يوم في حياة عضو

السلام عليكم
يسعد لي مساكم
اسفه لاني تأخرت عليكم
في البدايه اشكر احلام ورديه على دعوتها لي وعلى موضوعها المميز
واتمنى ما اكون ممله بسرد يوم من ايام حياتي
في يوم من الأيام كنا رايحين للثمامه نتمشى
كان الوقت تقريبآ قبل المغرب ويوم وصلنا ولا الناس ماشاء الله ماخلت مكان ماقعدت فيه
ونشوف قدامنا هذيك الحرمه الي تسوق الدباب وكانت تسرع وعلى طول تشقلبت وطاحت منه
ويتجمعون الناس عليها وبناتها وعيالها يصيحون عندها وشكلها كانت كبيره شوي وكان مغمى عليه وتنزف
ويتصلون الناس بالأسعاف يبلغونهم وطبعآ حنا رحنا قبل ماتجي
وبصراحه احس اني ما استانست هذاك اليوم لأن منظر الحرمه قدام عيوني مانسيته
احس اني تأثرت يوم شفتها لأني اول مره اشوف قدامي مثل هالمنظر
وبصراحه كرهت الدبابات وقلت لزوجي خلاص ودي نرجع للبيت مانبي نركب العيال الدباب
لكنهم رفضو وقالو لي حنا جايين الثمامه عشان نلعب ونوسع صدورنا ونسواللي شافوه مشكلتهم اطفال ومايعرفون مصلحة انفسهم
وقالو لي الحرمه ماتعرف تسوق وانا اقولهم كم من من فرحه انقلبت لحزن
آآآآآه ياليتهم يفهمون مخاطر الدباب وكم واحد بسببه مات اوصارت له اعاقه
الله يكفينا شر الحوادث
ويحفظ عيالنا وعيالكم
اتمنى اني كنت ضيفه خفيفه عليكم
تحياااااتي لكم

تسلمين اختي قوت
وفعلا الدبابات مخاطرها كثيره
وانا بصراحه ما اايد إن الحرمه تركب الدبابات
مشكوره قوت القلوب اسعدتينا بيومك وعقبال الرحلات الجايه تكون احلى واحلى
ومثل غيرك نسيتي تختارين عضو بعدك
اختار العضو الموادع

يوم رائع قوت القلوب

وذكرتيني بموقف صار لي قبل فترة
مرة ركبت دباب في مخيمنا في الثمامه كان مسكر
وطحت وطاح الدباب فوقي هههههههه
انا كنت افحط على بالي قدام بنات خالتي

وحلفت امي ماأركبه مرة ثانيه :134:

بس والله احساس رهيب وانت تسوقينه

تسلمون على هالموضوع الشيق

احترامي للجميع

اقتباس: المشاركة الأصلية كتبت بواسطة احلام وردية    تسلمين اختي قوت وفعلا الدبابات مخاطرها كثيره وانا بصراحه ما اايد إن الحرمه تركب الدبابات مشكوره قوت القلوب اسعدتينا بيومك وعقبال الرحلات الجايه تكون احلى واحلى ومثل غيرك نسيتي تختارين عضو بعدك اختار العضو الموادع

الله يسلمك يالغلا
واكيد الدبابات لها مخاطر كثيره
الله يعينا في هالوقت تكثر الرحلات البريه
معليش كنت ناويه اختار فديت تمير ونسيت
في انتظار الموادع

اقتباس: المشاركة الأصلية كتبت بواسطة لميس    يوم رائع قوت القلوب وذكرتيني بموقف صار لي قبل فترة مرة ركبت دباب في مخيمنا في الثمامه كان مسكر وطحت وطاح الدباب فوقي هههههههه انا كنت افحط على بالي قدام بنات خالتي وحلفت امي ماأركبه مرة ثانيه :134: بس والله احساس رهيب وانت تسوقينه تسلمون على هالموضوع الشيق احترامي للجميع

الرااااائع هوحضورك يالغلا
وسلامتك ماتشوفين شر
ثاني مره انتبهي ولاتسوين نفسك فاهمه عند بنات خالتك
ماتنلام امك من خوفها عليك حلفت انك ماتركبينه
وانتي شكلك ماتبتي لو يحصلك مره ثانيه ركبتيه
بانتظار دورك يالغلا

يوم يضيق الخلق يا قوت القلوب
والدباب على كثر اخطاره الا انه يمهد
لك اشياء كثيره << اسئلي مجرب
بصراحه كسرة خاطري هالحرمه

شكر وتقدير للأخت أحلام ورديه على الدعوه
وبصرآآحه مفاجاه مااستعديت لها لكن بتكلم عن يومي هاذى من أصبحت حتى فتحت الجهاز وحصلت الدعوه ..

بسم الله الرحمن الرحيم
بدآيه :
صليت الفجر ومن ثم أكملت النوووووم حتى الساعه 9,30ص ومن ثم ذهبت للأسترآحه أشيك على العمآآآل ورجعت للبيت وقبل مريت على الخباز وجبت معي خبز حآآآر ورحت للبيت واحصل القهوره جاهزه ومطاق مع البزران وملوكي يقول بابا صلح السيكل واقوله بكره ويزعل علي يقول كل يوم بكره واخته الثانيه بابا ودنا للمزرعه واقول لها ياالله صباح خير اعقلوا وشوي يجي الفطووور فول ونواااشف وحليب كايف وماصدقت اخلص من الفطور وانحاش من صجة المبزره وعلى طول دقيت على واحد من الشباب وخليته يمرني اروح اجيب بلاط على سيارته للاستراحه ناقصني وحنا نحمل البلاط جانا رش خفيف بس برد علينا ياسلام وادخل الاستراحه والعمال جالسين يركبون البيبان واشرفت عليهم شوي ونزلت البلاط وجلست اطقطق شوي الا الظهر مذن وصليت الظهر وارجع للأستراحه انظفه لان كل سبت دوريه فيها نتعشى ونظفت الاستراحه وجهزت المكان ورحت للبيت وجلست شوي ولعبت البزوره حتى أذآن العصر طبعاً ماتغديت أتجوع للعشى خخخخ المهم صليت العصر واتصلت على عمتي وقلت لها تتقهوين معي بالاستراحه قالت مايخالف عجيز الله يرحم بحالها وكلمت ام العيال تزهب الشاي وتصلح شي يوكل مع الشاي واطمر وامر محل الشكولاته واخذ من عنده مشكل فطاير للشاي وامر عمتي ثم عيالي ونروح للاستراحه ووسعنا الصدر فيها وتقهوينا ولعبت الصغار حتى أذآن المغرب ثم وديت العيال والعمه للبيت وبعد الصلاة عوده للأستراحه وجاء الشباب واحد تلو الاخر كلنا 6 ستة أنفار القهوه كل سبت على واحد هي والعشاء شبيت النار وتقهوينا وسوالف وطرف وتعليقات حتى أذآن العشاء وبعد الصلاة سوالف عن السيول الي بجده وش الي صار وماصار وهاذى معه مقطع فيديو للحدث وهاذى معه مقطع آخر وسوالف عن البيوت والبنايات ولو جانا السيل يقلون عز الله الي بروح فيها وانت استراحك مكانه عالي مو جايه السيل وسوالف حتى اتصل راعي المطعم يقول العشاء زاهب تعالوا خذوه وطمر الي عليه العشاء وجابه وتعشينا عشىً طيب مع مشروب البيره وبعد العشاء نقول وين نودي باقي العشاء حسافه يكب كثير مافيه عمال والي يقول العمال فسقو ماعاد ياكلون انشره للطيور وانا اقول عطوه اي واحد محتاج لان العشاء مره كثير ماوكل وبالاخير تتطوع واحد وخذه للعمال البريد وجلسه على النار مع بيالة شاي ويطمر واحد للسياره ويجيب كتاب عنوانه الشؤم للشيخ السدحان وصححه الشيخ ابن جبرين رحمه الله ويتكلم ان الشؤم يلحق بالابن السابع وعن اللعنه وان اللعنه اذا لم تصب الشخص ترجع للآعن والشرح هناء يطول حتى ختمت الجلسه وكل واحد راح للبيته وطفيت النار والانوار ورحت اجيب عيالي من عمتي وصلت البيت وعلى طول النت ورساله من احلام دعوه لحياة عضو .
وهناء النهايه
وارشح الي كانت قوت تبي ترشحه فديت تمير

اقتباس: المشاركة الأصلية كتبت بواسطة قوت القلوب    الله يسلمك يالغلا واكيد الدبابات لها مخاطر كثيره الله يعينا في هالوقت تكثر الرحلات البريه معليش كنت ناويه اختار فديت تمير ونسيت في انتظار الموادع

والسلام هو خير ختام

ماشاء الله تفصيل كامل اخوي الموادع عن يومك هذا ...

الا ماعطيتنا سالفه يومك امس بعد "
سالفتك ماتنمل

ودنا كل يوم تجي هنا وتقول لنا وش صار لك في يومك هذا وش رايك ؟

..
.

دمتم سالمين

اقتباس: المشاركة الأصلية كتبت بواسطة طير شلوى    ماشاء الله تفصيل كامل اخوي الموادع عن يومك هذا ... تسلم يالغالي على المرور الا ماعطيتنا سالفه يومك امس بعد " سالفتك ماتنمل هاذى من ذوقك وابشر تعال انت بس واسولف عليك حق سنه كامله خخخ ودنا كل يوم تجي هنا وتقول لنا وش صار لك في يومك هذا وش رايك ؟ اختاروني كل يوم وابشر ههههه .. . دمتم سالمين

منور يومي يالغالي

يعطينا من الرخيص الله يهديه الموادع ابي سالفة الطلعة تذكره انا وانت في ..............
وكانت طلعة حللللللللللللللللللللوه مرررررررررررررره وانا انبسطت تذكر تراه من زمان يا حبيبي قبل تقريبا عشر سنوات صحيح انها بعيدة لكن تذكرة زين بالمرة وانت انبسطت منها