حكم رائعة

[العالمي]

حكم


شعر مثل ياطالبين التماثيل = كل يجي شعره بحسب اقتداره
من عاش ينظر بالسنين المقابيل = يذوق من عقب البرودة حرارة
الطيب يخلق مع قلوب الرجاجيل = ماهوب في بنك التجارة تجارة
والرزق من عند الولي بالتساهيل = ماهوب بالقوة ولا بالشطارة
من عاش في حيلة وكذب وتهاويل = ياسرع من عقب الطلوع انحداره
والشور ماينفع قلوب المهابيل = كالزند وان حرك تطاير شراره
لو تامره بالعدل يعرض عن الميل = يبتل على رايه بربح وخساره
والطبع ماينزال غيره بتبديل = مثل الجدي مسراه ليله نهاره
والحنظلة لو هي على شاطي النيل = زادت مرارتها القديمة مراره
هذامثل ياطالبين التماثيل = كل يجي شعره بحسب اقتداره
عبدالله اللويحان

[توأم الجود]

العالمي ,,,,

1000 تحية و شكر وتقدير على هذا النقل الموفق و الرائع

تحياتي للجميع

[هادي]

صدق انك اسم على مسمى عاااااااالمي في كل شي

مشكووووور

وتسلم يدينك على النقل

وصح لسان الشاعر



سلام

[السنافي]

حكم تكتب بماء الذهب ،، تسلم يالعالمي والله يعطيك العافيه على التواصل الرائع .......


وذكرت البيت الذي يقول

الطيب يخلق في قلوب الرجاجيل ،،،، ماهوب فالاسواق يجلب بضاعه
وتقبل تحياتي