ديوان الشاعر :فهد المفرج التميمي حفظه الله

::

مر وخلهم

::

عايش في هم والا في خيال= عايش في ظن والا في وهم
شف عيوني دمعها وشلون سال=من سبب فرقاك في قلبي سهم
اسألك من قال لك قتلي حلال=بعض حساد الهوى او كلهم
واجد اللي حاسدينك في الجمال= كان ودك مستعد اعدهم
القمر والورد الاحمر والغزال=والبشر معهم كفى الله شرهم
لايهمونك وغازلهم دلال=او على ماقيل (مر وخلهم)

::

::
صدتك مالها داعي
::

ياحبيبي صدتك مالها داعي=وش يفيدك من عنا العين وبكاها
ماترد الصوت وتقدر الداعي=لامتى ياقرة العين ومناها
زلةٍ زلت وتلوي بها ذراعي=ماحدٍ قبلك من الناس سواها
جيت اعدلها وزادت من اوجاعي=مثل من جا يكحل العين واعماها
انت عارفني وتدري عن اطباعي=كلمةٍ تجرح مشاعرك ماارضاها
والله اني من سبايبك منلاعي=لوعة اللي لاعها الطير واغداها
واجب انك ترحم الحال وتراعي=ياعيون ٍ سم حالي مراعاها
انت مشتاي ومصيفي ومرباعي=وانت علاّت المعاليق ودواها
انتظر رّدك ولا جابه الساعي=ولّ ياقلوب المحبين مااقساها
شاب طاروقي وقافي ومصراعي=ياقمر خمسة عشر ويش معناها
يرقدون الناس يااحمد وانا واعي=مااهتنيت النوم من عقب فرقاها
قد تمنتني وانا اطق باصباعي=وايّست مني وصرت اتمنّاها
مابها رحمه ولاهيب مطواعي=كل مااقوله على الله مشكاها
اشتري جمله ولاابيع قطّاعي=ومن يدورها على النّاس يلقاها

::

::
من باعنا بعناه باللي يسده
::

ياهيه والفنا الكرى والمخده=خلاص تبنا عن هواك وسلينا
اليوم ودعنا بحور الموده=لاصار ماودك تجي لاتجينا
من باعنا بعناه باللي يسده=مانشتري الا واحد ٍ يشترينا
ومن حدّنا جعل الليالي تحده=نجفاه لو انه عزيز ٍ علينا
ان كان لك خلّ ٍ تبيه وتوده=حنا لنا خلّ ٍ نبيه ويبينا
وان كان خلّك ماخذ ٍ عنك مده=حنا غصين البان يبكي علينا
وان كان خلّك مبعد ٍ عنك جده=حنا لطيف الروح منا وفينا
وان كان حبلك في يدينك تشده= حنا رمينا حبالنا من يدينا
وان كان بابك عن هوانا ترده=حنا قفلنا ابوابنا وانتهينا
ياطير قل له ماشقينا بصده=لايحسب انّا من صدوده بكينا
النفس طابت منه والقلب ضده=ماعاد ابي شوفه يمين ٍ يمينا
ماابيه لو جاب البحر شرق جده=ولو جرّ ضلع طويق مع طور سينا
والله لو يمسح على القاع خده=ولو قلّط الخيرات سمن وسمينا
ولوّه تأسّف لي وكفّه يمده= ويقول راضونا ترانا رضينا
ماارضى عليه ولاعيوني تلده= حنا ليا منا جفينا جفينا
خلّه يبيّح جور الايام سده= ويشكي من طعون الزمن ماشكينا
ياما سكتنا والغلط مانعده=نسكت وكنا ياالغضي مادرينا
وكم واحد ٍ غالي عشانك نهده=نزعل عليه وخابرينه يبينا
مافاد فيك وصبرنا وصل حده=رح فكّنا واسلم ولاتبتلينا
قد قيل هرج ٍ تستحي منه بده=بنقول لك هرج ٍ ولو مااستحينا
الكحل كبّه والشعر لاتكده=حنا خذينا اللي نبي وانتهينا

::

::
روحي مراح الطير يا بنت الأجواد
::

قربت منك ابي السلامه ولافاد=لقيت قربك والبعاد متساوي
عديت انا الايام هجري وميلاد=وتعبت من كثر الطلب والشكاوي
روحي مراح الطير يابنت الاجواد=وانا لي الله ياعيون النداوي
ماعاد لك في قلبي اليوم مقعاد=بس الوكاد انه بيبقى خلاوي
انتي سمعتي هرج ناقد وحسّاد=وضيعتي اللي في غرامك فداوي
حبل الرجا بين المحبين منقاد=واليوم والله ماتفيد الدعاوي
العين هلّت دمعها اجواز وافراد=وقلبي غدا مثل الشعيب السناوي
واللي جمعني بك على غير ميعاد=انك عليه من كبار البلاوي
مانيب قايل ليت الايام تنعاد=اقول ياليت الشقا باالتساوي
واما تركتك بين عايد وعيّاد=مانيب ولد محرّقين القهاوي

::

::
حان الفراق
::

حان الفراق ودمع عيني على الخد=غصبٍ علي وجعل فالامر خيره
حبل الموده بين الاحباب ممتد=حبالنا ماهي حبال ٍ قصيره
حبالنا لاوردوهن على العد=يروى بها الظامي ويلقى الستيره
ولابد من فرقا ولابد من صد=ولابد من شوق العشير لعشيره
سارت ركايبنا ووقفت على حد=وراعي البعير اليوم نوّخ بعيره
ماشفت منكم شر لاشك محتد=اقولها والدمع حرّق نظيره
اقولها صادق والى قلت من جد=والعذر منكم ياالوجيه السفيره
والى اسألوا عني فقولوا فهد شد=غصب ٍ عليه وجعل فالامر خيره

::

محجووووووووووووووووووووووووووووووووووووووووز

محجوووووووووووووووووووووووووووووووووووووووووووزززز زززز

المعذرة يا ليت مايكون هنا أي ردود الا بعد أن أنتهي من الديوان كاملا :)

الشاعر فرض نفسه على جمهور كبير من الشباب وذاع صيته عند الكبار والصغار لسهولة شعره ولجمال صوته أيضا
ويتميز شعره بالرقة وصدق العاطفة لمن تأمل مراثيه وقصائده في ابنتيه

مشكوره إختي شامخة على الديوان

الشاعر / فهد المفرج شاعراً كبير ومعروف وبيض الله وجهه

وشكراٌ على نقل بعض من ديوان الشاعر يا شامخة

ما قصرت يا اخ فهد
ياشاعر تميم مشاعرك الصادقة تجاة والدك رحمة الله وموتنا اجمعياً وقصائدك معبرة عن مشاعرشاعر وفارس