدالعزيز المطيري

السلام عليكم ورحمة الله وبركاته ,,

شيلة يابوي جعلك للبقاء والمكاسيب


كلمات بنت ابوها


اداء عبدالعزيز المطيري


:: الكلماات ::


يابوي جعلك للبقا والمكاسيب
عمري بدونك يالذّرا ويش أبي به


يابوي تسأل عن شفاك المراقيب
طلعة سواتك للنّوايف غريبه


ليه المرض مايعرف الزّين والعيب
مايدري انك للمخاليق هيبه !!


أبسألك وش به غزا وجهك الشيب
والقلب لايع والنواظر شحيبه


وش بك تحاتي لانوى الموت تغريب
تخشى علينا بالليّالي الكئيبه


خذ دلّتك واركى على مسند الجيب
وعطني شماغك بلثمه وأحتمي به


ونروّح لأرض ٍ بها العشب والطيب
وتسمع كلام ٍ يالغلا تحتفي به


يابوي بنتك لاانحكى بالتّجاريب
كل ٍ يشق لهيبه الصّيت جيبه


يابوي ماني من سوات المخاريب
اللّي تجيب لعليَة القوم خيبه


وماني من اللّي لامشت حفّها الرّيب
أنا من اللّي مايدنّس حليبه


مرفوع شاني عن غرام المكاتيب
وأكبر من انّني أرتضي بالحبيبه


أنا غرامي لاابتدوا بالتّراحيب
نفوس الأوادم في وجودي رحيبه


وان كان زيني فتنة ٍ للمصاويب
أحط وجهي بالحريق ولهيبه


زيني أبيعه وأشتري سمعه الطّيب
اسم ٍ ينومس بالصّروح الذ ّهيبه


وان كان عندي ( بالحلا) شي ٍ اصعيب
عندي جدود ٍ مارضت بالغليبه


دموع القبايل في لقانا مساكيب
كن المقابر لاحضرنا قريبه


خضّبت لك كفّي من العز تخضيب
ورفعت راسي للنّجوم الصّعيبه


والله لأسدّك بالفعول المصاليب
والله لأشيلك بالرخا والمصيبه


طلع المعالي ماانحكم للشّواريب
بنت ٍ وأناطح فارس القوم طيبه


وياشيخي إبشر لوتدور الدّواليب
بنتك إلا منّه عوى الذّيب ( ذيبه)


:: مشاهده واستمااع ::


http://safeshare.tv/w/WvUTZFVeMi

يآسلآم عليك يادرووبه اختيآر اكثر من رآئع
تسسلمين ويسسلم لنا اختيارك الرائع ..

اقتباس: المشاركة الأصلية كتبت بواسطة الراقيه    يآسلآم عليك يادرووبه اختيآر اكثر من رآئع تسسلمين ويسسلم لنا اختيارك الرائع ..

ربي يسلمك يالحبيبه من كل مكرووه ’’

نورتي راقيتنا بطلتك الحلووه عليناا ,,

ماشاء الله
اختيار رائع
شكرا لك على الابداع في الطرح

عوآفي ،

اختيار جميل يادروب تسسسلم اديك وماقصرتي,,,

اقتباس: المشاركة الأصلية كتبت بواسطة كلاش تمير    ماشاء الله اختيار رائع شكرا لك على الابداع في الطرح

تسسسلم ربي يعافيك ..منوورنا اخووي بحضوورك ..

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    عوآفي ،

الله يعافيك

اقتباس: المشاركة الأصلية كتبت بواسطة أبـوحـمـد    اختيار جميل يادروب تسسسلم اديك وماقصرتي,,,

الله يسسلمك يالطيب ,,

الجميل طلتك علينا بابوحمد

عافية عليك ماقصرتي