نسائم نسيم

اقتباس: المشاركة الأصلية كتبت بواسطة النادر    رائع يانسيم هالقصص والقصائد قايل لك رااائع وان شاء الله للاعلى ولاتنظر للخلف ترى المهند وراك

تسلم والله يالنادر على حضورك وتشجيعك .

شالح بن هدلان فارس وشيخ ربعه الخنافر من قحطان.له اخ اسمه الفديع وكان شالح يحبه حب شديد لانه لايعصيه ولايغضبه دائما في طاعة وايضا فارس وشجاع يهابه الاعداء وكان اخوه شالح يعتمد عليه وكان شالح بن هدلان يقول ان اخي الفديع يخدمني مثل خدمة العبد، وكنت اتمنى انه قد زعلني حتى ما احزن عليه.وكان شالح لايهاب الغزو والحرب اذا ذكر اخوه الفديع حي وبجانبه
واستشهاد للكلام ابيات لشالح بن هدلان في اخيه الفديع

ليته عصاني مرةٍ قال ماطيع
،،،،،،،،،،،،،،،،،،، كود انيّ اصبر يوم تجري الجواري

انشهد انّه لي سريع المنافيع
،،،،،،،،،،،،،،،،،،،،،،،، عبدٍ مليكٍ لي ولاني بشاري
والقصيدة كاملة/
واخوي ياللي عقب فرقاه باضيع
،،،،،،،،،،،،،،،،،،،، كنيّ بما يجري على العمر داري

اخوي ياستر البنيّ المفاريع
،،،،،،،،،،،،،،،، ومطلق لسان اللي باهلها تماري

ماقطّ يومٍ شد بين الفراريع
،،،،،،،،،،،،،،،،،، ياكود مابين الكمى والمشاري

ليته عصاني مرةٍ قال ماطيع
،،،،،،،،،،،،،،،،، كود انيّ اصبر يوم تجري الجواري

انشهد انّه لي سريع المنافيع
،،،،،،،،،،،،،،،،،،،،،، عبدٍ مليكٍ لي ولاني بشاري

تشهد عليه مناتلات المصاريع
،،،،،،،،،،،،،،،،،،،،، ومطلق لسان اللي باهلها تماري

يمناه تنثر من دماهم قراطيع
،،،،،،،،،،،،،،،،،،،،، وعوق العديم اللي بدمّه يثاري

جداّع سفرين الوجيه المداريع
،،،،،،،،،،،،،،،،،،،،، خلي سروج الخيل منهم عواري

القلب ماينسى بعيد المناويع
،،،،،،،،،،،،،،،،،،،، ليثٍ على صيد المشاهير ضاري

بعد قليل سوف نكمل مقتل الفديع وحزن اخيه شالح بن هدلان عليه والثار له من الحمده من عتيبة .

كان شالح بن هدلان يردد قصيدته في اخيه الفديع وكأنه يعزي نفسه في اخيه الفديع قبل موته ويقول:

واخوي ياللي عقب فرقاه باضيع
،،،،،،،،،،،،،،،،،،،، كنيّ بما يجري على العمر داري

اخوي ياستر البنيّ المفاريع
،،،،،،،،،،،،،،،،،،،، ومطلق لسان اللي باهلها تماري

ووقع ماتوقعه شالح عن مستقبل اخيه الفديع والذي قتل في احدى معارك قحطان مع عتيبه ورثاه بالقصيده المشهوره وهي /

امس الضحى عديت روس الطويلات
،،،،،،،،،،،،،،،،،،،،،،،، وهيضت في راس الحجا ماطرالي

وجريت من خافي المعاليق ونّات
،،،،،،،،،،،،،،،،،،،،،،،،، والقلب من بين الصناديق جالي

واخوي ياللي يم قارة ( خفا ) فات
،،،،،،،،،،،،،،،،،،،،،،،من عاد من عقبه بيستر خمالي

ليته كفاني سوّ بقعا ولا مات
،،،،،،،،،،،،،،،،،،،،،،،،، وانا كفيته سوّ قبرٍ هيالي

وليته مع الحيين راع الجمالات
،،،،،،،،،،،،،،،،،،،،، وانا فدا له من غبون الليالي

واخوي يومن بعض الأخوان فلاّت
،،،،،،،،،،،،،،،،،،،،،،، من خلقته ماقال ذا لك وذالي

تبكيه هجنٍ تالي الليل عجلات
،،،،،،،،،،،،،،،،،،،، ترقب وعدها يوم غاب الهلالي

وتبكي على شوفه بنيٍ عفيفات
،،،،،،،،،،،،،،،،،،، ومن عقب فقده حرمّن الدلالي

عوق العديم ان جاء نهار المثارات
،،،،،،،،،،،،،،،، والخيل من حسّه يجيهن أجفالي

حزن شالح بن هدلان بعد مقتل اخية الفديع حزن شديد وعزم على اخذ ثار اخيه الفديع،بعدها تقابل الطرفين قحطان وعتيبه في احد المعارك وعمد احد فرسان الهدلان على عبيد بن تركي بن حميد شيخ عتيبه فقتله وبعدها كبرت مصيبة الحمده بعد مقتل عبيد بن حميد.فقال اخو عبيد ضيف الله بن تركي بن حميد هذه القصيدة/

ياونتي ونّة كسير الجباره
،،،،،،،،،،،،،،،، اليا وقف مااحتال واليا قعد ونّ

عليك ياشبّاب ضوّ المناره
،،،،،،،،،،،،،،،، عليك ترفات الصبايا ينوحن

من مات عقب عبيد قلنا وداره
،،،،،،،،،،،،،،،،،،،،، لاباكيٍ عقبه ولا قايلٍ من

تبكيه صفراّ البسوها الغياره
،،،،،،،،،،،،،،،،،،،، وتبكيه يوم انّ السبايا يعنن

وتبكيه وضحٍ ربعّت بالزباره
،،،،،،،،،،،،،،،،،،،،، اليا قزن من خايعٍ مايردّن

الخيل عقب عبيد مابه نماره
،،،،،،،،،،،،،،،،،، وشعاد لوّ راحن ووشعاد لوّ جنّ

ياشيخ ماتامر عليهم بغاره
،،،،،،،،،،،،،،،،، كود الجروح اللي على القلب يبرن

يقطع صبيٍ ماينادي بثاره
،،،،،،،،،،،،،،،،،،،،،، الى اقبلن ذولي وذوليك قفّن

ياهل الرمك كلٍ يعسف امهاره
،،،،،،،،،،،،،،،،،، والمنع مانطريه لاهم ولا حن

عندما سمع شالح بن هدلان بقصيدة ضيف الله بن تركي بن حميد على مقتل اخيه عبيد بن حميد .رد شالح عليه بقصيدة يقول جرب الحزن اللي حزنته على مقتل اخوي الفديع ،والقصيد يقول فيها شالح بن هدلان رد على تلك القصيدة/

ضيف الله اشرب ماشربنا مراره
،،،،،،،،،،،،،،،،، واصبر وكنّك شالحٍ يوم حزّن

راح الفديع اللي علينا خساره
،،،،،،،،،،،،،، واخذ قضاه عبيد حامي ثقلهن

يمنىّ رمت به ماتجيها الجباره
،،،،،،،،،،،، اللي رمت بعبيد في معتلجهن

من نسل ابوي وضاريٍ بالشطاره
،،،،،،،،،، يصيب رمحه يوم الأرماح يخطن

وعبيد خليّ طايحٍ بالمعاره
،،،،،،،،،،،، عليه عكفات المخالب يحومن

وعادتنا بالصيد ناخذ اخياره
،،،،،،،،،،،،،، ثلاة الجذعان غصبٍ بلا من

ياقاطع الحسنى ترى العلم شاره
،،،،،،،،،،،،،،،،،لابد دورات الليالي يدورن

حريبنا كنّه رقيد الخباره
،،،،،،،،،،،،،، خطرٍ عليه اليا توقّظ من الجن

ماني بقصّادٍ بليّا نماره
،،،،،،،،،،، اجدع نطيحي بالسهل وان تلاقن

من حل دار الناس حلوّ ادياره
،،،،،،،،،،،،،،،،،،،،، لابد ماتسكن دياره ويغبن

ومن شق ستر الناس شقوّ استاره

،،،،،،،،،،،،،،،،،،،، ومن ضحك بالثرمان يضحك بلا سن

وان كان ضيف الله يعسّف امهاره
،،،،،،،،،،،،،،،،،،، فمهارنا من عصر نوحٍ يطيعن

تدنا لصبيانٍ سواة النماره
،،،،،،،،،،،،،،،،،،،،،،، شهبٍ لماضين الفعايل يعنن

مالك بن الريب يرثي نفسه .

بعد ان انتهى من الغزو عائدا الى اهله في ارض الغضاء بنجد لسعته عقرب مختبية في نعله وبعدها احس بالموت وكان معه رفاقه اثنين فقال لهم اقيموا يوم او يومين لاني ميت واذا مت فقبروني واعطاهم التوجيهات في الدفن ووصاهم وصايا تتضح في القصيدة.ومالك بن الريب فارس وشجاع مغوار لايشق له غبار.
فقال هذه القصيدة يرثي نفسه ويصف شعور اهله اذا جائهم خبر موته .
رحمك الله يامالك بن الريب

متابع ومستمتع
الله يعافيك نسيم

اقتباس: المشاركة الأصلية كتبت بواسطة النادر    متابع ومستمتع الله يعافيك نسيم

مرحبا ومسهلا بالنادر .
المقطع اشتغل عندكم .

ابوحمد مايفيدك التخفي بالعين شفناك