نتمنى التحرك العاجل من رئيس المركز قبل الكارثة

[أبو ريوف]

مع تحرك القطار ، ونقله للبضائع من مصنع السكة بطريق كبري جلاجل ، استبشرنا خيراً

بسرعة الانجاز للمشروع العملاق ، ولكن الكارثة نقل البضائع وتحرك القطار دون إيقاف

أو إخبار للمارة من السيارات مما قد يتسبب لا قدر الله بكارثة شنيعة قد يذهب ضحيتها أحد

أبناء هذا البلدة الغالية أو أحد ضيوفها الغاليين ، ومن هنا نتمنى الحذر من ذلك ونحذر

من يتردد يومياً من هناك كرئيس المركز ورئيس البلدية وقاضي المحكمة فهم غاليين علينا


ونتمنى منهم حفاظاً على أرواحهم وأرواحنا إيقاف العابثين والله يحفظ الجميع وسلام

[البحار الشبرمي]

بالفعل أخوي ابو ريوف كذا مرة نشاهد القطار يمر من أمامك
من دون تنبية او تشغيل الإشارة الضوئية
نتمنى ان يتم التحذير في المرات القادمة
شكراً لك على التنبية

[جار القمر]

يحترون الكارثة تجي علشان يعالجون الغلط !!
طبعنا كذا في السعودية عموما وفي تمير بالاخص
الله يبعد حزة الشر
شكرا ابو ريوف

[من يملكني]

حسبي الله عليهم اذا انهم يخاطرون بانفس اولادنا واهلينا

اتقو الله يا اهل القطارات

[فلسفة روح]

الله يسستر على اللككل ويبعععد الششر عنهممم
> مآسسوووآ خخير يوم حططوه والله مو نآقصصين كوآرث عممر تممير لآصصآرت صنآعيهه

حسسبي اللهه عليهمم ججعل قطآرهمم الخرآآب ..

[ولد العز]

الله يستر من ها القطار كم واحد يقول بغا يضفني وياليت يتحركون عاجلا قبل ان يقع الفاس في الراس

مشكور ابوريوف على التنبيه

[أبو ريوف]

نتمنى التحرك العاجل قبل أن نفيق على كارثة ولو هذه المرة

[صمت العواصف]

انا اليوم جاي من عنده قبل صلاة العشاء وقاطع الخط القطار..!!
والله ماوضح القطار .. والمفروض يمنع يقطع في الليل ومايتحرك الا في النهار..!!
او يحطون البلديه انوار علشان يبييين اذا قطع الخط..!!
والله يستر علينا وعلى كل من يتردد مع الخط..!!

[هاوي السحاب]

الحوادث في الهند والصين

الله يستر لا يذيعون الخبر في تمير

وان شاء الله ما نشوف مكروه والبلديه اهلها اهل خير ان شاء الله وحريصين

شكرا لتنبيه ويعطيكم العافيه ........

[PRESTIGE]

أنـآ أششوف لو يتقدم أححد بشكوى رسسميّة يقدمهآ لـ مركز تمير ..



آلله يسسستر علينآ ..,



تقبلني .,

[ورده جوري]

انا ماشفت القطار شفت عربه ماشيه فيها نور مب واضح مره وتمشي ببطئ مدري هذا اللي تقصدونه او فيه قطار قطار
عموماً المفروض فيه اشارة تنبيه عاجلاً غير أجل
لان الخط اساسي للي رايح واللي جاي من المجمعه والحوطه ولرياض
مشكور اخي على التنبيه وحرصك لحمايه اخوانك المواطنين
جزاك الله خيرعلى الموضوع وارسال الرسائل بالبرود كاست لانها انتشرت امس.

[الحياة امل]

الله يحفظ اهالينا من كل مكروووووووة ولابد من التنبية لذلك

[زمان الصمت]

الله يستر ويفكنا من كل شر
مشكور ابو ريوف ع الرساله للمسؤول عن البلد وان شاء الله يتم النظر في المشكلة

[النادر]

الله يكفينا الشر وعز الله الحين قمنا نتلفت
اذا وصلنا للسكه والله يحمانا واخواننا
السالكين للطريق بشكل يومي

[ورد تمير]

الله يكفينا الشر

[مضيع غترته]

والقطار ماحطو له مطبات

[أبو ريوف]

هذا ما كنت أخشاه من سكة القطار

[ماجدونا]

وش صاير وش السالفه

[TNT]

يَ خووي

معروفين وآلله لآزم يصير حآدث قووي فيھ وفيآت علشآن يتحركون يضبطوونھ ..
لآ ووش بيصلحوون بيحط مطب ..
يعني مع كل حادث يعدلوون شووي ألين يخلص آلشغل وتخلص الأوادم..

[fahad a]

صاير اليوم حادث فيه قوي

القطار ماشي وراعي هايلكس 2008 مر على نيته وصدمه والرجال يقولون مافيه شي قوي

الله يقومه بالسلامه

[L O R D]

ربك ستر عليهم الله يشفيهم ويعافيهم

طبعا السالفة ومافيها الحادث اللي صار ليلة البارحة بسكة القطار

هايلكس يصطدم بالقطار ولا فيه لوحات واضحة ولا اناره واضحة في الحفريات

حسبي الله على من كان السبب

لهم مدة يشتغلون اسبوع ويوقفون شهر

ولا فيه حسيب او رقيب عن الاهمال اللي صاير !!

نشوف نهايتها معهم !!

[عسى ماشر]

يعطيك العافيه

[القلم الجاف]

راحو الطيبين

[المرتعد]

ما أدري ما الذمم التي تتحمل المخاطر الحاصلة بهذه الطرق
والله إن المسلم يخشى على نفسه من دعوة
فكيف إذا كانت دعوات ومن مظلومين ؟!

[ساقي الورد]

صارت الكارثة

[غــدي]

حسبي الله ونعم الوكيل

ادفنو السكه وريحونا منها عشان يعرفون ان الله حق وان ارواح الناس مهوب لعب عندهم

[NET]

http://www.up-tumaer.net/tumaer/download.php?img=10919

يا اخوان يا اهل الديرة تواصلو مع الشركة عن طريق الفاكس او الهاتف او قابلو المسؤول ... لا تستحون.

يمكن مايدورن وش الي صاير في تمير وهم في الرياض ..!!

[الساطع]

اتوقع لااهل تمير يجب انهم يتوقفون كل مره يعبرون الطريق وبالنسبه للي ماقد مر المفروض اتهم يحطون اشارات ارشاديه قبل سكة القطار للتنبه
والمفروض يكون هناك اشاره اذا كان القطار بيمر تكون حمراء ,القادم يشوفها ويحاسب ..... مثل الدول في الخارج

[همس الورود]

الله ستر حنا قبل امس بغينا نروح فيها ما وضح ابد ابد الله يستر ياااارب

[أبو ريوف]

نتمنى منا كمواطنين أن نصل إلى ثقافة الشكاوي بالطرق السليمة
وذلك عبر الأبواب الرسمية بدلاً من الصياح والنياح بيننا


من يملك بريد أو ايميل أو هاتف أو فاكس

فليراسل الشركة ويطلب منها بأدب النظر في المشروع

وكيفية وضع وسائل السلامة هناك

[العنيد 2006]

الله يستر من الايام الجايه

سمعت انهم بيفتحون الكبري قريب

[رحال بهدوء]

الله يسسستر
لازم يمووت احد او يصآب
علشآن يكملون الشغل
حسبي الله ونعم الوكيل

[غيمه ..!]

ايه اصبروا الين يجي حادث ويموت احد عشان يتحرككون..
الى متى هالاستهتار ..
ما اقول الا الله يحفظ عيالنا بس

[أبو ريوف]

مبروك تم افتتاح الكبرى