(صادوة الحلقة الثالثه عشر مع T W I X )

السلام عليكم ورحمة الله وبركاته مساء الورد والكآدي لجميع آعضاء منتديات تمير كل عام وانتم بالف خير راح اطرح اليوم الحلقه الثالثه عشر من برنامج مقالب (صادووه ) وان شالله تعجبكم وبالتوفيق يآآرب ~ ~ ** راح نتواجد يوميا معاكم انا وصعبه المنال من الاحد الى الاربعاء ان شاءالله خميس وجمعه والسبت راحه باذن الله (آخليكم مع المقتطفات ) انت نزل موضوع واحد ثم تعال خل نستفيد سوا ههههههه الله يصلحك بس شف , لاتخليني اخربها معك , تراي محترمك , شغل تسرق ماتسرق موب عندي ولاعد ترسل لي لاني المره الجايه بغللطط عليييك ذاكر بس محد نافعك لامنتدى ولاسرقه المواضيع بتنفعك ابتعد عني خلاص كفايه كده خف علينا يالرومانسي تمنياتي لكم بقزقزة ممتعه ولاتنسوني من تقيماتكم الحلوة لميس

السلام عليكم ورحمة الله وبركاته مساء الورد والكآدي لجميع آعضاء منتديات تمير راح اطرح اليوم الحلقه الثالثه عشر من برنامج مقالب (صادووه ) وان شالله تعجبكم وبالتوفيق يآآرب ~ حبيت اقولكم مقلب اليوم هو اخر مقلب عندي واعذروني اذا عصبت فيكم اورفعت ضغطكم وكل عام وانتم بخير قبل الزحمهه , ~ اليوم معنا العضو المميز T W I X (آخليكم مع المقلب ) التميراوي عزوز السلامـ عليكمـ ,, كيف الحال .. أنا ما أبغى منكـ شي .. بس كنت أبغى أقولكـ شيء بقلبي من زمان .. أنا اشوفك دخولك للمنتدى كثير خصوصا قسم الاخبار ولاتنزل مواضيع ولاشيء بس تتفرج أنا سجلت في المنتدى عشان أتبادل الحوار الهادف و تبادل الثقافات واستفيد من مواضيعكم وانا احب الاعضاء يكونون نشيطين وينزلون مواضيع وين مواضيعك نزل شيء نستفيد منه ولا وش الفايده من التسجيل في المنتدى اذا لم تفيد وتستفيد انا طبعي كذا احب انصح الناس واوجههم وان شالله تستفيد من نصيحة اخوك الاكبر والله يوفقك اخوي ولاتزعل من صراحتي T W I X هلا وغلا فييييك حياك الله والله ياخوك انا انسان احب اقرآ وأتفرج بس واذا حصلت شي وعجبني نزلته .. والرسول صلى الله عليه وسلم يقول قل خيراً او اصمت . وانا ماعندي شي اقوله فلذالك الصمت افضل لي شاكر لك اهتمااممك .. التميراوي عزوز هذا البلا وانا اخوك تقراء وتتفرج وش الي يمنعك ماتشارك وتتفاعل بس متفرج وبس ماينفع كذا ولاانت من الي يسرقون مواضيع المنتدى لمنتديات ثانيه T W I X أقول كيف الحال بس .؟ انت نزل موضوع واحد ثم تعال خل نستفيد سوا ههههههه الله يصلحك بس التميراوي عزوز انا توني جديد وقبل لانزل مواضيع بالاول لازم استفيد منكم ومن مواضيعكم بس للاسف متفرجين وبس وانت كم لك سنه مسجل انت عضو قديم مفروض تصير القدوه T W I X ان شاء الله , ابششر التميراوي عزوز كفو يالذيب يالله مابي ادخل بكره الا وانت منزل موضوع التميراوي عزوز http://www.slaati.com/2014/06/17/p200549.html شوف هالخبر لايفوتك ونزله بالمنتدى علشان يتفاعلون معك وابشر انا اول من يرد عليك ويشجعك التميراوي عزوز هلا فيك اخوي وين الموضوع مانزلته وش تنتظر يالله نزله اليوم بشوفه T W I X تراك اشغلتني الله يهديك التميراوي عزوز وش اشغلتك انا ابي مصلحتك وانت الله يهدييك ماتسمع النصيحه من اسبوع وانا اقول نزل الموضوع وانت ماتنزله نزله وانا بتفاعل معك وبوقف معك وبشجعك وليتك ماتسرق مواضيع المنتدى وتنزلها بمنتديات ثانيه تفاعل بمنتداك وخلينا نستفيد منك T W I X شف , لاتخليني اخربها معك , تراي محترمك , شغل تسرق ماتسرق موب عندي ولاعد ترسل لي لاني المره الجايه بغللطط عليييك التميراوي عزوز يمه خوفتني وش بتسوي يعني انت للاسف انسان ماتحب احد يتناقش وياخذ ويعطي معك وش فيك وسع صدرك واسمع نصيحه اخوك الكبير الله يهديك بس التميراوي عزوز وينك لاحس ولاخبر ولاسمعت بنصيحتي ولاشيء ليه انت كذا عنييد وراسك يابس ؟؟؟ T W I X عندي اختبارات منيب فاضي التميراوي عزوز اما عندك اختبارات اجل ليه تدخل وتضيع وقتك ذاكر بس محد نافعك لامنتدى ولاسرقه المواضيع بتنفعك وبشرني لانجحت عندي لك هديه بس انجح التميراوي عزوز هلا وينك ماترد علي عسي بس مازعلت علي انا مابي الامصلحتك وش اخبار امتحاناتك بشرنا ان شالله زينه كل امس افكر فيك اقول في نفسي وش سووا في اختباراته T W I X أحلف بس , تفكر فيني أجل كل شي تمام التميراوي عزوز أي والله افكر فيك وانتظرك تدخل زين الحمدالله متى تخلص امتحاناتك التميراوي عزوز الحين انت ورا ماترد علي ربي بيعاقبك وبترسب وترا ااذا مارديت بدعي عليك * هنا طفشت منه مطنش رفع ضغطي والله هع التميراوي عزوز ترى بكره رمضان وانت على مانت ماتغيرت يابن الحلال غير من طبعك شوي وانتبه لنفسك ترى الناس مونافعينك وانتبه لدروسك وخليك من منتديات وريح راسك انا الي اعرف ان الي عنده امتحانات يترك كل شيء وانت هذا انت ماتغيرت وابقى قابلني لونجحت مبروك الرسوب مقدما T W I X قسم بالله انك نشبه ابتعععععععععععععععععععد التميراوي عزوز ابتعد عني خلاص كفايه كده خف علينا يالرومانسي شكل الاختبارات لاعبه بمخك اجل ابتعد ههههههههههه ماني مبتعد وبنشب لك لين ترسب رسوبا مبرحا ياتويكس باشا T W I X فيه احد مسلطك علي التميراوي عزوز ايه وحاقد عليك بعد / التميراوي توكس حللني وسامحني الشيطان لعب علي وحنا بشهر رمضان ومابي الشهر يدخل واحد شايل بخاطره علي تكفى سامحني الله يرحم والديك ماقدرت امس انام بالليل ضميري يعذبني T W I X هلا اخوي الله يحللك ويبيحك وكل عام وانت بخير ورمضان كريم التميراوي عزوز يحليلك والله انك طيب وتستاهل كل خيرودي اطول معك بس خلاص بكره رمضان مايمدي اهي اهي وحبيت اقولك كنت ضيف معي بصادوه مع لمووس واناحاولت استفزك وارفع ضغطك بس انت بارد ومطنش رفعه ضغطي يالله ترد هع وحياك الله اقوى شيء والله يوفقك بامتحاناتك روح والآلب داعيلك على قوله خواننا المصريين وشرفتيني ي الطيب T W I X حسبي الله وكفى صااااادوه بس كويس طلعتيني من جو الجامعه واختباراتها هههههههههه على العموم اتمنى لك التوفيق التميراوي عزوز شفت ان لي فوائد هع وحياك الله كل يوم والله يوفقك دووم وشكراا ع رحابة صدرك خيو T W I X حياك الله بس بقولك سر اقسم بالله الي رفع سبع وطمن سبع اني جالس اقول في نفسي ان هذي بنت او ولد متربي مع بنات من خلال الاسلوب شكيت خخخخخخخخ التميراوي عزوز اوما متربي مع بنات هههههههههههه يحليل اسلوبي ههههههههههه مودبه هالمره ماعصبت عليكم هع وحياك الله ي الطيب:) ** واعذروني ع الالوان الي صايره كنها قوس قزح تعبت وانااعدل ابي لون واحد مافي فايده لاتدققون هاه وان شالله اشوفكم بصادوةالسنه القادمة باذن الله وسبحانك اللهم بحمدك استغفرك واتوب اليك ~ وتمنياتي لكم بقزقزة ممتعه ولاتنسوني من تقيماتكم الحلوة لميس

هههههههههه مطنشك مررره
شكله مستغرب اول مره يمر عليه هـ النوعيه
مقلب جمييل وهادي تسسلمين لموووس والله يعطيك العافيه والله انبسطنا معك وخساره ينتهي صادووه
وان شاء الله نشوف صآدوه السنه الجآيه وكل عام وانت بخيير ..

ههههههههههههههههههههههه

صادك ماصدتيه بارد جدااا ومطنشك

شكرا توكس شكرا لميس

ماشاء الله تبارك الله عليك اخوي تويكس ؛؛ بصراحة ثقل و عقل و تعامل اكثر من رائع و ردود رزينه في مقابل استفزاز لميس ( يعني بترفع ضغط و رفعت ضغطها !! )

استمتعت حقيقه بهذا المقلب ؛؛

شكرا لميس ؛؛ شكرا تويكس

تحياتي

ههههههههههه
تمنيت يا توكس انك منزل الموضوع كان كمل المقلب صح

اقتباس: قسم بالله انك نشبه ابتعععععععععععععععععععد

اي والله صادق ابتعد خربتي جو الاختبارات عليه هههههه
مقلب جميل مع شخصيه راائعه بالمنتدى
تسسسلمين لميسسسس
وشكرا لك وعلى جهودك انتي وصعبه ورااح نفقد والله
صادوه تعودنا عليها,,

اقتباس: المشاركة الأصلية كتبت بواسطة الراقيه    هههههههههه مطنشك مررره شكله مستغرب اول مره يمر عليه هـ النوعيه مقلب جمييل وهادي تسسلمين لموووس والله يعطيك العافيه والله انبسطنا معك وخساره ينتهي صادووه وان شاء الله نشوف صآدوه السنه الجآيه وكل عام وانت بخيير ..

صراحه استغربت , قلت غريبه فيه احد سأل عني خخخخخخ
حياك الله يالراقيه

اقتباس: المشاركة الأصلية كتبت بواسطة ع ـزَوـوفـے ْ..(؛    ههههههههههههههههههههههه صادك ماصدتيه بارد جدااا ومطنشك شكرا توكس شكرا لميس

لا موب برود منيب فاضي له اصلا كان عندي اختبار نهائي صعب عشان هيك ماعطيته وجه ههههههههه تشرفنا بك

اقتباس: المشاركة الأصلية كتبت بواسطة توأم الجود    ماشاء الله تبارك الله عليك اخوي تويكس ؛؛ بصراحة ثقل و عقل و تعامل اكثر من رائع و ردود رزينه في مقابل استفزاز لميس ( يعني بترفع ضغط و رفعت ضغطها !! ) استمتعت حقيقه بهذا المقلب ؛؛ شكرا لميس ؛؛ شكرا تويكس تحياتي

شهاده افتخر فيها والله
حياك الله يالطيب

اقتباس: المشاركة الأصلية كتبت بواسطة أبـوحـمـد    ههههههههههه تمنيت يا توكس انك منزل الموضوع كان كمل المقلب صح اي والله صادق ابتعد خربتي جو الاختبارات عليه هههههه مقلب جميل مع شخصيه راائعه بالمنتدى تسسسلمين لميسسسس وشكرا لك وعلى جهودك انتي وصعبه ورااح نفقد والله صادوه تعودنا عليها,,

تبي الصدق مافضيت له كان عندي اختبار فاينل , لو ماعندي اختبار يمكن اصدق وانزله هههههههههههه

حياك الله يابو حمد