لاضاق صدري بوجه وجهي لمكه ...وأطلب من الله عسى ذا الروح يعتقها

الضيقه اللي تدك الصدر وتضكه
متى على الله تفارقني وأفارقها


الهم كنه قطار وصدري السكه
ومنين ماركبوا الركاب يطرقها


ركابه الغم والهاجوس والشكه
وأشياء كثيره عجزت اسكت والفقـّها


والعبره اللي تخنق الحلق وتفكه
كنها بضاعه وانا مندوب أسوقـّها


لو إن ماني من اهل الصبر والحنكه
مبطي خدودي غزير الدمع مغرقها


كن الزمن ذا سرق من وجهي الضحكه
والبسمه إن أبتسمت فـ كني اسرقها


سبة رفيق(ن) به الأفكار مشتبكه
رفقته نذر(ن) علي إني لطلقها


سليط طبع وحكاوي جعله الحِكه
ونفسه مع كل خلق الله موهقها


رفيق درب(ن) وبابه دوني يصكه
وأبواب قدر الرفاقه قام يغلقها


أعرف رفيق المواقف حزة الصكه
وأعرف رفاق الرخا وأعرف طرايقها


لاضاق صدري بوجه وجهي لمكه
وأطلب من الله عسى ذا الروح يعتقها


ويغفر لي الذنب والزلات واللكه
اللي تحد الرجيـل لدرب يرهقها


في يوم كل(ن) يبي من خله الفكه
والأم تنسى الضنا لوهو معانقها


يامالك الملك ارحم من فنى ملكه
والروح من جثته هون مفارقها

لاضاق صدري بوجه وجهي لمكه
وأطلب من الله عسى ذا الروح يعتقها



لا نخلا ولا نعدم منك شموخ

شموخ انثى
كلمات اكثر من رائعه
سلمت يمينك على النقل
للشاعر حمد بن جابر المري
تقبلي مروري

لاضاق صدري بوجه وجهي لمكه

.............وأطلب من الله عسى ذا الروح يعتقها

خير ما سوى والله ما يرد عبده ..

ابيات تحكي معاناة مع صديق إن صح التعبير

ففي هذا الزمن المصالح اعمت عيون الناس ..

ولي بيت من قصيده اقول فيه

رفاقة هالزمن والله فلا تاخذ بها مقياس

............... رفاقة مصلحه يومين والثالث مخربها

الف شكر يا شموخ على تواصلك بهذا الاختيارات المتميزه ..

اقتباس: المشاركة الأصلية كتبت بواسطة هلالي راسي عالي    لاضاق صدري بوجه وجهي لمكه وأطلب من الله عسى ذا الروح يعتقها لا نخلا ولا نعدم منك شموخ

//
\\
*


هلالي


ولااعدم هالحضور الرائع
بروعتك
لاهنت
..,

اقتباس: المشاركة الأصلية كتبت بواسطة سطام الشبرمي    شموخ انثى كلمات اكثر من رائعه سلمت يمينك على النقل للشاعر حمد بن جابر المري تقبلي مروري

//
\\
*
الشبرمي
الله يسلمكـ
اسعدني مروركـ العذب
لاهنت

..,

اقتباس: المشاركة الأصلية كتبت بواسطة السنافي    لاضاق صدري بوجه وجهي لمكه .............وأطلب من الله عسى ذا الروح يعتقها خير ما سوى والله ما يرد عبده .. ابيات تحكي معاناة مع صديق إن صح التعبير ففي هذا الزمن المصالح اعمت عيون الناس .. ولي بيت من قصيده اقول فيه رفاقة هالزمن والله فلا تاخذ بها مقياس ............... رفاقة مصلحه يومين والثالث مخربها الف شكر يا شموخ على تواصلك بهذا الاختيارات المتميزه ..

//
\\
*
حياك يالشاعر
\والف شكر لتواصلك وتواجدك العطر
لاهنت
..,

قصيدة جزله ومعاني جميله
صح السانك ولسان الشاعر

//
\\
*
الف ششششششششكر لحضورك وتواصلك الرائع
لاهنت
..,