للمره الثانيه..!؟

[عبودي تمير]

سلام عليكم ورحمة الله وبركاته

كل عام وانتم بخير

احب ادخل بالموضوع بدون مقدمات

اول شي هذي المره الثانيه ماشفنا منكم اي شي بالعيد لا حفلات :image718:

ولا عرضات او اي شي لازم انا اروح افر على مناطق سدير كلها عشان اوسع صدري والي يخليني انقهر ايذا رجعت تمير

وش القى ؟؟؟؟ بس ظلام وسيارات رايحه جايه
جلاجل على الحوطه على العوده والحريق وروضة سدير ثلاث ايام وراء بعض حفلات وعرضات
لازم يجي احد يتكفل بالحفل يدفعلكم من جيبه يعني ؟؟؟ :mad_argue:

معليش على ها الكلام بس جد ياناس طفشنا شوفولكم حل :1245366310twpz51149

[عزوز الرياض]

يا رجال وووسع صدرك
ديرتك مدري وش فيها
والله يعينك على المشاوير
ومالك الا الصبر مغير بس ........والله يهديهم

[نبضك]

والله اتمنى من البلديه بناء قصر لرجال في تمير ويحطون فيه كل العيد وعرضات واي احتفالات في تمير يحطونها فيه

ويصير بعيد عن الناس علشان مايقولون ازعجتونا ابلشتونا

[ابـو رائد]

اكيد انا معك . .

[مجهول الهويه]

هذا الموضوع يخص البلديه

[دحوم الخالديه]

عآد من بعد منآطق سدير
وعندي ازين من الطفش هنآ~~

[باترولـ1991ـ]

اقول إحمد ربك بس لايجي شيء اقوى وتدج صح
اهل تمير عيبهم الوحيد مب على قلب واحد كل واحد لهري وكلمه وكل واحد مايبي الثاني
اقول خلك في السدير ازيلك واترك عنك ديرتك
مافيه اللا (شارع الثلاثين ) وان درت زادت الشكاوي والمواضيع في المنتدى

[همس الجفاء]

بس ولو حتى الي بشآآرع الثلاثين وش يجيهم من الدورآن غيرر الدعي ..
ومششآء الله كل يوم رازين سيااره تراقب الي رايح وجااي

والله اتمنى من البلديه بناء قصر لرجال في تمير ويحطون فيه كل العيد وعرضات واي احتفالات في تمير يحطونها فيه

ويصير بعيد عن الناس علشان مايقولون ازعجتونا ابلشتونا
اايد كلامه

[ريح الندى]

احمد ربك ع النعمه والوناسه مو بالعرضلات والخبال والدوران في الشارع


استغل الوقت في شي ينفعك يالله العمل الصالح بس


وبعدين شارع الثلاثين متوذي من الشله الطايشه والمبزره الي مالقت من يربيها

[حراير]

ماخرب اعيادنا الا الحسد
وانا صادقه
لو احد من عيال الديرة عمل خير
مايشكرونه لا ينتقدون وهذا اللي يقهر
يعني الحمدلله ان فيه احد يهتم ليش لازم نعيبه
لو ان رجال تمير كلمتهم وحدة وعلى قلب واحد كان شفنا اعيادنا مثل اول
مو يختص بعوائل ولايحضر احد
ما اقول الا الله يهدي الجميع

[abo-7elly_2002]

والله انك صادق يابن الحلال
هالسنه ذي بزود ما حسينا بطعم العيد إلا الصبح
في الصلاة بس

بس مالنا إلا نقول الله يعين

[orv]

ماعندنا مشكله طال عمرك نحط عرضه بس كلمة الاهالي من يلقيها ؟؟

[عالمي نصراوي]

عادي تعودنا بديرتنا
ماعندنا
ألا الشوارع زحمة
دوران وبس
عشان مافيها ألا الطفش والملل
السؤال محيرني
ليه بتمير بالذات ماتحس
إنك باعيد
شوفو سدير ككل
وناظرو الفرق

[عنيد الراس]

صدق عبودي في كل كلمممه .... بس الحسسد وبعض الناس الفاسدين الله لايبلانا استغفر الله بس..

[محترم باخلاقي]

يبوي ذاك اول كانت تمير مهرجانات وحفل كل عيد وعرضه
امممم الحين مانشوف الى مركز الصيفي وفاشل وين المهرجانات
وين حفل العيد المطلوب من البلديه تزين قصر يوضع فيه حفل كل سنه حفل العيد

[AL PACINO]

يمكن مايدري ان الملك ان عندنا بطانه فاسده

[مضيع غترته]

من ناحيت بطانه فاسد ة اتفق انا معك ..والحسد مووجوود بكل سدير بشكل عام نتمنى من الشيــــخ ابراهيم السلطان بناء قاعة احتفلات

[حراير]

اعتقد الشيخ ابراهيم انتهاء من بناء القصر المخصص للاحتفالات
لكن اقف هنا هل ستنتهي نظره الاهالي الى كل خير يقدمه الشيخ ابراهيم كنوعه من الصدقه
الشيخ ابراهيم مايقدمه لاهل تمير ليس كصدقه عليهم ولكن عربون وفائه واخلاصه وحبه
لهذه الديار

[هلالي قاهرهم]

مــــاعــنــدكــم الا الــدجــه :t177:

[برفو2011]

شي غريب يحصل في تمير لا عرضات في العيد ولا امهرجانات في الصيف والوضع من جرف لدحديره والسبب التصوير حصريا ولا مهوب حصري وعدم الوقفه الجاده من اهل تمير

[هذي انا]

والله من جد تميييير رايحه فيها
يعني لو يهتمووون باتمير شوي
شنو راح يخسرررون هذي ديرتهم ولازم يهتمووون فيها
تعال شووف المدن والقرى الثانيه وفيه قرى اصغر من تمير وماشاء الله
كل شي فيها
طيب ليه مايسوون اهالي تمير وبلدية تمير شي لو بسيط راضين فيه

[امورة تمير]

هلالي قاهرهم;مــــاعــنــدكــم الا الــدجــه

ههههه صادق ماعندكم الا الدجه والصجه

[النادر]

للاسف نحن في تمير لم نعد كما كنا
والخلافات تزداد يوماً بعد يوم والتشتت
واضن انه سيستمر لفتره طويله والاسباب واضحه

[الوسيم 2]

^^^^^ شئ صحيح واااااااضح زي ووضوح الشمس خلافات على اتفه الاشيااااء الله يعين

[الورر]

نريد قصر لهالي تمير لاحفالات العيد والسامري مانريد العرضة والمهرجانات الصيفيه واي واحديريد استجاره بمبلغ زهيد لحفلاات الزواج