[ســجل دخولك وحضــورك ] بـــ بـــيـــت أو بيــتين شـعر

ابعلن مرحلة حبي وابانضم شعــر جدانـي
وابعشق بنت ماشيفة ولا ضني لها شايف

تعبت من البشر قلبي يبيها مايبـي ثانـي
يبي زين النبا حلو تبسم من ورى الطايف

جميل الخد والمبسم فتون بكحل الاعيانـي
طويل الشعر والقصه تمايل بالهوى الكايف

شـريف وطاهـر قلبه يكفي يومـه اهدانــي
عبايــر ورد منثـوره وقلب ذايـب وخــايـف

الا يارحـلت طــالت متــا هالبنـت ترعانـي
متى بتكون في بيتي واكون لحبها رايـف

انا المجروح والقاتل وانا المذبوح والجاني
حكمني وقتي القاسي طلوع فوق للنايـف

اشيـل اهموم ماضني يبابنطقبهـا السانـي
لجل تستر هوى قلبي وانا ماني لها عايف

\\

مانيب من ياتي ولا يدرابه
شطر حفظته ماعرف كتابه

شطر يناسبني لمثل الليله
واشوفني في ذالمكان اولى به

\\

على ذاك الجدار اللي على حد البيوت الطين
وقفت وهاجس الذكرى نفض في قلبي غباره

وقفت أطلق مدى شوفي وأناظر مفرق الدربين
و أشوف الدار وعيوني تضم الدرب وجداره

أجل هذا الجدار اللي سهر يوم العرب غافين
أجل هذا الصديق اللي ذكرته وأذكر أسراره

أنا اذكر يوم يجمعنا يغطينا برمش العين
نسج ليله وسوى به على عشاقه ستاره

حجر لكن أحس انه يحس بفرحة القلبين
أحس انه نفس لكن غدى جامد من أقداره

حجر يوم العرب تنسى إذا مرت عليها سنين
حجر يوم العرب تنسى حبيب مبعده داره

ولكن الجدار اللي تركته من هذاك الحين
عرفني يوم قابلته وبلل دمعي أحجاره

جلست وهاجت الذكرى وقلت بخاطري مسكين
ثمان سنين في وحشة ولا احد بيننا زاره

وفـ ذاك المكان اثبت بأن الآدمي من طين
تخيل يوم لامسته تنهد من شقا ناره

سألني قال أنا أذكركم تجوني بالظلام اثنين
بكيت وقلت صدقني رحل وانقطعت أخباره

//
\\
*

وين انت ؟! وسعت الفراق وضاق صـدري
وين انت ؟! غبت واحضرت كل الاحزاااان
..,

\\


ياقلبي المضيوم ضاقت محانيـك
كثر المصايب حدت القلب لاقصاه

ياقلبي الله من مصابـك ينجيـك
ويقوم حظـك والسعـد ماتعـداه

عزاك يـا قلبـي ببيـتٍ يقديـك
يصبرك والصبر محمود عقبـاه

ياقلب لا تحزن على كثر مافيـك
كم واحدٍ قبلك شكى هـم دنيـاه


\\

//
\\
*


ياكثر ما احس أن بك مني وبي منـك
روحٍ قسمها على شخصيـن مولاهـا
لا تقول وش تحب فيني اعشقك كلـك
من سواد عيونك لشمسك وآخر اقصاها
سميتني نصفـك الثانـي ويـا شحـك
أنـا بسميـك كلـي وانـت معناهـا


..,

هز الخفوق الغياب وجيت لك عاني

..... شوقي بقلبـي علـى شوفـك يسابقنـي

ودنا بالطيب بس الدهر جحاد طيب
. . . . . كل ما تـخْـلص مع الناس كنك تغشها

يدك لا مدت وفا لا تحرى وش تجيب
. . . . . كان جاتك سالمه حب يدك و خشــها

كل ما شبيت نار المحبه مع حبيب
. . . . . قام يسحب في مشاهيبها و يرشـــها

كل ما واجهت لك في الزمن وجهٍ غريب
. . . . . مثل ما قال المثل دام تمشي مشـــها

\
\

فوق الجــروح اللي بقلبي من سنين

يكفي دخيل الله لاتجرحووني

مادامكم ماانتم لجرحي مداوين

انسوا وجودي بينكم واتركوني

وش من عذابي والعنا مستفيدين

وش مصلحتكم يوم تبكى عيوني

\
\

//
\\
*
في حضرتـك صيفـي وبـردي يهابـك
{ كل شي } بك ينطق وكلّـي يحيّيـك
برحل معك { صفحه يتيمـه } بكتابـك
ما آبي وطن > غيرك ولا غير > آراضيك

..,