| قصيدة مميزة | وداعة الله

[ابو مشعل]

http://m5awitumair.com/upload/uploaded/17_01316959870.gif



وداعـة الله مابـقـى للـغـلا روح .. وش حيلتي والعشق ينـزف وريـد

سامح حبيبك وانت معفي ومسمـوح .. لكـن طلبتـك تسمـع اخـر قصيـده

قصيدة(ن) خذها على شيـك مفتـوح .. من واحد(ن) ماقد نشد عـن رصيـده

فقير مـال ولكـن انـه غنـي روح .. ويملـك مفاتيـح الحيـاه السعـيـده

لـو ان قلبـه لاخفـق كلـه جـرووح .. ولاهو من اصحـاب القلـوب البليـده

يحزن لحزن الناس ويسـج وينـوح .. ويفرح لكل النـاس لـو هـي بعيـده

ومن منطلق سـر العلاقـات والبـوح .. بعلمـك شـي(ن) عسـى تستفـيـده

يمكن تمرك ساعة الضيـق وتـروح .. وتقـول عـدت والليـالـي مـديـده

وانـا اقـزر ضيقـة فراقـك مـزوح .. هذي سنـه والعلـم عييـت اصيـده

عقبك قصيدي يسجعه نايـح الـدوح .. وعقبـك تـرى ماللشرايـد شريـده

وعقبك لو اخفي ضيقة الصدر مفضوح .. كلـه لعيـنـك يالمـهـاة الفـريـده

مضرم عليك ودلـة وصالـك تفـوح .. فـي جنبهـا جمـر وتحتهـا وقيـده

والحين تبغى الوصل والا تبـا تـروح .. بعد مإ سمعـت اغلـى واخـر قصيـده

[» اِلـَوَفْآءْ بـِنْـتْ]

✿,








والحين تبغى الوصل والا تبـا تـروح
............................... بعد مإ سمعـت اغلـى واخـر قصيـده


رآئعه حَد الثمآله
رآئعه حَد الثمآله
صحَ لسآنَ الشآعرَالعازمي
أبوَ مشعلَ .. ذائقه ملكيه .. بيضَ اللهَ وجهكَ علىَ هـَ الـآنتقآءَ المختلفْ .. !







تقيميّ + وسآمَ التميزْ + تثبيتَ لمدةَ 3 أيآم














:rfrfrdd:

[ابو مشعل]

اشكرك اختي الوفاء بنت على تقييمك وعلى تثبيتك للموضوع وايضا على الوسام
وان شاء الله القادم اجمل لان ماسكه معي على قصايد نرجع ايام اول هههه

تحياتي الحاره لكي
وجاري الاستماع للشيله

[عزوف]

مِتْى مآ حُضرْ آسِمٌكْ هنآ
حُضرْ كُلْ شُيْ جمُيلْ مُبدع بـ ذآئقُتكْ
ؤسِلمتْ يمنآآكْ عٌلىْ هِذآ آلآرتُؤآء العُذبْ

[جار القمر]

قصيدة جميلة
شكرا ابومشعل

[همس الجفاء]

قصييده رآئعه
تسسسلم يآخوي

[سهيل تمير]

لـو ان قلبـه لاخفـق كلـه جـرووح .. ولاهو من اصحـاب القلـوب البليـده

يحزن لحزن الناس ويسـج وينـوح .. ويفرح لكل النـاس لـو هـي بعيـده

ومن منطلق سـر العلاقـات والبـوح .. بعلمـك شـي(ن) عسـى تستفـيـده

صح لسان قائلها

كلـك ذوق وحـلـى يا أبو مشعل
واختيار موفق
أبيات رائعة
أهنيك على الفطرة السليمة التي مكنتك من تقدير الجمال والاستمتاع
والحاسة الفنية التي تتمتع بهاوقدرتك على الإحساس بقيمة العمل الفني وجمالياته
التي تختلف من شخص وآخر

تــقـــديــري لـــك

[سُلاَفْ القَصِيدْ]

رآئعه لاتكفي بـ حقهآ ..كل بيت آحلى من الثآني
إنتقآء جميل ..
شكراً آبو مشعل ..

[ابو مشعل]

احرجتموني بكل حروف خطتها اناملكم
فلم يتبقى لي الا ان اشكركم على كلماتكم التي اعجز عن وصف مشاعري بكل رد
لكن شكرا من القلب

ولكم بيت هديه مني لعله يكون على قدر مابداخلي من مشاعر تجاهكم
واعذروني كتبته على عجاله هههه

ليت المشاعر ورد واوراق وغصون .......... لاهدي لكل غالي من بساتين وردي

تحياتي