ارس ياغرس

ارس ياغرسٍ عليك النا مهابه=لاتزعزعك الحرايب والوعيده
الحرايب من على عصر الصحابه=مضحيه ويصيدنا والا نصيده
وان قنع بالحق يوم الحق أصابه=وان جزع واللي يريد الله يريده
لاصحيب ولانسيب ولاقرابه=من بديده وانت عنا من بديده
يجتهد فينا وحنا في ذهـابه =واذبح الضاوي ويذبحك العقيده
لايظن بزود منا ويهقابه=والله انا اقرب لروحه من وريده
وان بغى يقنع على مابي ومابه=وان بغى كتب الأفاده مايفيده
وان بغاه يروح يوم وماغدابه=وان بغيت تولع النار الوقيده
علموهم يامطـير ويـاعتابه=يحسب الرجال يغدي به جحيده
ماذبحناهم عبث والا غهابه=عمد واللي مامضى منهم نعيده
سلفة(ن) ردت عليه وسد بابه=فالفقيده مايسد الا الفقيده
جارنا وكلابنا تنبح كلابه=مانحاوج بالمطاريش البعيده
وان ورد له مارد(ن) نشرب شرابه=وان صدر نصدر ونرده مع وريده
وان بغيت الصلح بيّن لي كتابه=واطف نار الحرب والهجره مهيده
وان بغيت الحرب بذّتك الحرابه=الحرايب قدمنا بذّت عبيده
شب نار الحرب والبس من ثيابه=واعذر الحكام واعلن فالجريده
الاسود مع الفهود مع الذيابه=والبحور اللي مغارقها سديده
واحتسب للحرب واصبر في حزابه=والسلاح جداد والفتنه جديده
ساع ماركب حديده في خشابه=والفشق موجود وايامك وجيده
وانت من خندف وحنا من شبابه=ثم كلٍ عــز راسه من عضيده
العتيبي من رهاط ليا اللهابه=والمطيري من طويق الى اللبيده
وانت في لابه وانا في جوف لابه=لابة(ن)تذري محاجيها جويده
من وفـا يومه وزلت له وجابه=مانقص مـنا الحساب ولانزيده
وانت لك عامين تلعب بالربابه=كيف تلعب بالربابه والقصيده
تحسب انا ماعليك النا انقلابه=لو صــبرنا عنك تـحّتر الـحديده
مــير حنا في محـاكمة الـنيابه=في ورود الــصك حــده وتـحديده
ثــم والله مـاتروح بــزود جــابه=لـــين مــايبقى لــتالينا شــريده

[blink]مختارات عهود[/blink]

عهوووود قمة التميز

وقمة التفنن

وقمة الابدااااااااااااع

سلمتي لنا

الف شكر لك على الاختياااااااااار


سلام

عهودددددددد


ماشالله عليك

دائما شعلة لاتنطفي

تشكرين على مجهودك الرائع

اختي الغاليه


عهود

كلام روعه من قلمك الاروع

تسلمين على هذه الكلمات الجميله

ويعطيكي الف الف عافيه

وتقبلي خالص تحياتي


القاسي

مرحبا بكم أعزائي جميعا وتشرفت بردودكم

تحيتي لكم وتقديري