يابوي

يابـوي جعلـك للبقـا والمكاسيـب=عمري بدونك يالذّرا ويش أبـي بـه
يابوي تسأل عـن شفـاك المراقيـب=طلعـة سواتـك للنّوايـف غريـبـه !
ليه المرض مايعرف الزّين والعيب ؟=مايـدري انـك للمخاليـق هيبـه !!
أبسألك وش به غزا وجهـك الشيـب=والقلـب لايـع والنواظـر شحيـبـه
وش بك تحاتي لانوى الموت تغريـب=تخشـى علينـا بالليّـالـي الكئيـبـه
خذ دلّتك واركى على مسنـد الجيـب=وعطني شماغك بلثمه وأحتمـي بـه
ونروّح لأرض ٍ بها العشب والطيـب=وتسمـع كـلام ٍ يالغـلا تحتفـي بـه
يابـوي بنتـك لاانحكـى بالتّجاريـب=كـل ٍ يشـق لهيبـة الصّيـت جيبـه
يابوي ماني مـن سـوات المخاريـب=اللّـي تجيـب لعليَـة القـوم خيبـه
وماني من اللّي لامشت حفّها الرّيـب=أنـا مـن اللّـي مايدنّـس حليـبـه
مرفوع شاني عـن غـرام المكاتيـب=وأكبر من انّــي أرتضـي بالحبيبـه
أنـا غرامـي لاابتـدوا بالتّراحيـب=نفوس الأوادم فـي وجـودي رحيبـه
وان كان زينـي فتنـة ٍ للمصاويـب=أحـط وجهـي بالحريـق ولهيـبـه
زيني أبيعه وأشتري سمعـه الطّيـب=اسم ٍ ينومس بالصّـروح الـذّهيبـه
وان كان عندي ( بالحلا) شي ٍ اصعيب=عنـدي جـدود ٍ مارضـت بالغليبـه
دموع القبايـل فـي لقانـا مساكيـب=كـن المقابـر لاحضـرنـا قريـبـه
خضّبت لك كفّي من العـز تخضيـب=ورفعـت راسـي للنّجـوم الصّعيبـه
والله لأسـدّك بالفعـول المصالـيـب=والله لأشيلـك بالرخـا والمصيـبـه
طلع المعالـي ما انحكـم للشّواريـب=بنت ٍ وأناطـح فـارس القـوم طيبـه
وياشيخي إبشـر لوتـدور الدّواليـب=بنتك إلا منّه عـوى الذّيـب ( ذيبـه)

مختارات عهود

بيض الله وجهك ياعهود الخير

على هالطرح المفيد والاختيار الاروع

حروف ذات طابع راقى فى رقي حضورك الفعال وقلبك الكبير
عهود ذوق رائع واختيار اروع

مشكووووره علا

الابيات المميزه

الذيب

اختيار مميز عهود

الله يعطيك العافيه

ننتظر جديدك

اختياااااااار متميز داااااائما

مشكوووووووووره عهود


سلام