تم القا هذ القصيده يوم الثلاثاء الموافق 28/12/1425هـ وذلك فى مخيم الحسـين

تم القا هذ القصيده يوم الثلاثاء الموافق 28/12/1425هـ وذلك فى مخيم الحسـين
لتكريم اهالي تمير والدوائر الحكوميه بتمـير للشـاعـر / عــزام الخـريـف

بـــديــنـــا بــــاســـم خــــالقــــنــــا ونــذكــر ربـــنــا المــــــعبود = ليا ضاقت على خلقه جميع الناس ينصونه
كريم الوجه نطلب منه غفرانه وحنا سجود =ألايا لله ماغـيرك إلهاَ نطلبه عــــونه
بعد هـذا يزين الشعروفى نظم البيوت نزود = بيوتاَ فى معانيها تشابه در مـكنونه
نظمناها علشان الرجا ل اهل الكرم وا لجود = علشان التمارى جت بيوت الشعرموزونه
ألايا مرحبا ترحيبة ما لحقها مـنقود =سلام الله على اللي بيتهم بالعز يبـنونه
ألايامرحباوإعداد ما هبت هبوب الـنود = جزاالله الحسين بخير وفعلاَََ بان مضمونه
هم اللي أجمعونا اليوم ولايجحدلهم مجـهود =هل الفزعه هل النخوه وفعل الطيب يبدونه
جمعنا الله بأهل تميرفى حفلا لهم مقصــود =علشا ن ا لتواصل بيننا ماتنثني أ ركــــونه
عليكم ياالتمارى عين حاسد كم د خلها عود =وكم حاسد وكم حاقد نذر تراب في عيونه
تمارى فعلهم يذكر وكل فعلا عليه شـــهود =وتشهد غرقة الشوكي على فعلا يســـــوونه
ويشهد من فقد بنته وصيح في ا ليالي السود = وقاموا له نشاما تمير وجابوا شوق مضنونه
تميروبالكرم عرفت من أيام الفقر موجـــود = يقوم ويذبح لضيفه ولاقد شح ماعونه
وهذا سلمنا نمشيه من أصغرنا ألين العـــود = وبيتا للكرم مفتوح بابه ما يصـكونه
نعيش بفضل خالقنا ثم بفضل أ ل ســــــعود =حماة الدين يوم الدين جانا اللي يحوقـــونه
تراها فتنه قامت عسى الفتنه ماعادتــــــعود = يقومها العميل اللي سيوره دوم مدهـــــــونه
ينابح في قناته خاسقا وفاسقا نــــــــــــــمرود = تربي فى ديار اللي على الفتنه يربـــــــونه
تحامى باليهود مقابل ا للي شعرها مكــــــدود = وقام يسب فى اهل الدين يحسب الدين ياهونه
نسى دا راَ ربافيهاَ تناساها قليل الفــــــــــــود = تناساها عقب ما عزته وكبرت متــــــــونه
وقامت زمرة الارهاب وصارت تحشد لها حشود = يحسبون الدعاوى سايبه ماهيب مامــــــونه
أجل فى مكه ا لخا سى نوى يفجربها البــــارود = هذا والله مايدرى عن الاسلام وشلـــــــونه
ترانا في السعوديه ماحنا فى ديار يهـــــــــــود= ترانا تحت شرع الله وفي حكمه وقانـــــونه
هذولاوالله مقرد وقايدهم بعد مـــــــــــــــقرود=هذ ولاوالله العالم أوا د م بس مسكـــــــــونه
يروح وينتحر من دون راى وكنه المقـــيود= وله عزوه ليامن راح ماوالله يبكــــــــــــونه
ألاياناس وش هاالميته اللي مابغاها الــــــدود =ألأيالله تعافينا من اللي جنت جنـــــــــــــونه
وختم الشعر صلو اعد ماجاء فالسحاب رعود =على محمد نبي الله عدد فرضاَ تصلــــونه

صح لسان قايلها

ومشكور على نقلك لهذه القصيدة

كلك ذوق اخوي الجرييييييييييييح


سلام

قصيدة جميلة
لشاعر متميز نحبه جميعا
وفي مناسبة غاليه
تستحق التثبيت

صح لسان قايلها

ومشكور على نقلك لهذه القصيدة

كلك ذوق اخوي الجرييييييييييييح

صح لسان قايلها

ومشكور على نقلك لهذه القصيدة

ارجو من الحت عهود مشرفة ساحة الشعر تثبيت هذ القصيده لنها تخص اهالي تمير وتبين فهم الرجاله والكرم

للــــــــــه درك وصح اللساااان قايلها مليون

واهل تمير كفوا للعلوم الغانمه كلها ويساهلون كل علم غانم

تقديري واحترامي
مهناالعتيبي
الموج

للــــــــــه درك وصح اللساااان قايلها مليون

واهل تمير كفوا للعلوم الغانمه كلها ويستاهلون كل علم غانم

الشاعر عزام شاعر غني عن التعريف واثناء الحفل كنت متواجد معهم وقد حصل لي شرف المشاركة معهم وقد اهديتهم هذه الابيات أمل ان تحوز على رضاكم


سر يا قـلم واكـتب من الـشعـر أبيات &&& أبــيــات فـــيها مــن قصيد يسلي
واكـتـب على صفحات بـيض مطوات &&& مــطــويه فــــيها الشعـر ما يملي
قــصـايـد تـقــرا عــلى كــل حـــزات &&& محـفــوظة في دفــتري وبسـجلي
فـيـهـا مـن آبــيات شــعــر مـنـقــات &&& مكـتـوبـة مــن نـفـح وردي وفــلي
ومـوجـهة عــبـر الفـلـك والـمدارات &&& بـيـن الغــيـوم وبـين مزن مـتعلي
مـضمونها لـربعي و للبناخي تحيات &&& تحــية اعــداد الــمـطر يــوم هلي
وناس لـهـم بالـقـلـب قــدر ومعـزات &&& وافـعـالهـم تـذكـر عـلـى كـل حلي
من جيت آنا لتـمير شـفت المسرات &&& وشفـت الكرم من بـين ربع تهـلي
الطـيـب بأهــل تمـير ما فــيه شكات &&& وهم أساس الطيب من وقـت زلي
والـضـيف لا جاهم تعالته الاصـوات &&& كـلن يقـول الضـيف يدخــل محلي
مقـدارهم للـضــيف في كـل الأوقـات &&& ولا قــد خــبر مـن قال خـله يولي
أصـل الشجـاعـة والـكـرم والمروات &&& وقـت الـشـدايـد دخـيـلـهم يستظلي
مـتـوارثين الـطـيـب راعـيـن فـزعات &&& صغـيـرهـم لا اقـبل يـرحب ويهلي
وان جـاهـم الغـازي يـشوف المنيات &&& ويـشـوف قـدامه سـيـوف تــسـلي
يـا لا بــتي يا تمـــيـر من فـايـت فـات &&& وقـت مـضى ورصاصـهم مسـتقلي
وان جـيـتـهم عـاني لقــيت الوجاهات &&& ونار الغـضـى بـوجارهم تـــشتعلي
وان قــلت آنـا لي حـاجه بـين حـاجات &&& قالوا لي ابشر والعـشاء جاهـز لي
ومــدوا صـوانـيهم من جـميع الملذات &&& وفـيها من القـعـدان عــشـر تـشلي
وكان الهــدف من جـيـتي لا انتـخابات &&& وملـبي دعــوة عــزيـز داعــى لـي
وسجلت آنا صـوتي من بين الأصوات &&& وقصدي به الترشيح يومه حصل لي
وقـضـيت ملـزومي وقـلـت الــسلامات &&& وسريت في ليل وانا ادعي واصلي
واقـــول يـا الله يــا عـالــم بالخـفــيات &&& تكــفيــهم شـــرور الحـسد والـتبلي
ما قــلـت قـــولا فــيه شــك وريـبـات &&& ولا نـيب اجـامـل قـاصــدا حـاجة لي
حــبـيـت آبــين بالـقـصـيدة والآبــيات &&& واذكــر خـــصـال مــدونه في سـجلي
تمــت وصـلى الله عـلى خير الاموات &&& عــلــى نـــبـي فــي سمــاه مــتـعـــلي




شـــعـــــر / عادل عبدالعزيز الحسين

بسم الشاعر عزام مشكور يشاعر عادل الحسين
ولكم تحياتي وشكرا