لوكـإآن في الخآطركلآم كتمته

[عطرالورد]

رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدري وش اللي فاتني مـا اغتنمتـه !

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

الا انت ياللي قربـك لروحـي القـوت
لو غبت / يبقى وسمك اللـي وسمتـه

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه

ياما.. بنيت بيـوت وبيـوت وبيـوت
اليوم.. كـم بيـت ٍ بنيتـه .. هدمتـه



ممالامس احساسي كثيير

[أبـوحـمـد]

قصيده جميله واعجبتني كلماتها ..

كل الشكر لك اختي عطر...

[دروبك يالسهر]

رفعت كفي .. ماقدرت ارفـع الصـوت
ياسلام على مطلع القصيدة

اختيار وذائقة فاقت الجمال

كل بيت افضل من بيت

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه
عافاك الله

متابعبن لكل جديد

[سُلاَفْ القَصِيدْ]

آختيــآآر مٌوفق ..
وصـح لسآآن الشآعر ..
تقديريhttp://www.5foq.com/vb/smail/sm/paint.gif

[العالمي]

نص رائع
ذوق اروع
تحياتي

[اقدار]

تسلم يمناك انتقاء رائع

[» اِلـَوَفْآءْ بـِنْـتْ]

روووعه , يسلم لنا ذووقك
ربي يعطيك العافيه
لاهنتي http://www.t9oor.com/forum/images/smilies/fl.gif