ياعين وش علمك ترفين

[دروبك يالسهر]

اليـوم ياعينـي علامـك ترفـيــــــــــن
ولا انتى على العاده بنثر الدموعـي

اما يبي يلفيك علمـن ماهـو زيــــــن
وإلا اتذكـر ماغـدى مـن ربوعـــــــي

ياكثر مانذكـر مـن النـاس غاليـــن
حدر الثرى ماعـاد فيهـم رجوعـــــي

راحوا مراحن منـه ماهـم ملفيـــــن
صارت منازلهن عـذاب للشوعــــي

الله على وقتن مضى مثـل هالحيـن
ابعد علي اليوم مـن حـب كوعـــــي

اليـا ذكرتـه والمخاليـق غافـيـــــن
جريـت مايفتـح مفالـج ضلوعـــي

يوم ان وقتي مقبلـن ياأدعـج العيـن
عروس عشق ومعجبتهـا الدفوعـي

واليوم وقتي صـار بيـن اليهاهيــن
الى طاب لي يومن خبث لي اسبوعي

دنيا نبـي منهـا عـدال الموازيـــــن
وتميل لوني في خطاها جزوعـي

تضحك لنـاس بالفـرح مستمريــن
وناس تجيهـم بالكـدر والفجوعـي

وصارت بها سود المقانـع شياهيـن
وفحولهـا صـار اتبـوع التبوعــــي





الشاعر/ صقر النصافي

[العالمي]

ياكثر مانذكـر مـن النـاس غاليـــن
حدر الثرى ماعـاد فيهـم رجوعـــــي
نص ينم عن ذوق رفيع
اهنيك

[همس الجفاء]

تضحك لنـاس بالفـرح مستمريــن
وناس تجيهـم بالكـدر والفجوعـي

آختيآر رآئع
عوآفي

[سُلاَفْ القَصِيدْ]

صح لسآن شآعرهآ
وسلمت على الـأنتقآء

[» اِلـَوَفْآءْ بـِنْـتْ]

جميله الأبيات بكل ماتحمل من الألم..http://www.t9oor.com/forum/images/smilies/hrt.gif
سلمت يمينك ي الطيب

http://www.t9oor.com/forum/images/smilies/0000100.gif