الحزن حزني والسوايا سواياك

يكبر قسى جرح السنين ويعني
رجل الحزين اللي على حد الإدراك

هذا أنا يوم أخلف الوقت ظني
الحزن حزني والسوايا سواياك

بكيت وأبكيت العيون وبكني
تعال شفني كل ما حان ذكراك

كم واحدٍ جاني بعدك وسألني
شخبار من حبيت وأقفى وخلاك

وأصد والحزن الخفي ممتحني
وأن قلت منهو قيل ماهوب يخفاك

قيل العوض قلت العوض ما شحني
والله لا هذا ولا ذا ولا ذاك

يا ما بعضهم مرني ما فتني
يا جعل ماهم بالعوض في محياك

الله لا يجبر عزا من عذلني
ما جاه ما جاني ولا جاه ما جاك

واللي عذل ويقول (لو و لو أني)
جعل يعشق له واحدٍ كنه إياك

ما فيه شيٍ في حياتي غبني
الا نهار أقفيت وأنا أسمع إبكاك

الله من جرحٍ قديمٍ مكني
أمداك نزفه لكن ادواه ما أمداك

عليّ كم جار الزمان وطعني
أسمع صدى صوت المعاليق تنخاك

وين أنت ياللي كل ما غبت كني
واقف على باب الأمل وأتحراك

ليتك تعرف تخون وأقول خني
على الأقل القى سبب وأتنساك

وليت الزمن فمحبتك ما خذلني
وليت الهجر من طيب خاطرك ورضاك

لو أن قربك والوصل بالتمني
ما غبت عن عيني كثر ما اتمناك

خايف يطول البعد وتسج مني
وياخذ مكانك شخص ماهوب يسواك

وش عاد أسوي يومك أقفيت عني
لا أنا أتبع المقفي ولا أحب فرقاك



# حمدان المريّ

آبيآت جميله وآحسآس عذب
تسلمين عزوف على روعة آنتقآئك وآختيآرك ..

ابيات جميلة واختيار عذب
كعادتك مبدعة
تحياتي

واللي عذل ويقول (لو و لو أني)
جعل يعشق له واحدٍ كنه إياك

الله , الله , ي عزوف ,
عزفتي لنآ لحناً جميلاً معَ هـَ القصيدة الرآئعة ,
تذوقتيَ فَ أرويتيَ الذآئقة ,
لآهنتيّ

ابيات جميله منك

بنتظار جديدك الرائع

ابيات في غاية الووعه
تسسلميين عزووف على الاختيااار

اقتباس: المشاركة الأصلية كتبت بواسطة الراقيه    آبيآت جميله وآحسآس عذب تسلمين عزوف على روعة آنتقآئك وآختيآرك ..

سلمتى غاليتى على جمال الحضور

ابيات اكثر من روعه
عوافي على الاختيار

منورين بتواجدكم الشجي..