نصحت عيني

09 / 12 / 2005, 28 : 01 PM

نصحت عيني لاتشوف المزايين = باغي خفوقي بين الأضلاع يرتاح
لكن عصتنى واخلفت ظنى العين = والله بلا قلب الشقا هم واجراح
من نظرة فيها من الحب نوعين =نوع حنون ونوع قاسى وذباح
نوع يقول الحب ورد وبساتين = فيه الهنا فيه السعاده والافراح
واللى يعافون المحبه مجانين = حياتهم بين المقابر والاشباح
ماهم بموتان ولا هم بحيين =نيام مايدرون من جا ومن راح
قرب وجرب لذة الحب ياشين = وادفن خسارة ماضى العمر بارباح
ونوع يقول الحب شين وعمى عين = فيه العنا فيه التعاسه والاتراح
ياما شبك قبلك قلوب المساكين =حياتهم حسره وضيقات وانواح
يمشون بين الناس مثل السلاطين = وجروحهم تصعب على كل جراح
بعد وغض الطرف عن شوفة الزين = حتاك تدله فى حياتك وترتاح
واحترت أنا فى موقفى بين الاثنين = تقول طير بين صيده وملواح
هذاك يبعدنى وهذاك يدنين = واخترت موت الجسم عن موت الارواح

مبارك بن شافي الهاجري