من وحي الخيال 8

مبدع قليله بحقك
واصل وبدون فاصل
ونحن معك نتواصل
والله يقويك

تصدق أن المهند صادق
ياشين هالكتبه الحمراء
الله يوفقك ويسلمك تراك حمستني وياليت منيره تشوف؟

الجزء السابع :

في الجامعة ..

كانت الأستاذة هيام تلقي المحاضرة في القاعة وكانت منيرة من ضمن طالبات تلك القاعة .. وبعد إنتهاء المحاضرة طلبت الأستاذة هيام من منيرة أن تحضر إليها في مكتبها ..

جاءت منيرة إلى مكتب الأستاذة هيام ..

الأستاذة هيام : هاه يا منيرة بشريني وش صار معك ؟

منيرة متضايقه : والله يا أستاذة حالتي مو حاله ،، بديت أخاف من كل شي .. صرت ما أثق في ريم ولا خالتي ولا خالي ولا حتى نفسي ..

الأستاذة هيام : لا لا يا منيرة .. خليك قوويه مثل ما أنا عارفتك ،، وبقولك خبر يفرحك ..

منيرة وهي تدير عيناها الكفيفتان بشكل دائري : ما اظن فيه أخبار تفرح الحين يا أستاذة

الأستاذة هيام : طيب إسمعي .. اختي كلمتني عن حالتك وقالت إنك ممكن تستعيدين بصرك

منيرة بإستغرب : وشلووووون ؟

الأستاذة هيام : هي تقول أنه كان عندك أنفصال في شبكية العين و أن الصداع اللي فيك بسبب إن شبكية العين بدأت تلتحم و تلتئم لكن يحتاج لك عملية بسيييطة و ترجعين تشوفين

هزت منيرة رأسها بكل أسى وكأن الخبر لم يفرحها ..

الأستاذة هيام : ما أشوفك فرحانه يا منيرة ؟؟ ما ودك أنك ترجعين تشوفين ؟

منيرة بكل أسى وحزن : لو أن الخبر هذا جاا قبل ما أعرف اني مدمنة مخدرات بسبب بنت خالي ريم اللي أعتبرها أكثر من أخت يمكن أفرح .. لكن الحين ما عاد أبي افتح ولا أشووف شي .. خليني في ظلاام عيوني الرائع يا أستاذة هيام أحسن من نور واقعكم القاسي

بدأت الأستاذة هيام تشجع منيرة وترفع من معنوياتها : يمكن لما تشوفين نور واقعنا القاسي يا منيرة تقدرين تخلينه رائع مثل روعة ظلام عيونك الحلوه ماشاء الله عليك ...

تذكرت منيرة شيئاً وأخرجت من حقيبتها كيس و مدته إلى الأستاذة هيام وقالت : على فكره يا أستاذة هيام هذي هي الأدوية اللي صرفتها لي الدكتورة صديقة ريم ..

أخذت الأستاذة هيام كيس الأدوية من منيرة وأخرجت هاتفها وإتصلت على اختها الدكتورة سعاد ..

الأستاذة هيام : الوو .. صباح الخير سعاد ..

الدكتورة سعاد : هلا هيوومه صباح الخير ..

الأستاذة هيام : بالنسبة لموضوع منيرة .. منيرة جابت لي علبة الأدوية اللي صرفتها لها الدكتورة صديقة بنت خالها ..

أخذت الأستاذة هيام تقرأ على الدكتورة سعاد أسماء الأدوية المكتوبة بالإنجليزي على علبها و توصف شكل كل دواء في كل علبة ..

الدكتورة سعاد : غريبه .. أسماء الأدوية اللي ذكرتيها مو نفس شكل الأدوية اللي وصفتيها

الأستاذة هيام : وشلون ؟؟

الدكتورة سعاد : يعني وصف الحبوب والأدوية اللي في العلب اللي معك مو هي اسم الادوية اللي تقرين أسمها على العلب .. عموماً تقدرين تجيبين هالأدوية المستشفى الحين اشوفها و نعرف وش هي بالضبط ؟

الأستاذة هيام : أوكي بس أخلص محاضرتي الجايه وأجي لك المستشفى وأعطيك الأدوية ..

اقفلت الأستاذة هيام المكالمة من أختها الدكتورة سعاد و عادت لتتحدث مع منيرة ..

الأستاذة هيام : خلي هالأدوية عندي يا منيرة و انتي روحي احضري باقي محاضراتك ولما أخلص محاضرتي أودي الأدوية لأختي سعاد بالمستشفى ..

منيرة تتسائل : تتوقعين يا أستاذه هيام بعد ما طلعنا من مستشفى صديقتها الدكتوره قامت ريم و شالت الأدوية من العلب وحطت بدالها مخدرات ؟؟؟

الأستاذة هيام : ما نبغا نستعجل في الحكم يا منيرة .. هالكلام بنعرفه بعد ما أودي الأدوية لأختي سعاد بالمستشفى ..

إستأذنت منيرة من الأستاذة هيام وخرجت لحضور محاضراتها ..

في المستشفى :

الدكتورة سعاد تتفحص العلب والأدوية التي تحتويها كل علبة و الأستاذة هيام معها في المكتب ..

الدكتورة سعاد : ما أظن أن منيرة راحت لدكتورة

الأستاذة هيام مستغربة : وشلووون ؟؟

الدكتورة سعاد : لو كانت منيرة رايحة لدكتورة فعلاً ما كانت الدكتورة هذي صرفت لها أدوية لأمراض منيرة ما تعاني منها أصلاً ..

الأستاذة هيام تستحث سعاد لأفهامها اكثر : معليش يا سعاد أنا توني طالعه من الجامعة ومحاضرات ومتنحه ،، اشرحي لي بشكل مبسط أكثر ..

الدكتورة سعاد : الأدوية اللي في يدي الحين تؤدي إلى الإدمان فعلاً وتصنف طبياً تحت بند الأدوية المحظورة والتي لا يتم صرفها إلا بوصفة طبية مشددة ،، و بحسب ما فهمته منك عن ريم بنت خال منيرة ففي بالي إحتمالين ..

الأستاذة هيام : وش هي ؟

الدكتورة سعاد : الإحتمال الأول .. إن الدكتورة صارفه لها أدوية خاصة بالصداع فعلاً و لكن فيه شخص ثاني إستبدل الأدوية الصحيحة بالأدوية المحظورة والمخدرة الموجوده في العلب الآن ..

هزت الأستاذة هيام رأسها وقالت : والأستنتاج الثاني ؟

الدكتورة هيام : الإستنتاج الثاني .. ريم و منيرة ما راحو لدكتورة أصلاً ،، و أعتقد أن ريم إستغلت عمى منيرة و إحتالت عليها و ودتها لمكان على أنه مستشفى وخلتها تقابل وحده على إنها دكتوره .. و هالدكتورة المزيفة أعطتها هالحبوب المخدرة على أنها أدوية وأكيد بطلب من ريم ...

إحتارت الأستاذة هيام ،، فكلا الإحتمالين واردين ولا يستغرب أن يصدر من إنسانة ساقطة و وضيعة كـ ( ريم ) التي إستغلت ثقة بنت عمتها و أعاقتها وجعلتها تقع في مستنقع المخدرات والإدمان ..

الأستاذة هيام بحزن على وضع منيرة : طيب وش بتستفييد ريم من هاللي تسووويه في بنت عمتها المسكينة ؟

الدكتورة سعاد : إجابة السؤال هذا ما راح أحد يقدر يجاوب عليه إلا ريم نفسها ..

وإزداد خوف الإستاذة هيام على طالبتها النجيبة منيرة ،، فقررت الأستاذة هيام أن توقف هذه الجريمة بحق منيرة بأي وسيلة كانت حتى وإن تطلب الأمر تدخل السلطات الأمنية في ذلك ...

للقصة بقية ...

إيه تكفى دخل السلطات الأمنية وخل المشكلة تنحل ..

الجزء الثامن :

في الجامعة ..
إنقطعت منيرة عن الجامعة بشكل مفاجيء ..
و لاحظت الأستاذة هيام بأن منيرة لم تعد تحضر محاضراتها .. وأنقطعت تماماً عن الجامعة ..
فسألت عنها الطالبات فقالت إحدى الطالبات : والله ما ندري عنها يا أستاذة لكن بنت خالها ريم تقول إن منيرة حذفت الترم و رجعت لديرتها ..

صدمت الأستاذة هيام من هذا القرار وهذه الخطوة من منيرة ..

ولم تثق الأستاذة هيام من الكلام الذي قالته ريم للطالبات ،، فحاولت الأستاذة هيام الإتصال بمنيرة على جوالها إلا أن جوالها كان طيلة الوقت مقفل .. إلى أن بدأت الإجازة الصيفية ...

في القرية ..

كانت أم منيرة تلاحظ على منيرة كثرة خمولها وكثرة ألمها وصداعها ..
الأم تبكي بجانب منيرة وهي على السرير : الله يشفيك يا بنتي ،، عين ما صلت على النبي
كانت منيرة في عالم آخر لا أحد يعرفه غيرها ...

دخل عليهم أبو منيرة وقال : اطلعي يا أم منيرة ،، جبت الشيخ أبو علي يقرا عليها ..

خرجت أم منيرة من الغرفة بعد أن غطت وجه منيرة بغطوتها ..

دخل الشيخ .. وبدأ يقرأ على منيرة وينفث .. وبعد أن أنتهي الشيخ من القراءة خرج .. ودخلت ام منيرة عليها وقالت : فيه وحده عند الباب تبي تزورك يا منيرة ؟؟
منيرة مستغربه : من هي ؟؟
الأم : والله مدري يا بنتي بس تقول إنها معك في الجامعة ..
استغربت منيرة من هذه الصديقة التي تكلفت عناء السفر والمجيء إليها في قريتها لزيارتها ..

دخلت عليها تلك الزائرة .. وما أن سلمت تلك الزائرة المجهولة وسمعت منيرة صوتها حتى صرخت وهي تبكي من شدة فرحها : إستاااااااااااااااذة هياااااااااااااااااااااااام
اقتربت الأستاذة هيام من منيرة وأحتضنتها كما تحتضن الأم الحنونه إبنتها وقالت : إييه يا منيرة استاذة هيام اللي انحشتي وحذفتي الترم بدون ما تقولين لها وانا آخر من يعلم ..
أم منيرة تبكي ودمعها يسيل على خديها : الله يجزاك خير يا أبلا .. والله اول مرره اشوف منيرة تضحك من يوم جتنا ..
خرجت أم منيرة لإحضار كوب شاي للأستاذة هيام وتقديم واجب الضيافة لصديقة إبنتها و أستاذتها ..
أخذت الأستاذة هيام تلوم منيرة وتعاتبها : ليش يا منيرة إستسلمتي وأنا عارفتك يا منيرة انتي مو النوع اللي يهرب من مواجهة المشاكل ..
إبتسمت منيرة وقالت : تدرين يا أستاذه هيام إنك حلووه !!
إستغربت الأستاذة هيام من كلام منيرة ..
و إستطردت منيرة كلامها : من أول ما عرفتك يا أستاذة وانا حااسه بأنك مو مجرد أستاذة بالجامعه ،، بالعكس كنت أعتبرك صديقتي وأمي وأختي .. وكنت دايماً أتمنى أشوفك وأعرف ملامح هالأم الحنونة
إزدادت غرابة الأستاذة هيام من كلام منيرة وقالت : وش قصدك يا منيرة ؟؟
إبتسمت منيرة وأخذت تنظر إلى الإستاذة هيام بعينيها الرائعتين وقالت : أول ما دخلتي وشفتك ما عرفتك لكن لما سمعت صوتك عرفتك لأن الله رد لي بصري وصرت أشوف يا أستاذه هيااام ولله الحمد ..

أخذت الأستاذة هيام تنظر إلى عيني منيرة و من فرط فرح الأستاذة هيام بهذا الخبر خنقتها العبرة و إمتلأت عينيها بدموع الفرح و وقالت بصوت يقطعه البكاء : الله يبشررك بالخييييييييييييييير

دخلت أم منيرة و هي تحمل كأس الشاي .. و الأستاذة هيااام تحتضن منيرة وهي تبكي .
وما أن دخلت أمها حتى همست منيرة في اذن الأستاذة هيام : بس ترا ما أحد يدري يا أستااذه .. حتى أهلي و أمي ..

صمتت الأستاذة هياام مستغربة مما همسته منيرة لها .. وغرقت في حيرة وتساؤل وأخذت كوب الشاي من أم منيرة بلا وعي منها ...

بعد أن أخذت الأستاذة هيام من ام منيرة كوب الشاي حتى إستأذنت أم منيرة منهما وقالت : أنا رايحه اشوف ابوك يا منيره وش يبي واجلسي مع الأبلا براحتكم ..

وما أن خرجت أم منيرة من الغرفة حتى وضعت الأستاذة هياام كوب الشاي على الطاولة بسرعه ونظرت إلى منيرة وقالت لها وهي تلومها وتعاتبها: تعااااااالي انتي .. أنحشتي وحذفتي الترم قلت مو مشكله .. لكن تسوين العملية وتشوفين بدون ما تقولين لي ما توقعتها منك ..
اخذت منيرة تنظر إلى أستاذتها وهي تبتسم وقالت : ما سويت عمليه يا أستاذة هيام ..
الأستاذه هياام محتارة : يوووه يا منيرة شكل سالفتك سااالفه أنتي .. يالله الحين قولي لي قصتك كلها وش صاار معك من يوم حذفتي الترم إلى الحييين وليش ما تبغين احد يدري أنك تشوفين ؟؟؟؟

تابعو الجزء الأخير فللقصة بقية

أخي دائرة مستقيمه
أنت بارع بارع بارع
فأشكرك من صميم قلبي على طريقت سردك
ويالله بنشوف وش بعد هالخط الأحمر....

والله اللي ذبيت في بطني حصاة .. وعيوني فيها النوم ..
الوعد الفجر إن شاء الله .. يالدائرة المستقيمة ..

اعجز عن قولة مبدع وفنان في سرد القصص
والله دمعت عيني لما قالت منيرة انها تشوف (ياأخوي منتب بسيط)
بإنتضارك غدا على احر من الجمر
نبي ندري وش شافت وخلاها تهرب من بيت خالها

أبدعت في سرد أحدآث القصه
وربي دمعت عيني من الفرحه ماتوقعت أنها بتشوف
ياليتك تكمل نهاية القصه الحين الليل طويل والحين س 2وربع
والله ماعندي صبر لين بكره ...