لماذا التسيب في مستشفى تمير؟؟؟

السلام عليكم ورحمة الله وبركاته..
اكتب معاناتي في مستشفى تمير والتسيب لبعض الاخصائين
بنتي للأسف تعرضت لكسر في رجلها وركبنا لها جبيره لمدة شهر
والحمدلله التحم الكسر وتحتاج الى علاج طبيعي وللأسف لنا أسبوعين
نلاحق إحصائيه العلاج الطبيعي ولكن كل مانجي المستشفى تكون استأذنت
ورجعت الرياض واحنا في رمضان نجي بدري بعد صلاة الظهر مباشرة لان زوجي
مايقدر يطلع من الدوام الصباح الان بنتي اصبحت تعرج بسبب تسيب المدير الذي يسمح
لها بالغياب المتواصل وكثرة الاستئذانات حتى اننا نريد ان ناخذ موعد ولكن كيف وهي غير
موجوده..ارجوا من المسؤولين ايجاد الحل في التسيب وعدم الحرص على المرضى في
مستشفى تمير...
وشكرا لتعاونكم

الله يكون بعونك

بس حاولى تدربينها انتى وحط عليها ما ء دافي جدا بفوطة وبتتحسن بدون علاجهم الطبيعي

هذا من مدير المستشفى وتهاونه مع الاخصائيه هذي وتهاونيه مع بعض الممرضات

خل ولي امرك

يشتكي عند ديوان المراقبة في المجمعة

وشوفي كيف يداوم من عليه المسؤلية

الله يعافي بنتك ويخليها لكم

والله مستشفى تمير مستشفى فااااشل


خاااصه عيااده الاسنان

هالهندي هاللي حااطينه مااعنده مااعند جدتي

الله يكون بعونكم
والله يشفي بنيتكم ويقومها ربي بالسلامه
والتسيب موجود بااكثر مستشفيات المملكه
وياليت يكون فيه قرار صارم لكل متخاذل لايقوم بأداء عمله على الوجه المطلوب

شكراً لتجاوبكم معي
ولكن لانه علاج طبيعي ولا اقدر اروح الرياض كل يوم
ولا كان ماطبيت مستشفى تمير اللي مافيه اي امكانيات
ولا موظفين او إداريين مثل العالم والناس...
ارجوا من المسؤلين التحرك وحل الازمه بأسرع وقت ممكن...

بعض الردود سيئه وخادشه

هلا اختي روحي لمستشفى الحوطه فيها علاج طبيعي .والله يشفي بنتك ويخليها لك