أحمد الناصر وصياف الحربي...... محاورة.

لكل عشاق المحاورة وشعر الرد الجميل ... هذه رديه بين الشاعرين الكبيرين أحمد الناصر الشايع وصياف عواد الحربي على شرف صاحب السمو سلطان بن محمد بن سعود الكبير في يوم الخميس 29/7/1418 هـ... أظن أنها لم تنشر من قبل أتمنى تعجبكم...

سـلام رده نبـا نحفـر وندفن لها=والشاطر اللي عليه ان عرضت ماتفوت
اللي معه ذاكرة واحساس يفطن لهـا=يابـدو ياهل البيـوت مبرمـات البتـوت

يامرحبـا والدروب البيـض ندلهـا=وانته تعـرف العلوم الطيبـة ماتمـوت
ان وقفت هاتها وان روحـت خلهـا=الـريش لام الخـلا والبيـت للعنكبـوت

كم واحد قصتـه كـبرت ولا حلهـا=ماهـي سوالف على شاهي وطقة وبلوت
واحـد وعشرين وستمية تعين لهـا=وسط البحر مخطر يغـرق بها الجيلبـوت

شروطنـا الماضية تبقى على حلهـا=تجيب مشلـح وبر واعطيك عشرين كوت
إلـى قـدرت السفينة شيلهـا كلهـا=اما تحصـل ذهب والا من الحوت حـوت

زلـة قليـل المعـرفـة ما تنزلـها=ما خاطـب الا هل العادة جمـال التخـوت
أنا اشتري عز نفسي ما اشتري ذلها=ماني سواة الضعـوف مجمعين السحوت

ان كان جاتك من الجاهـل تحملهـا=الحضـر قالو لـي انك من كبار البخوت
الشجرة اللي تضيق الأرض من ظلها=تلقا ورقهـا ليا طـال الربيع محتـوت

قـد قلت له قل لنفسك قلهـا قلهـا=الاجنبي يحسبه شيـخ العنوز محـروت
وان كان نفسـه تمادت قلت لعلهـا=كم واحد غره المنظر وسحب البشـوت

ياكثر من ياخـذ السكـين ويسلهـا=وان قلت وش هالكلام يجاوبك بالسكوت
وش رايك نجـوز الفـدرى ونحتلهـا=وانت ارسل اهل القصيم يوزعون الكروت

الرب يمهـل وهـو ماهوب يهملهـا=مفلت لسانـه يسمـى بالرجال الفلـوت
ناقـة عريـمان ظني بنت عـم لهـا=فيما مضى خافية واليوم صورة وصوت

خله بكثر دموع الصديد يهلها=دام الكـلام يتعفت واللسـان معفـوت

مشكور يا أمير الحروف على هاذة المحاورة


والله شي بين المتحاورين كلام جميل

تسلم أخوي على مرورك الكريم وأضافتك الجميلة والحمدلله أنها عجبتك

اشكرك واقدر


لك جهودك لإثراء الساحة

تسلم أستاذي
على مرورك الكريم والساحة ثرية أكيد بوجود أمثالك
تسلم وعساك عالقوة...