تسولف لي عن الضيقه وانا كلي ألم وأحزان

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي

قصيدة قمة بالروووعه.
تسلم يمينك غلآتي على الآنتقــــآآء المتميز..
الله يحفظك ويرعــــآآك..

تسلمين يالغلامشكوره
دمت بحب

ابيات في قمة الروعه
اهنيك على روعة اختيارك لها

آبيآت روعه
سلمتِ يآلغلآ ويسلم لنآ آختيآركْ المميز
عوآفي

منورين يالطيبين وتسسلمون ماقصرتو

الله عليك يا مبدعه هذ قصيده
وسبق لي شيله بصوتي وهي
لشاعر الكبير ثامر شبيب وتربطني
معه صله قررابه قويه صح لسان الشاعر
واهنيك على الذووق الجميل فهو افضل شاعر
لدي قصائده جميله جدا اشكرك اختي على الانتقاء
تحياتي

رائعة للغاية
دمتي

قصيده رائعه
سلمتي

منورين يالطيبين
وتسسلمون ربي يعطيكم العافيه