كشته ضبان في سموم نجد ولا جو كايف في باريس

وعليكم السلام
مآشآء الله .. تبآرك َ الرحمنْ

وآنآ آقولْ وينْ أبوحمد َ غآيبْ عنْ المنتدى
فيّ هـ الحر تلاحقْ الـ ضبآنْ ---> خبريّ بك َ مآتحبهآ ومآتآكلهآ
بسَ مآلك َ حقْ مآتوديّ معك َ هـ اليتيمُ نسيمُ ---> يغير جوْ ويـ تشمسْ فيّ جو بآريسْ

حلآتْ الجح ْ بآردْ بس حركآتْ هـ المثلآجآتْ -->

وهذآ وشْ فيه منتفخْ بسمُ الله يروعْ

آحترآميّ

اقتباس: المشاركة الأصلية كتبت بواسطة أبـوحـمـد    كانت طلعه اليوم فريده من نوعها لاسيما بوجود اخي ابـوفـهـد بعد غياب طويل وطول انتظار.. كانت بالقرب من جراب وبعض الفياض هناك رغم حراره الشمس والسموم الحاره كان لنا بعض اللقطات الخفيفه لصيد الضبان هناك .. ***** اترككم مع الصور.. **** فيضه ام الذيابه كان لنا وقفه افطار بها وما شاء الله عليها لا زالت تحتفظ بسيلها الذي لا زال يحيط بها .. فرقنا بعد ذالك قبل ام الجماجم والتوجه نحوفيضه الرحبه وشعيب الارطاوي وكانت لنا بعض من هذي اللقطات.. *** هذا الضب اهداء الى ابو سالم 4444 بس كان يهوش وحاول اللحاق بنا بعد ماكنا نلحقه وتركناه في حاله خيرها بغيرها ما كتب لك يا ابو سالم.. غر ضب قريب جدا بحيث اننا نشوف طرف عكرته وتم صيده ... بعدهروبه .. ما احد حولك خلك على بابك... وش رايكم بها المسبط... احاول اشغله من قدام واخليه يركزنظره علي وابو فهد يحاول ان يمسكه.. هذا من يوم شافنا وهو حاط رجله .. لقطه سريعه قبل الهرب.. مكانس عند بيته وتم سحبه... توه مفطر وما تحدر فطووووره المسكين.. يا زين الماء والمشروبات في مثل هالاجواء تنسيك حراره الشمس .. وهذا قريب ماراح بعيد... اشرب عصير راني وطامر بالبراني.. ضب في المرعى... اصحاب اللقلوب الضعيف لا يشوووفون هالمشهد.. تراي حذرتكم.. 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 اعدام ضبين حاولا التنكروالهرب .. اذا جتك جحه وفي عز القياليه هذا الغرض... النجد يا راعين النجد وينكم!! والى اللقاء.. أبــوحــمــد،،

انا ماحب الضبان يابو حمد طعمها وع وريحتها قرف وش لك بهالخرابيط
والله انك منسم للغايه سعدت بمروري لصفحتك الي تستحق الحذف خخخخخخخخ

ماشاء الله والله ابداع اخوي ابو حمد
يعطيك العاافيه على التقرير الرائع

اقتباس: المشاركة الأصلية كتبت بواسطة مخاوي تمير    اشرب عصير راني وطامر بالبراني.. احلى عبارة يا امير وما شاء الله عليك تقرير فاق الوصف والخيال لشدة لهايبه الحارة وسمومه الحارقة سلمت لنا يا العزيز وتستاهل كل النجوم

هلابك يا مخاوي تميروترى العباره هذي عليها اسثمار
ودعايه للعصير--> ماجت من فراغ ..
شكراَ لك ولحضورك الجميل ..
تحياتي..

اقتباس: المشاركة الأصلية كتبت بواسطة نسيم    النجوم بس يامخاوي تمير والتقييم وين راح ؟او تدور المجاني . وبعدين انت ماتناظر الا اللي يحط في البطن (راني )تعال واعطيك كرتون راني ثلاث جواهر الاصلي. بعدين ترى التقييم ماهوب ذخيرة تخلص تراه يتجدد كل 24وعشرين ساعة ،لاتخلينا نتابع تقييمك وين يروح ومنهو له .انا وصديقي ماقد قيمتنا . يابخيل

صدق انك صديق وبس والصديق في وقت الضيق..
تراه قيمني يا نسيم هههههه

اقتباس: المشاركة الأصلية كتبت بواسطة الموادع    ماشاء الله تبارك الله تقرير اكثر من رائع شغل نظيف 100% الف شكر على الابداع والاخراج والطلعه الجميله دمت بخير

هلابك يا الموادع والتكتكه والشغل النظيف مطلوب
اينما كان ...
والف شكر لك وعلى حضورك الجميل...
تحياتي لك..

اقتباس: المشاركة الأصلية كتبت بواسطة ابو مشعل    مبدع يابوحمد ويازين العصير بهالحر وخاصه الجحه وتستاهل التقييم يامبدعنا

هلا ابو مشعل ودي اشوفك يوم من الايام في البروفي مثل هالحزه
مشكور على التقييم ومنور بوجودك...

تحياتي لك..

اقتباس: المشاركة الأصلية كتبت بواسطة نسيم    مالومك والله لو تروح ترقد . المشكلة ان الذخيرة عندي منتهيه راحت لكن الوعد بكره

عسى الله يكثرهن ان شاء الله وترى الي عندي منتهي من امس..

ماشاء الله تبارك الله..
مااقول الاالله يصبركم على هالشمس اللي ماتجيب الاوجع الراس..
والله يهنيكم بكشتتكم..
ويعطيك ربي العافيه..

اقتباس: المشاركة الأصلية كتبت بواسطة ~( مجنونك )~    جح مع ضبان ماتجي وش ذي المعده ماشاء الله تستقبل كل شي ..... ترا قلت ماشاء الله 10-10

مع العافيه يمكن تستقبلك يا مجنونك ..