من المطعم الهندي للأيطالي

ماشاء الله عليك ما خليت شي ياالموادع الا وجيته >> بس وين الي بيعزمنا

نرى مغير انا ونسيم الحالنا بس نبي هالمره بوفيه مفتوووح

وترانا نحب النوعيات هذي من المطاعم..

والغريب ان طير شلوى ما شفناه معكم هالمره>> مصرفينه والا ايه..

تسلم يالموادع وننتظر البوفيه المفتوح قريبا ..

اقتباس: بمر على كل المطاعم كانك زعله خخ

لا وش دعوة زعله ... بس من هالمطعم سن خاطركَ ضاق وتكدرتَ
وقلت غآلي ومدري وشو ---->

اقتباس: هابلك ابو نظاره بالعنيه ماجبته عشان نسلم من تعليقك خخ

استر ع ماوجهت َ >>

اقتباس: المشروب هاذى خطييييييير بس ربي ستر

قايلته لك َ خطيير --> ماشفت نفسك دفعت 225

اقتباس: الشي بالمعقول أجل هالوجبه البسيطه 225ريال والله حرام

وش حرآم .. مكان نظيف .. مشوي .. رز .. سلطة .. بربسة مدري وشي
مشروب خطيير ..جو رومنسي .. وكرسي بغيت تنام علية
ومكرونة تعطيك جو وحتى خويك بغى يكسر الطاولة بيلمسهآ ---> سني آشوفة
اقول تراكَ تفشل <--- تقولينهآ صادزة
اسذب وقول يارخص هالمطعم .. وودي اعزمك يالمهند ومخاوي والمتحد فية بس حددوا الوقت .. ترا الكلام ببلاش
مو مثل هالغرشة بقروش --->
الله يصلحك َ بس ..

وكرسي بغيت تنام علية

هههههههههههههههههههههههههههههههههههههه "

قايل لك يا ابو عبدالملك ترى الربع في المنتدى قشران ومينتتحاسون بس ماتصدق
وقايل لك تراهم مايصدقون خبر يجي تقرير يعلقون عليه ...

كان الله في عونك ...

اقتباس: المشاركة الأصلية كتبت بواسطة طير شلوى    وكرسي بغيت تنام علية هههههههههههههههههههههههههههههههههههههه " قايل لك يا ابو عبدالملك ترى الربع في المنتدى قشران ومينتتحاسون بس ماتصدق وقايل لك تراهم مايصدقون خبر يجي تقرير يعلقون عليه ... كان الله في عونك ...

بعذرك مارحت معهم وانا اول ما فتحت الموضوع قاعد اتشوف لك
اتاريك خايف من التعليق يا طير شلوى..

اقتباس: المشاركة الأصلية كتبت بواسطة أبـوحـمـد    بعذرك مارحت معهم وانا اول ما فتحت الموضوع قاعد اتشوف لك اتاريك خايف من التعليق يا طير شلوى..

من خاف سلم يابو حمد

وهذا الحن سلمنا يالله لك الحمد

الموادع،الظاهر لو انك عزوبي من اول رمضان كان ماتصوم ولايوم.وش جاك على هالمطاعم ؟
اكيد انك تعرف مراقب صحي في بلدية الرياض وتاكلون بلاش لان المراقب الصحي كنه وزير عند اهل المطاعم.
تسلم والله على التقرير الجميل اللي يوسع الصدر

الموادع ،شف روحه بدون طير شلوى ماتصلح .والا انا غلطان يابوحمد .

اقتباس: المشاركة الأصلية كتبت بواسطة نسيم    الموادع ،شف روحه بدون طير شلوى ماتصلح .والا انا غلطان يابوحمد .

اكيد يا نسيم وطير شلوى علم على راسه ناراً وشكلهم مصرفينه..

كَأَنَّهُ عَلَمٌ في رَأسِهِ نارُ

جَلدٌ جَميلُ المُحَيّا كامِلٌ وَرِعٌ


ابو عبدالملك مايقصر وخيرة سابق

اقتباس: المشاركة الأصلية كتبت بواسطة أبـوحـمـد    اكيد يا نسيم وطير شلوى علم على راسه ناراً وشكلهم مصرفينه..

انا داري وراهم مصرفين طير شلوى.
الموادع وابوسليمان متزوجين مسيار لان حالتهم صعبه فيه اربعين يوم ويبون يقطعونه لين الله يفرجها وهذا السبب .