عودة سيئه لطالبات الثانويه الأولى

[قلب أبيض]

بسم الله الرحمن الرحيم

الى من يهمه أمرنــــاااا

نحن طالبات الثانويه الأولى بالعزيزيه نعاني كثيرا مع بدايه السنه الدراسيه الجديده
استبشرنا خيرا بعد نقلنا لمدرسه جديده وقريبه من منازلنا لكن للأسف المدرسه لازالت في طور التعديل والترتيب
أين المسؤلين عنها طوال الأجازه الصيفيه؟؟ او بعد عودة المعلمات؟؟
لدينا عدة مشاكل نريد التكرم منكم لأيجاد حلول
1/طالبات الصف ثالث ثانوي ليس لهم صف بحجه ان الدور المخصص لهم ممتلئ ولايمكنهم أخذ غرفه من دور المتوسطه بحجه عدم رغبه الادارتين بالأختلاط طالبات الثانويه مع طالبات المتوسطه؟؟!!!!!
2/لايوجد مقصف للثانويه
3/منظر المدرسه لايهيء للتعليم ابدا أتربه وفوضى

وغيرها من الأمور

تمنياتي أن يكون القادم افضل

[سُلاَفْ القَصِيدْ]

هلآ آختي
ليست مشكلتكم آنتم فقط كثير من مدآرس المملكه تعآني نفس المشكله
مدآرس مهجوره لهآ آكثر من شهرين والضحيه الطآلبآت ..
كآن الله بعونكم وبعون الجميع ..

[تولي. .]

خيييييييييييير وش هالمهزله كان مانقلوكم من مدرستكم احسن
بجد قمة الاستهتار ماعاد فيه اهتمام والمفروض ادارة متوسط تتعاون معكم
ع الاقل لمايوفورون احتياجاتكم
واذا ع الفصل خلو اباكم يشتكون لاتسكتون نقلوكم وبس مايدرون لكم فصل ولا لا
الله يعينكم يارب

[عفريتة تمير]

اف ليش كذا
حرام عليهم :t148:

المفروض يكون اجواء المدرسه تهيئ للدراسه مو مافيه فصل ولا مقصف ومدري ايش ..... الخ

والله يكون بعونكم ويصبركم والله :ft:

لو بيدي شي سويته لكم بس بيدي اني ادعي لكم

[سُلاَفْ القَصِيدْ]

كل آدآره وظروفهآ
ومآدآم آنكم تقولون مدرسه جديده مآآتوقع الـأدآره سآكته على الشي هذآ
آهم مآعندهآ مصلحة طآلبآتهآ فوق كل شي..

[الوسيم 2]

لآلآلآ موبس انتم هذاا العاااام ماااحد اهتم فيه بزيياااده يمكن مااادروو ان المدرسه بتبدأ الا يوم قالوو بكره مدارس هههههههههه
الله يعين الجميع ويوفقنا ويوفقكم

[توأم الجود]

المشكلة تصير كثير من المدارس بحكم لخبطة يمكن في التسجيل و غيرها ؛ وانتم ناقلين مدرسة جديدة اكيد يبي لها ترتيبات خصوصا في اول الايام ؛؛ اهم شي حطو لكم مدرسة الان و عاد هالمشكلة تنحل و تخلصون

الله يوفقكم و يكتب لكم النجاح في هذا العام و الاعوام القادمة

تحياتي

[امورة تمير]

الله يكون بعونكم ليش ماستعدوا قبل الدراسه وجهزوها .وبنات الثانوي وش فيهم يعني ماتخرجوا من المتوسط يومهم مايبونهم ؟الله يعين
منا جامعة المجمعه ومنا الثانويه ههه

[ممُلوحهَ]

اف وقسم ام الحاله لاجامعات سنعه ولاحتى مدارس وشذا الحاله

[عزوف]

شؤي شؤي الشئ مايجي بالساهل

ان شاء بيزيوننها وما نقلوكم الا وهم عندهم ثقة بأن المبنى متسع للجميع

واكيد هم يتعبون بس الطالبات مايدرون

صبرااا

[برستيج مومو . . }]

شوفي والله ان هذي ارحم من الاولى



أحمدوا ربكــم بس...



واذآ على ماخلصو منها



ان شالله بيعدلوها بالأجآزآت القآدمه ...

[الفيصل557]

يمدحووووووووووووووووون النوووووم

[جلينار]

الله يعينكم

[قصائد]

الله يكون بعونكم

[خواطر بنوته]

يعطيك العافيه اختي ع الموضوع ..
بالنسبه لطالبات ثالث ثانوي الاداره ماقصرت حطتهم بغرفه المصادر ..
بس صعبه لانهم علممي والمصادر مافيها سبوره وهم بحاجه شديده لهآ لان معظم دروسهم لازم لها كتابه من مسائل وغيرها ,,
وماتوقع تقدر مدرسه خصوصا المواد العلميه بتقدر تشرح بدون سبوره فبيضطرون انهم يستنون الا ان تاتيهم سبوره وبيكون فيه تاخر بالمنهج ,,
بس من وجهة نظري لو الاداره تدمج الصف الاول ثانوي في فصل واحد يكون احسن الى ان ربي يفرجها وتتعدل الاوضاع شوي
ولان كثير من المدرسات يحتاجون هذه الغرفه لعروض البروجكتر فبيكون صعبه ع الطالبات التنقل اذا كانت وحده من المدرسات تبي تشرح درسها ..
والمفروض يكون لطالبات ثالث فصل كبقية طالبات المدرسه !!
- -
آمآ بالنسبه للمقصف مآفيه شي وش بيتفسحون البنات مويه وعصير !! هذآ اذا كان فيه موييييييه
- -
وبعدين طالبات الثانويه وين يروحون وقت الفسحه ؟
الساحه الداخليه تابعه للمتوسط .. والخارجيه كلهآ خمآم من كنب ودروج و...الخ
مابيضر لو ان الاداره جابوا عمال ينظفونها بما انهم مداومين قبلنا بفتره ع الاقل يلقون الطالبات مكان يجلسون فيه

[صمتــي ذبحنــي]

مو انتم تنتظروووون اليوم اللي تدرسون فيه في هذي المدرسسه
ولا لايكوون انتي من المعترضين مايبون مع المتوسطه ..!!
وحطيتيها حجه حوسسه ومآحوسه .. بآلعكس المدرسه هذي افضل من اللي قبل
بمليوووون مره واقرب لكم وأأمن بعد .. واصبروآ شوي لان توكم دارسين فيهآ ومآبعد تأقلمتم فيهآ
والله يعينكم ي ربْ

[برفو2011]

قمه الاستهتار صوره مع التحيه للمسئول في تمير

[برفو2011]

مو انتم تنتظروووون اليوم اللي تدرسون فيه في هذي المدرسسه
ولا لايكوون انتي من المعترضين مايبون مع المتوسطه ..!!
وحطيتيها حجه حوسسه ومآحوسه .. بآلعكس المدرسه هذي افضل من اللي قبل
بمليوووون مره واقرب لكم وأأمن بعد .. واصبروآ شوي لان توكم دارسين فيهآ ومآبعد تأقلمتم فيهآ
والله يعينكم ي ربْ

هل دخلتي المدرسه وشفتيها حتى تحكمي عليها ترا كلامك ستحاسبين به يوم الحساب

[قلب أبيض]

مو انتم تنتظروووون اليوم اللي تدرسون فيه في هذي المدرسسه

ولا لايكوون انتي من المعترضين مايبون مع المتوسطه ..!!
وحطيتيها حجه حوسسه ومآحوسه .. بآلعكس المدرسه هذي افضل من اللي قبل
بمليوووون مره واقرب لكم وأأمن بعد .. واصبروآ شوي لان توكم دارسين فيهآ ومآبعد تأقلمتم فيهآ

والله يعينكم ي ربْ



معليش انتي ليه فاهمه غلط؟؟!!!وداخله معصبه ؟؟؟!
احنا نبغى المدرسه ماقلنا شيء ..... راجعي الموضوع كويس بعدين ردي

[قلب أبيض]

شكرا لجميع من رد وشكر خاص لخواطر بنوته

[ملامح طفله]

السلام عليكم ورحمة الله وبركاته
المشكله موب بس في الفصول والمقصف
الطابور الصباحي
وينه فيه في مكان صغغغير جدآ حر وكتمه وموب طالبتين الي يصفون كل طالبه ورا الثاني وجنب بعض
كل هذا عشان ماننزل تحت ليه طيب ساحه وش كبرها مافيه الا 3 فصول
وفوق حاطينا بمكان صغير طابور صباحي !!؟
حتى وقت الفسحه ممنوع تجلسون بساحة المتوسط ليه
والي برا كله حوسه بويات وكراسي وطاولات واخشاب
ودرايش ماتقولون بمدارس بسكك البطحه
اتمنى رسالتي وصلت

[سكايب الجود]

وش فيكم هجمتوا على صمتي ذبحني
صادقه هي اصبرووا على شوي شوي ويتصلح كل شيء
على الاقل هي ارحم من اللي في المراجيم

وبالنسبه بثالث علمي بنصير معهم اول ثانوي قليلين مفروض ماقسموهم ؟!
عشان يكون لثالث علمي فصل !

والله يكوون بالعوون

[.. الــــدلــع كلــه ..]

..مشكــــوورهــ اخـتي ,
كنـــت ابكتــب الموضوع لاكـــــن سبقتيني من جــد مدرســــــه فوضــى نرجووا من ((((((المتوسطــه ))))))أعانت مدرستنـــــا مدرري كيــف الطالبــــــاات راحــ يتحملــوون
المدرســه الــي قبل كــانت احلـــــى بكثيـــــرر اتمنــــــى انكمــ تحلون المشكلــــــه بأقرب (((((((((وقـــت ))))))))))
:: تحيـــــــاااتــــــي ::

[برفو2011]

وش فيكم هجمتوا على صمتي ذبحني
صادقه هي اصبرووا على شوي شوي ويتصلح كل شيء
على الاقل هي ارحم من اللي في المراجيم

وبالنسبه بثالث علمي بنصير معهم اول ثانوي قليلين مفروض ماقسموهم ؟!
عشان يكون لثالث علمي فصل !

والله يكوون بالعوون

ليس هجوم ولاكن الواحد يجب ان يراعي الله في كلامه يجيها دعوه من ام بنتها متضايقه من الحاصل محد ينفعها هذا واقع وما يحس بالنار الا رجل واطيها المفروض من اداره المدرسه انها ماقبلتها بهذه الحال والدوله ماقصرت خافو الله في بناتنا والي ترد تتقي الله الي تقول احمد ربك ومدري ايش انا في دوله غنيه بثرواتها فلماذا نبخل على ابنائنا بهذه الثروات التي هي حق شرعي من حقوقهم كفله النظام الاساسي للحكم في هذه الدوله ارفعو روسكم ولا تنظرو الى اسفل اقدامكم
ندا الى مخاوي تمير وزملائه الاعلاميين برفع موضوع بناتنا في الصحف لعل الله ان يصلح الحال

[قلب أبيض]

شكرا لتجاوبكم معي واتمنى من الله العلي القدير ان يكون عملي هذا سبب في فرحة الطالبات الايام القادمه

[مكتب التعليم بتمير]

بسم الله الرحمن الرحيم

الحمدالله رب العالمين

بداية نهني أبناءنا الطلبة بنين وبنات بمناسبة بدء الموسم الدراسي لعام 1432 ــ 1433 هـ

بالتوفيق للجميع النجاح

لقد أطلعنا على الموضوع المشار الية من الآخت قلب أبيض حول الثانوية الآولى بحي العزيزية

أولاً أشكر الآخت على اهتمامها ونقدها البناء الهادف حول وضع المدرسة

أولا وكما تعلمون لقد تولى الآستاذ محمد المناع مدير مكتب التربية والتعليم بتميرمهام عملة

بتاريخ 29/8/1432 هـ

ومن أهم القرارات التي صدرت النقل والترميم لآجل تهيئة المناخ المناسب

ومن أهمها توفير متطلبات المدارس

لكن الوقت داهمنا في عدم التجهيزبالشكل الكامل حيث كانت بداية تنفيذ الخطة في أيام العشر

الآواخر من رمضان وقد قمنا بعمل جبار ليلا ونهارا لآجل أتمام الخطة المرسومة والحمدالله لقد تم إنجاز

أكثر من 85% حيث أضع أمامكم المهام التي تم أنشائها في خلال 19 يوما

1 ــ نقل الآشراف من حي الخالدية الى مقر الروضه سابقا وقد تم تجهيزة ولله الحمد

2 ــ نقل روضة الآطفال من حي المراجيم الى حي الخالدية بمكتب الآشراف سابقا وقد تم تجهيزه

3 ــ نقل الثانوية الآولى من حي المراجيم الى حي العزيزية ملحق بالمتوسطه الآولى وقد تم بعض

التعديلات ومازال العمل جاري وأنشاء الله تعالى سوف يتم تجهيز المدرسة بالكامل

4 ــ تعديلات بمدرسة الثانويه بالمراجيم سابقا ليكون مكتبا لتربية والتعليم وخلال أيام سوف يتم النقل


ولا يخفى على الجميع بأن قضية التأخير لها عدة مبررات وهي المؤسسات المنفذة

لتنفيذ أعمال الترميم والآصلاحات وهذه هي من المشاكل التي تعيقنا ونعاني منها

لكن نحمد الله أننا ليس لدينا الا القليل وما عليكم الا الصبر وتعاونكم غايتنا لا نستغني عنها

وليس أنتم المتضررين غيركم بالمدارس المحافظة يعانون أكثر منكم الحمدالله نحن أفضل من غيرنا

على العموم حرصكم يهمنا ونعدكم بمستقبل زاهرجديد في عهد رجل مجتهد وهو مدير

مكتب التربية والتعليم بتمير

وفقكم الله وسدد خطاكم

مكتب التربية والتعليم

[صمتــي ذبحنــي]

هل دخلتي المدرسه وشفتيها حتى تحكمي عليها ترا كلامك ستحاسبين به يوم الحساب

مآيحتآج ادخلهآ لانها مدرسه حكوميه مثلها مثل غيرهآ
لاكن اللي اعرفه ان الساحه الخارجيه حووسه وفيها بويات ومدري ايش
لاكن مع الايام راح ينظفونها وبتكمل بنايتها ..
وطبعا هذي المدرسسه اامن لكم من المراجيم البعيده واللي حوليها كلها عمآل ..!!
والله يوفق الجميع ..

[صمتــي ذبحنــي]

معليش انتي ليه فاهمه غلط؟؟!!!وداخله معصبه ؟؟؟!
احنا نبغى المدرسه ماقلنا شيء ..... راجعي الموضوع كويس بعدين ردي

معليش حبيبتي انا فاهمه الموضوع كوووويس ^^
وعوافي ي الغلا

[فديت تمير]

بسم آلله الرحمن آلرحيم
آولآ أوجه شكري لكآتبه آلمووضووع لآنهآ كتبت الموضوع لآهتمآمهآ ,
وبالعكس آحس كتآبة الموضوع ليس لآثاره المشآكل ولااتوقع من الكآتبه انهآ تتطلع لً هالشيء :)
ثآنيآ اللي مآشاف وضع المدرسه لآيبرر ويقعد يقول آحمدوآ ربكم
آلحمدآلله احنآ حمدنآ ربنآ على المدرسه الجديده ومآنسينآ من كآن له يد في هذآ الموضوع .

مكتب التربيه وآلتعليم كل الشكر لكم وجعله آلله في موآزين حسنآتكم
وآسآل آلله لكم آلتوفيق وللآمآم وآن شآء الله مآراح تقصرون
في المدرسه الثآنويهه والمتوسطه , وبآذن آلله نشوف التغيرآت اللي تسعد آلطالبات .
والسلآم عليكم .