نقول ليش غبار وعج

[كيلوبترا]

والله ذا الغبار والعجوج زمان اهلنا مايعرفونها. مايعرفون الا الربيع والعشب الاخضر والجو الي كله مطر وخير والحين اللهم ياكافي مغير عج وغبار على مدار السنه. الله يحفظنا نوله على ريح المطر مانشوفه. نوله على سمع الرعد مانسمعه .......تدرون ليش بلا والله من الطمع والحسود ترى الحسد يزيل النعمه والطمع اقشر من بغاه كله خلاه كله ..ولا ذا النت الي فى كل بيت صارو البزران يعرفون شي مايعرفونه اهلهم. الله يكفينا شره يومه بزر مابعد فقش من البيضه ليش تمسكه جوال فيه خدمات النت وين الخوف عليه ترى هذا الطفل امانه عندك مخليه الله ترعاه ليش تخون الامانه. ونقول ماجانا مطر وشلون يجي المطر وذا الجولات الخايسه مع الاطفال يتفرجون على اشياء ماودك يشوفونها ومقاطع تفشل .....رساله الى امي وابي يايمه يايبه لا تساعدوني على الخراب يايمه انتي مرايه ابوي فى البيت. لا تتسترين علي .....ونقول ليش يجي عج ليش ماجا مطر مدري وشلون الواحد يرفع ايديه لسماء وهو يجاهر بالمعصيه امام الله. يارب لطفك

[matab]

فوائد الغبار
في مقدمة (http://www.alhejal.net/vb/showthread.php?t=13021)ابن خلدون
ذكر أن الأرض بعد تقلب الفصول من فصل إلى فصل.. أي من الشتاء إلى الصيف..
تبدأ بلفظ أمراض وحشرات لو تركت لأهلكت العالم فيرسل الله الغبار.. فتقوم هذه الأتربة والغبار بقتلها..








وتتراوح حجم حبة الرمل بحسب الحشرة فبعضها صغير يدخل
عيونها وبعضها يدخل أنوفها وبعضها
في جوفها وبعضها في أذانها وتميتها .










وأيضا تلفظ الأرض
الأمراض بعد الرطوبة خلال فصل الشتاء.. فلا يقتلها ويبيدها إلا الغبار.
فسبحان من بيده التدبير وله الحكمة البالغه



سبحان الله ..
(وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ)

[عنيد الراس]

في كل كلمه صدقتي الحين لامبالاة عقول متفتنه مدري وش فيها او وش عليها والخراب والفتن والحسد والطمع كثر وكثر وصار شي عادي وروتين عادي جدآ جدآ وعسى الله يهدي الجميع

يعطيك العافيه ع الموضوع

[ساقي الورد]

الله يحييك الحقيقة ما ذكرتي في الماضى امطار وخير وبركة
لكن الحين حقد وكرة وقلوب سود ومنول في تمير كانت الناس عايشة على لقمة وحدة


وتواصل اجتماعي وقلوب صافية والحين طلع جيل ونتشر الرباء والحسد والنفاق
والعنصرية في كل الديار
وقل المطر والبركة وراح زمن تعطى الخير للفقير وتدعو الله بقلوب صافية



الله يعين

[عزوف]

الله يهدينا وياكم من كل حسد وكل حقد

ويصفيى نياتنا ويحفظنا من كل مكرووة

وينزل علينا الغيث ولايجعلنا من القانطين

طرح رائع لكن لا بد من مواكبه العصر الذى نعيش فيه

لابد من جوالات من نت فهيا تخدمنا ولايمكن التخلى عنها

وكل راعى مسؤل عن رعيتة ..🍂

[» اِلـَوَفْآءْ بـِنْـتْ]

نسال الله أن لآيواخذنا بمافعل السفهاء منا ,
وأن يرحمنآ برحمتة ,
لآهنتيّ

[الوسيم 2]

الله يرحمنا برحمته ,, هذه كم سنة لم نشهد تلك السيول !

[ساقي الورد]

الله يهدينا وياكم من كل حسد وكل حقد

ويصفيى نياتنا ويحفظنا من كل مكرووة

وينزل علينا الغيث ولايجعلنا من القانطين

طرح رائع لكن لا بد من مواكبه العصر الذى نعيش فيه

لابد من جوالات من نت فهيا تخدمنا ولايمكن التخلى عنها

وكل راعى مسؤل عن رعيتة ..🍂

الغيث يبي دعوات وقلوب صافية مع الاسف الوضع مؤلم جداااا

[كيلوبترا]

اشكر كل من مر هنا وأبدى وجهة نظره في الموضوع
وتقبله بصدر رححب

[عزوف]

الغيث يبي دعوات وقلوب صافية مع الاسف الوضع مؤلم جداااا

ليس الغيث فقط كل شئ احسن النية وتزين النوايا