وان اعذب الحب اصدقه وان اعذب الشعر اكذبه

إبداع من إبداعات الشاعر الكبير ضيدان بن قضعان

بانت نجوم الصبح واللي في عيوني من عصـر
ماهـوب دمـع لا تضايقـت آتنهـت واسكبـه

لا والله الا حلم شيخ عن طموحـه مـا قصـر
لو قصرت سود الليالـي مـن يمينـه وشنبـه

وانا لـو انـي ماتعلمـت الهزيمـه والنصـر
ماكـان ذقـت فـي الهـوى مـره واعـذبـه

شاعر وعصري فاتني واعيش في أغرب عصر
لا الوقت وقتي والزمن مابينـي وبينـه شبـه

لكن هنوف مثلـت دور العزيـزه فـي مصـر
قدت قميصي واسرفت في وصلها قبـل انتبـه

يوم انتبهت استشهدت ضدي بحـراس وقصـر
قلت ارحمي عزيـز قـوم ذل وارخـى منكبـه

ماني نبي الله اقاوم حسن خصـرك لا انصهـر
أنا بشر..عبـد ضعيـف وكـل بـرق يجذبـه

قالت وهي تـوي تثنـى كـن مافيهـا خصـر
الشعر يا ضيـدان ورث جـدود ولا موهبـه؟!

قلت الشعر سحر يسخر لي القلـوب ويختصـر
عمر المسافـات الطويلـه والسنيـن المجدبـه

والحب شي لو حصرته في ضلوعي ما انحصر
يطغى على حدب المحاني لين ابيحـه واكتبـه

وان علمتني الفاتنه وشلون اسير بـلا بصـر
علمتها الفنجـال وشلـون اتحـدى واشربـه

وعلمتها إنـي كـذا طـال الزمـن ولا قصـر
وان اعذب الحب اصدقه وان اعذب الشعر اكذبه

ابياات روعه خيو مشكور ويعطيك الف عاافيه عالاختياار الروعه......}}

اقتباس: ماني نبي الله اقاوم حسن خصـرك لا انصهـر أنا بشر..عبـد ضعيـف وكـل بـرق يجذبـه قالت وهي تـوي تثنـى كـن مافيهـا خصـر الشعر يا ضيـدان ورث جـدود ولا موهبـه؟! قلت الشعر سحر يسخر لي القلـوب ويختصـر عمر المسافـات الطويلـه والسنيـن المجدبـه والحب شي لو حصرته في ضلوعي ما انحصر يطغى على حدب المحاني لين ابيحـه واكتبـه

ايه هذا الشعر اللي يطرب
شكرا على القصيده الجزله وكثر من جنسها

تشكرات خيو على روعة ذائقتك الشعرية

احترامي لكـ

مشكور على روعة ذائقتك الشعرية